గేమ్ చేంజర్ సాంగ్ ఖర్చుతో 5 సినిమాలు చేసేయొచ్చు

గేమ్ చేంజర్… ఇప్పుడు మెగా ఫ్యాన్స్ ఓ రేంజ్ లో ఆశలు పెట్టుకున్న సినిమా ఇది. ఆచార్య సినిమాతో డీలా పడిన మెగా ఫ్యాన్స్ ఈ సినిమాతో హిట్ కొట్టి రామ్ చరణ్ రికార్డులు తిరగరాయాలని పట్టుదలగా ఉన్నారు. ఇక రామ్ చరణ్ కూడా సినిమా లేట్ అయినా పర్లేదు పక్కాగా ఉండాలని ఇప్పుడు కాన్ఫిడెంట్ గా రంగంలోకి దిగుతున్నాడు. ఎన్టీఆర్ ఫ్యాన్స్, అల్లు అర్జున్ ఫ్యాన్స్ తో పాటుగా నందమూరి ఫ్యాన్స్ కూడా ఈ సినిమాను ఓ రేంజ్ లో టార్గెట్ చేసే ఛాన్స్ ఉంది. దీనితో రామ్ చరణ్ లో కాస్త భయం కూడా ఉంది.

దాదాపు 450 కోట్ల భారీ బడ్జెట్ తో వస్తున్న ఈ సినిమా కోసం రామ్ చరణ్ రెండేళ్ళ నుంచి తీవ్రంగా కష్టపడుతున్న సంగతి తెలిసిందే. ఇక శంకర్ మాత్రం ఈ సినిమా చేస్తున్న సమయంలోనే భారతీయుడు 2 సినిమాను పూర్తి చేసి విడుదల చేసారు. ఈ మధ్య కాలంలో శంకర్ కు సరైన హిట్ లు లేకపోవడంతో మెగా ఫ్యాన్స్ లో ఆ భయం కూడా పీక్స్ లో ఉన్న సంగతి తెలిసిందే. ఇక గేమ్ చేంజర్ సినిమాలో పాటలు కూడా ఓ రేంజ్ లో వైరల్ అవుతున్నాయి. ఒక్కో పాటను నిదానంగా విడుదల చేస్తోంది చిత్ర యూనిట్.

ఈ సినిమా కోసం మెగాస్టార్ చిరంజీవి తన సినిమాను కూడా వాయిదా వేసుకున్నారు. సినిమాలోని ‘జరగండి జరగండి’ సాంగ్ యూట్యూబ్‌లో 45 మిలియన్ వ్యూస్ సాధించి ట్రెండ్ అవుతోంది. ఇక దానితో పాటుగా ‘రా మ‌చ్చా మ‌చ్చా’ లిరికల్ సాంగ్ ఓ రేంజ్ లో ఫేమస్ అయింది. ఈ రెండు పాటలతో సినిమాపై హైప్ భారీగా క్రియేట్ అయింది. మచ్చా సాంగ్ ఇప్పుడు 35 మిలియన్ వ్యూస్‌తో యూట్యూబ్ లో రచ్చ చేస్తోంది. ఇదే ఊపులో వచ్చే నెలలో మరో పాటను కూడా విడుదల చేయడానికి చిత్ర యూనిట్ ప్లాన్ చేస్తోంది. నెక్స్ట్ సాంగ్ ఒక లిరికల్ మెలోడీ అని ప్రకటించారు.

గ్రాండ్ విజువల్స్‌తో, ఏ మాత్రం రాజీ పడకుండా… షూట్ చేసిన ఈ పాటకి అక్షరాలా రూ. 20 కోట్లు ఖర్చయిందని తెలుస్తోంది. దీనితో శంకర్ సినిమా అంటే మాములుగా ఉండదు అని, బడ్జెట్ విషయంలో ఎవరు ఎలా ఫీల్ అయినా ఆయన మాత్రం తగ్గరు అంటూ పలు మీమ్స్ ని వైరల్ చేస్తున్నారు. అదుర్స్ లో ఓ సీన్ వైరల్ చేస్తూ… దిల్ రాజు, శంకర్ ఫోటో పెట్టి… సాంతం నాకేసా గురువు గారు అంటూ దిల్ రాజుపై సానుభూతి కురిపిస్తున్నారు. అసలు 20 కోట్లతో తెలుగులో అయిదు సినిమాలు చేయవచ్చని చిన్నపాటి సినిమాలు అయితే 10 సినిమాలు షూట్ చేసి విడుదల చేయవచ్చని ట్రోల్ చేస్తున్నారు.