స్టైలిష్ స్టార్ టూ ఐకాన్ స్టార్ వితౌట్ రాజమౌళి, ఫ్యాన్స్ ధీమా ఇదే

ఇప్పుడు తెలుగులో ఉన్న స్టార్ హీరోలు అందరూ పాన్ ఇండియా లెవెల్ లో స్టార్లుగా పాగా వేయడానికి పునాదులు వేసింది జక్కన్న. ప్రభాస్, ఎన్టీఆర్, రామ్ చరణ్ ఈ ముగ్గురు పాన్ ఇండియా లెవెల్ ల్లో దుమ్ము రేపడం వెనుక జక్కన్న సినిమాల కృషి ఉంది. బాహుబలి సినిమాతో ప్రభాస్ రేంజ్ ఇప్పుడు హాలీవుడ్ కు కూడా పాకింది. ఓ తెలుగు హీరో హాలీవుడ్ కు వెళ్ళడం అంటే అది కచ్చితంగా బాహుబలి క్రెడిట్. అందులో ఏ మాత్రం డౌట్ లేదు. ఇప్పుడు ప్రభాస్ తో సినిమా అంటే 500 కోట్లు మినిమం వసూళ్లు.

కల్కీ సినిమా దెబ్బకు బాలీవుడ్ కూసాలు కదిలాయి. ఆ రేంజ్ లో వసూళ్లు ఉంటాయని బాలీవుడ్ స్టార్లు కలలో కూడా ఊహించలేదు. ఇక ఎన్టీఆర్ విషయానికి వస్తే… ఆర్ఆర్ఆర్ సినిమా తర్వాత ఎన్టీఆర్ రేంజ్ పెరిగింది. బాలీవుడ్ లో కూడా ఇప్పుడు ఎన్టీఆర్ కు ఆఫర్లు క్యూ కడుతున్నాయి. విలన్ రోల్స్ అలాగే డైరెక్ట్ సినిమాలకు అక్కడి డైరెక్టర్ లు ట్రై చేస్తున్నారు. దేవర సినిమాతో బాలీవుడ్ తో నరకం స్పెల్లింగ్ రాయించాడు దేవర. ఎన్టీఆర్ అంటే చిన్న హీరో అనుకున్న వాళ్లకు దేవర వసూళ్ళతో క్లియర్ కట్ పిక్చర్ ఇచ్చేసాడు.

ఇక రామ్ చరణ్ కూడా ఆర్ఆర్ఆర్ సినిమాతో గ్లోబల్ స్టార్ అనే ఇమేజ్ తెచ్చుకున్నాడు. ఇప్పుడు ఆ ట్యాగ్ లైన్ తో గేమ్ చేంజర్ అనే సినిమా స్టార్ట్ చేసి రిలీజ్ కు రెడీ అయ్యాడు. ఈ సినిమాతో బాలీవుడ్ లో పాగా వేయాలని ట్రై చేస్తున్నాడు. ఇక మహేష్ బాబు ఇప్పటి వరకు పాన్ ఇండియా లెవెల్ లో హిట్ కొట్టలేదు. రాజమౌళి తో సినిమా తర్వాత మహేష్ బాబుకు కూడా ఇమేజ్ పెరగడం ఖాయం. ఇలా నలుగురు హీరోలు రాజమౌళి మీద డిపెండ్ అయి పాన్ ఇండియా సినిమాలు చేయడం మొదలుపెట్టారు.

కాని ఐకాన్ స్టార్ అల్లు అర్జున్ మాత్రం పుష్ప సినిమాతో వరల్డ్ వైడ్ ఫేమస్ అయ్యాడు. సుకుమార్ డైరెక్షన్ లో వచ్చిన పుష్ప చేసిన మార్కెటింగ్ చూసి జక్కన్న కూడా షాక్ అయ్యాడు. క్రికెటర్లతో ఓ సినిమాను గ్రౌండ్ లో కూడా ప్రమోట్ చేయించడం చూసి ఆశ్చర్యపోయాడు. ఇలా పుష్ప 2 ఇప్పుడు వరల్డ్ వైడ్ గా ఓ సెన్సేషన్ కానుంది. రాజమౌళి సినిమా లేకుండా పాన్ ఇండియా లెవెల్ లో ఫేమస్ అయ్యాడు మా ఐకాన్ స్టార్… అసలు సినిమా ముందు ఉంది అంటూ కాలర్ ఎగరేస్తున్నారు. పుష్ప 2 హిట్ అయితే మాత్రం బన్నీ ఫ్యాన్స్ తాండవం ఫిక్స్.