అక్కినేని హీరోకి పూరి కథ రెడీ…?

టాలీవుడ్ డాషింగ్ డైరెక్టర్ పూరి జగన్నాథ్ కెరీర్ ఇప్పుడు ప్రమాదంలో పడటం ఆయన ఫ్యాన్స్ జీర్ణించుకోలేకపోతున్నారు. ఒకప్పుడు సూపర్ హిట్ లు కొట్టి స్టార్ హీరోల కెరీర్ కు పునాది వేసిన పూరి జగన్నాథ్ ఇప్పుడు ఓ మంచి హిట్ కోసం ప్రయత్నాలు చేస్తూనే ఉన్నాడు. ఇటీవల వచ్చిన డబుల్ ఇస్మార్ట్ సినిమా పెద్దగా ఆకట్టుకోలేదు అనే చెప్పాలి. ఓ హిట్ కోసం పూరి కంటే పూరి ఫ్యాన్స్ ఎక్కువగా ఎదురు చూస్తున్నారు. ఒకప్పుడు పూరి జగన్నాథ్ తో సినిమాలు చేసి హిట్ లు కొట్టిన స్టార్ హీరోలు ఇప్పుడు పూరి కథ చెప్పినా వినడానికి ముందుకు రావడం లేదు.

ఇటీవల అల్లు అర్జున్ కి పూరి ఓ కథ చెప్పాడని ఆ కథ కంటే వక్కంతం వంశీ రాసిన కథ అల్లు అర్జున్ కు బాగా నచ్చి ఆ ప్రాజెక్ట్ ఓకే చేస్తాను అని చెప్పాడని ప్రచారం ఊపందుకుంది. దీనికి సంబంధించి త్వరలోనే క్లారిటీ రావాల్సి ఉంది. ఇక గోపిచంద్ కోసం కూడా పూరి ఓ కథ రాసాడని ఆ సినిమాకు గోపిచంద్ గ్రీన్ సిగ్నల్ ఇచ్చాడని వార్తలు వస్తున్నాయి. దీనికి సంబంధించి క్లారిటీ రావాల్సి ఉంది. అయితే ఇప్పుడు అక్కినేని హీరో అఖిల్ కోసం కథ చెప్పాడని ఆ కథ అఖిల్ కు నాగార్జునకు బాగా నచ్చిందని టాలీవుడ్ వర్గాలు అంటున్నాయి.

ఆ కథ విషయంలో పూరి చాలా శ్రద్దగా ఉన్నాడని, నాగార్జున కొన్ని మార్పులు చెప్పగా ఆ మార్పులు కూడా పూరి చేసాడని అంటున్నారు. 70 కోట్ల బడ్జెట్ తో ఈ సినిమాను పూరి ప్లాన్ చేస్తున్నట్టు తెలుస్తోంది. అయితే ఎప్పుడు సినిమా మొదలుపెడతారు అనే క్లారిటీ లేదు. అఖిల్ కూడా కెరీర్ లో ఇప్పటి వరకు ఒక్క హిట్ కూడా కొట్టలేదు. అక్కినేని ఫ్యామిలీ ప్రభావం సినిమాల్లో పెద్దగా కనపడటం లేదు. చిన్న చిన్న హీరోలు అందరూ భారీ హిట్ లు కొడుతున్నా అక్కినేని హీరోలు మాత్రం హిట్ కోసం ఎదురు చూస్తున్నారు.

నాగార్జున అయితే ఇప్పుడు యాంకర్ అయిపోయారు అనే కామెంట్స్ కూడా వస్తున్నాయి. నాగ చైతన్య పరిస్థితి కూడా దాదాపుగా అలాగే ఉంది. తండెల్ అనే సినిమా చేస్తున్నాడు చైతు. ఈ సినిమాపై చాలా ఆశలే పెట్టుకున్నాడు. ఇక పూరితో చేయాలనుకునే సినిమాతో అయినా ఎలా అయినా హిట్ కొట్టాలని అఖిల్ పట్టుదలగా ఉన్నాడు. పూరి మార్క్ ఈ సినిమాలో అయినా కనపడాలని ఫ్యాన్స్ ఎదురు చూస్తున్నారు. మరి ఈ సినిమా అయినా పూరికి బూస్ట్ ఇస్తుందో లేదో చూడాలి.