దీపికా పిల్లితో యాంకర్‌ ప్రదీప్‌ పెళ్లి!

స్టార్‌ యాంకర్‌ ప్రదీప్‌ మాచిరాజు గురించి స్పెషల్‌ ఇంట్రడక్షన్‌ ఇవ్వాల్సిన అవసరం లేదు. గడసరి అత్త సొగసరి కోడలు షోతో బుల్లితెర ఎంట్రీ ఇచ్చిన ప్రదీప్‌.. అదే షోతో విపరీతమైన ఫేమ్‌ సంపాదించుకున్నాడు. ఆ తరువాత వరుస ప్రోగ్రాంలు చేస్తూ ఓ స్టార్‌కు సమానమైన స్టార్‌డంను అభిమానులను సంపాదించుకున్నాడు. కేవలం ఇది మాత్రమే కాదు.. ప్రస్తుతం తెలుగు గ్లామర్‌ ఇండస్ట్రీలో ఉన్న మోస్ట్‌ ఎలిజబుల్‌ బ్యాచిలర్స్‌లో ప్రదీప్‌ మాచిరాజు కూడా ఒకరు. ఏ ప్రోగ్రాంకు వెళ్లిన ప్రదీప్‌ను ఆయన ఫ్యాన్స్‌ అంతా అడిగే మాట ఒక్కటే.. పెళ్లి ఎప్పడు అని. అయితే ఏమైందో తెలియదు కానీ గత కొన్ని రోజులుగా ప్రదీప్ ఏ టీవీ షోలోనూ కనిపించడం లేదు.

సినిమాల్లోనూ సందడి లేదు. సోషల్ మీడియాలోనూ ఎలాంటి అప్ డేట్స్ ఇవ్వడం లేదు. దీంతో అతని అభిమానులు ఆందోళన చెందతున్నారు. ఈ క్రమంలో చాలా రోజుల తర్వాత ఫ్యాన్స్ ను పలకరించాడు ఈ స్టార్ యాంకర్. అంతేకాదు ఓ సర్ ప్రైజ్ కూడా ఇచ్చాడు. దీపికా పిల్లితో ఉన్న ఫొటోను సోషల్‌ మీడియాలో షేర్‌ చేశారు. ఎలాంటి ఇన్ఫర్మేషన్‌ లేకుండా దీపికతో ఫొటో పెట్టగానే ప్రదీప్‌ ఆమెను పెళ్లి చేసుకోబోతున్నాడని అంతా అనుకున్నారు. ఇంటర్నెట్‌లో ఫొటో వైరల్‌ చేస్తున్నారు. కంగ్రాట్స్‌ అంటూ పోస్ట్‌లు కూడా పెడుతున్నారు. కానీ ప్రదీప్‌ చెప్పాలనుకున్న విషయం మాత్రం అది కాదు.

30 రోజుల్లో ప్రేమించడం ఎలా అనే సినిమాతో హీరోగా ఎంట్రీ ఇచ్చిన ప్రదీప్‌ ఇప్పుడు తన తన రెండో సినిమాను అనౌన్స్ చేశాడు. సోషల్ మీడియా ద్వారా తన కొత్త సినిమా టైటిల్ తో పాటు ఫస్ట్ లుక్ పోస్టర్ ను పంచుకున్నాడు. రెండో సినిమాకు ఏకంగా పవర్ స్టార్ పవన్ కల్యాణ్ సినిమా టైటిల్ ను పెట్టుకున్నాడు ప్రదీప్. పవన్ మొదటి సినిమా ‘అక్కడ అమ్మాయి ఇక్కడ అబ్బాయి’ పేరునే తన రెండో సినిమా టైటిల్ గా పెట్టుకున్నాడు. ఇక ఈ సినిమాలో హీరోయిన్ గా జబర్దస్త్ ఫేమ్, ప్రముఖ యాంకర్ దీపికా పిల్లి నటిస్తుండడం మరో విశేషం. తాజాగా విడుదలైన పోస్టర్‌ లో హీరో హీరోయిన్లు ఒకరినొకరు చూసుకుంటూ చిరునవ్వులు చిందిస్తూ కనిపించారు. ఇక మోషన్ పోస్టర్‌ లో ఓ వైపు అందమైన ఊరు, మరోవైపు ఆయుధాలు చేత బట్టిన గ్రామస్థులు, క్లాస్‌ రూంలో ప్రదీప్, ఇంట్లో హీరోయిన్‌ కనిపిస్తున్న విజువల్స్‌ అభిమానులను థ్రిల్ కు గురి చేశాయి. మోంక్స్‌ అండ్ మంకీస్‌ పిక్చర్స్‌ బ్యానర్‌పై తెరకెక్కుతున్న ఈ చిత్రానిక ఇఏ రాధన్ సంగీతం అందిస్తున్నాడు. నితిన్‌ – భరత్ స్క్రీన్‌ ప్లే, దర్శకత్వం వహిస్తున్నారు. త్వరలోనే ఈ సినిమాకు సంబంధించి మరిన్ని అప్ డేట్స్‌తో ఫ్యాన్స్‌ ముందుకు రానున్నాడు ఈ స్టార్‌ యాంకర్‌.