రెబల్ ఫ్యాన్స్ కు బిగ్ బర్త్ డే గిఫ్ట్ రెడీ

స్టార్ హీరోల పుట్టిన రోజు వస్తుందంటే చాలు ఫ్యాన్స్ ఏదోక అప్డేట్ కోసం ఎదురు చూస్తూ ఉంటారు. సినిమాలకు సంబంధించిన ట్రైలర్ గాని, ఫస్ట్ లుక్ గాని సాంగ్స్ గాని ఇలా ఏదొకటి అప్డేట్ వస్తే చాలు అనుకుంటారు. ఇక పండగల సీజన్ లో కూడా పరిస్థితి అలాగే ఉంటుంది. ప్రభాస్ లాంటి హీరోకి అయితే ఈ క్రేజ్ పీక్స్ లో ఉంటుంది. ప్రభాస్ ప్రస్తుతం బాలీవుడ్ హీరోలను కూడా క్రాస్ చేసి ఇండియాలో నెంబర్ 1 హీరోగా ఓ వెలుగు వెలుగుతున్నాడు. ఒకప్పుడు స్లో గా సినిమాలు చేసిన రెబల్ స్టార్ ఇప్పుడు స్పీడ్ గా సినిమాలు చేయడం మొదలుపెట్టాడు.

బాహుబలి సినిమా సమయంలో ఎక్కువ ఆలస్యం కావడం ఆ తర్వాత రాధేశ్యాం సినిమా కూడా ఆలస్యం అయిన నేపధ్యంలో ప్రభాస్ ఇప్పుడు దూకుడు పెంచాడు. ఆ లేట్ మొత్తం ఇప్పుడు కవర్ చేయాలని టార్గెట్ పెట్టుకుని వరుస ప్రాజెక్ట్ లకు గ్రీన్ సిగ్నల్ ఇస్తున్నాడు. అన్నీ కూడా భారీ బడ్జెట్ సినిమాలే కావడం విశేషం. ప్రభాస్ వచ్చే ఏడాది ఎలా అయినా రెండు సినిమాలను విడుదల చేయాలని టార్గెట్ పెట్టుకున్నాడు. అందులో ఒకటి రాజాసాబ్. అన్నీ అనుకున్నట్టు జరిగితే కచ్చితంగా స్పిరిట్ కూడా విడుదల చేయవచ్చు.

ఇక మరో వారం రోజుల్లో ప్రభాస్ బర్త్ డే ఉండటంతో ఏం అప్డేట్ వస్తుందా అని జనాలు ఎదురు చూస్తున్నారు. రాజాసాబ్ నుంచి టీజర్ వస్తుందని స్పిరిట్ నుంచి ఫస్ట్ లుక్ వస్తుందని ఫ్యాన్స్ ఎదురు చూస్తున్నారు. కల్కీ సినిమా సూపర్ హిట్ కావడంతో తర్వాతి సినిమాలపై అంచనాలు పీక్స్ లో ఉన్నాయి. అయితే ఇప్పుడు ఫ్యాన్స్ కోసం ఓ సినిమాను రీ రిలీజ్ చేస్తున్నారు నిర్మాతలు. ప్రభాస్ హీరోగా, ప్రశాంత్ నీల్ దర్శకత్వంలో వచ్చిన సలార్ సినిమాను రీ రిలీజ్ చేయాలని ప్లాన్ చేస్తున్నారు. ఈ నెల 23 న ప్రభాస్ బర్త్ డే.

దీనితో రెబల్ ఫ్యాన్స్ కోసం సలార్ సినిమా మళ్ళీ థియేటర్లలో చూసే అవకాశం కల్పిస్తున్నారు. ఈ నెల 19, 20 తేదీల్లో సలార్ సినిమాను రీ రిలీజ్ చేస్తారు. కేవలం హైదరాబాద్ లో మాత్రమే విడుదల చేయనున్నారు. టికెట్స్ కూడా ఇప్పటికే అందుబాటులోకి తీసుకొచ్చారు. అలాగే ఈ నెల 22 మిస్టర్ పర్ఫెక్ట్ సినిమా కూడా రీ రిలీజ్ చేస్తున్నారు. మిస్టర్ పర్ఫెక్ట్ సినిమా అప్పట్లో ఫ్లాప్ టాక్ తెచ్చుకున్నా టీవీల్లో మాత్రం సినిమా కోసం ఎదురు చూస్తూ ఉంటారు ప్రేక్షకులు. ముఖ్యంగా మహిళా ప్రేక్షకులకు ఆ సినిమా బాగా దగ్గరైంది.