ఆరుగురు హీరోలతో ఇండియా షేక్ అయ్యే మల్టీ స్టారర్

లోకేశ్‌ సినిమాటిక్‌ యూనివర్స్‌” ఇప్పుడు సినిమా ప్రేక్షకుల అందరికి ఓ రేంజ్ లో పిచ్చి లేపుతున్న సీరీస్. ఈ సీరీస్ లో వచ్చిన మూడు సినిమాలు సూపర్ హిట్ అయ్యాయి. ఖైదీ సినిమాను ఇప్పటికీ మన తెలుగులో చూస్తూ ఉంటారు జనాలు. విక్రమ్ సినిమా కూడా ఓ రేంజ్ లో పాపులర్ అయింది. ఈ రెండు సినిమాలతో తమిళ స్టార్ డైరెక్టర్ లోకేష్ కనగరాజ్ బాగా పాపులర్ అయ్యారు దేశ వ్యాప్తంగా. ఒకరకంగా చెప్పాలంటే తమిళ సినిమాపై ఇతర భాషల్లో పిచ్చి పెరగడానికి లోకేష్ చేసే సినిమాలు కూడా కారణం.

ఇప్పుడు లోకేష్… రజనీ కాంత్ తో కూలీ సినిమా చేస్తున్నాడు. ఈ తరుణంలో తాజాగా లోకేశ్‌ సినిమాటిక్‌ యూనివర్స్‌ పై లోకేష్ కీలక వ్యాఖ్యలు చేసాడు. ‘కూలీ’ సినిమా ప్రమోషన్స్ లో భాగంగా అభిమానులతో లోకేష్ మాట్లాడాడు. లోకేశ్‌ సినిమాటిక్‌ యూనివర్స్‌ ప్లానింగ్ ఏ రేంజ్ లో ఉందో చెప్పాడు. ఈ యూనివర్స్ లో ‘కూలీ’ భాగం కాదని క్లారిటీ ఇచ్చేసాడు. ఆ సినిమా తర్వాత అదిరిపోయే ప్రాజెక్ట్‌ రానుందని చెప్పాడు. ఎల్‌సీయూలో భాగమైన హీరోలందరితో ఈ సినిమా చేస్తా అని ప్రకటించాడు. దాదాపు ఆరుగురు హీరోలు ఇందులో భాగం కానున్నారు.

ఒకరు కార్తీ కాగా… విక్రమ్ సినిమాలో కనపడిన కమల్ హాసన్, సూర్య. ఆ తర్వాత లియో సినిమా చేసిన విజయ్. ఇక ఇదే సీరీస్ లో తెలుగు నుంచి ఎన్టీఆర్ కూడా భాగం కానున్నాడు. అలాగే రజనీ కాంత్ ని కూడా ఇందులో తీసుకునే ఛాన్స్ కనపడుతోంది. ఇలా ఆరుగురు హీరోలతో ఇప్పుడు లోకేష్ మల్టీ స్టారర్ ప్లాన్ చేస్తున్నాడు. ఇక రజనీకాంత్‌ తో చేస్తున్న ‘కూలీ’ గురించి చెప్తూ… ఆరు నెలలకు మించి షూటింగ్‌ చేయడం నాకు నచ్చదన్నాడు ఇప్పటి వరకూ చేసిన సినిమాలన్నీ అంతలోపే పూర్తి చేశా అని తెలిపాడు. ‘కూలీ’ కూడా ఆ విధంగా చేయడానికి ప్రయత్నిస్తున్నా అన్నాడు.

ఇటీవల రజనీకాంత్‌కు సర్జరీ జరిగిందని… ఆయన ఆరోగ్యాన్ని దృష్టిలో ఉంచుకోవడం నా బాధ్యత అని క్లారిటీ ఇచ్చాడు. అక్టోబర్‌ 16 నుంచి ఆయన సెట్ లోకి తిరిగి అడుగుపెట్టనున్నారు అన్నాడు. ఇక రానున్న ఐదేళ్లపాటు బ్లడ్‌, గన్స్‌ లేకుండా సినిమాలు ప్లాన్‌ చేయలేను అని చెప్పేసాడు. ఎందుకంటే ఇప్పటికే అలాంటి కథలకు కమిట్‌ అయ్యా అన్నాడు ‘ఖైదీ’, ‘విక్రమ్‌’, ‘లియో’తో లోకేశ్‌ సినిమాటిక్‌ యూనివర్స్‌ మొదలైందని… దానిని సరైన విధంగా పూర్తి చేయాలని తెలిపాడు. ‘విక్రమ్‌’ని అద్భుతంగా పూర్తి చేయడానికి రోలెక్స్ పాత్ర క్రియేట్ చేసాను. ఆ పాత్రకు వచ్చిన క్రేజ్‌ దృష్టిలో ఉంచుకుని ‘రోలెక్స్‌’పై ఒక మూవీ చేయాలనుకుంటున్నా అని తెలిపాడు. ‘కూలీ’ పూర్తి చేసిన తర్వాత, ఎల్‌సీయూ హీరోలందరితో పీక్‌ ఎల్‌సీయూ మూవీ చేయనున్నాను అని సంచలన విషయం చెప్పాడు. ఇది ఆరుగురు హీరోలతో ఉండనుంది. ఈ సినిమా వస్తే మాత్రం ఇండియన్ సినిమా షేక్ అయ్యే మల్టీ స్టారర్ అంటున్నారు ఫ్యాన్స్.