పుష్ప కొంప ముంచుతున్న పోస్టర్… పవన్ ఫ్యాన్స్ ను కెలికారా…?

ఉన్న మాట చెప్తే ఉలుకు ఎక్కువ అన్నట్టు… ఇప్పుడు బన్నీ ఫ్యాన్స్ కు జరిగేది చెప్తుంటే ఒళ్ళు మండుతుంది. అది వాళ్ళ హీరో మీద ఉన్న అభిమానంతో కావొచ్చు గాని ఇప్పుడు అందరిని దగ్గర చేసుకోవాలి గాని దూరం చేసుకోవద్దని ఎన్ని విధాలుగా సలహాలు ఇచ్చినా లెక్క చేయడం లేదు. అలా కాదు ఇలా అని చెప్పినా వాళ్ళ హీరో దగ్గరి నుంచి ఫ్యాన్స్ కూడా వినడం లేదు. కచ్చితంగా పుష్ప 2 సినిమాను టార్గెట్ చేయడం ఖాయం అనే విషయం ముందు నుంచి చాలా క్లారిటీ ఉంది. అయినా సరే బన్నీ కూడా తగ్గడం లేదు.

మెగా ఫ్యాన్స్ తో పవన్ కళ్యాణ్ ఫ్యాన్స్ తో బన్నీకి గ్యాప్ ఉంది. మెగా ఫ్యామిలీ ఇమేజ్ నుంచి బన్నీ బయటకు రావాలి అనుకోవడం… అసలు మెగా ఫ్యామిలీ లేకపోతే నువ్వు యెవ్వడు అంటూ మెగా ఫ్యాన్స్ కామెంట్ చేయడం… మా తాత లేకపోతే మెగా ఫ్యామిలీకి అంత సీన్ లేదు అంటూ బన్నీ ఫ్యాన్స్ కౌంటర్లు ఇవ్వడం మనం చూస్తూనే ఉన్నాం. ఇప్పుడు సినిమా రిలీజ్ దగ్గర పడుతుంది కాబట్టి కెలకకుండా జాగ్రత్తగా ముందుకు వెళ్ళాలి. కాని అల్లు అర్జున్ నుంచి ఫ్యాన్స్ వరకు అందరూ కేలుకుతునే ఉన్నారు.

రీసెంట్ గా చెన్నైలో పుష్ప టీం ఒక ఈవెంట్ చేసింది. ఈ ఈవెంట్ కు మంచి రెస్పాన్స్ వచ్చింది. కాని ఓ పోస్టర్ మాత్రం ఇప్పుడు సోషల్ మీడియాలో వైరల్ గా మారింది. అల్లు అర్జున్ స్పీచ్ ఇచ్చే టైం లో ఆ పోస్టర్ ఒకటి ఆయన ముందు చూపించారు ఫ్యాన్స్. అందులో em PeeKaleru Brother అని రాసి ఉంది. PK అక్షరాలను హైలెట్ చేస్తూ ఆ పోస్టర్ ప్రదర్శించారు. అంటే పవన్ కళ్యాణ్ ను టార్గెట్ చేస్తూ అన్నట్టే ఉంది ఆ పోస్టర్. దీనితో పవన్ ఫ్యాన్స్ ఇప్పుడు ఫైర్ అవుతున్నారు. పవన్ కళ్యాణ్ గతంలో కంటే ఇప్పుడు బలంగా ఉన్నారు.

టికెట్ ల ధరలు పెంచాల్సింది కూడా పవన్ కళ్యాణ్ మాత్రమె ఏపీలో. ఆయనకు ఫాలోయింగ్ కూడా ఎన్నికల తర్వాత బాగా పెరిగింది. అలాంటి వ్యక్తితో గోక్కోవడం ఎందుకు అంటూ పలువురు వార్నింగ్ లు ఇస్తున్నారు. సినిమా అటు ఇటు అయితే త్రోలింగ్ ఓ రేంజ్ లో చేసే ఛాన్స్ ఉంటుంది. ఆ పోస్టర్ బన్నీకి కనపడినా దాన్ని తీసేయించే ప్రయత్నం మాత్రం చేయలేదు. ఇప్పుడు అదే పవన్ ఫ్యాన్స్ తో పాటుగా మెగా ఫ్యాన్స్ కు కూడా మండేలా ఉంది. కావాలనే చేయించారు ఆ పోస్టర్ అంటూ ట్రోల్ చేయడం స్టార్ట్ చేసారు. మరి సినిమా రిలీజ్ తర్వాత ఎలా ఉంటుందో చూడాలి.