మళ్లీ ప్రభాస్ డైరెక్టర్ మీద ఎటాక్… ఇదెక్కడికి దారితీస్తుందో…

రెబల్ స్టార్ ప్రభాస్ తో ఏ డైరెక్టర్ సినిమా ప్లాన్ చేసినా, వాళ్ల మీద ఏదో ఒక దాడి జరగటం కామనైందా? రాజమౌలి తర్వాత సుజీత్ కి అలాంటి పరిస్తితే వచ్చింది. రాధకృష్ణ నుంచి ఓం రౌత్ వరకు, ప్రశాంత్ నీల్ నుంచి కల్కీ డైరెక్టర్ నాగ్ అశ్విన్ వరకు అందరూ ట్రోలింగ్స్ ని ఫేస్ చేసిన దర్శకులే. కాని రెబల్ స్టార్ ఇమేజ్ ని వాళ్లు డ్యామేజ్ చేయలేకపోయారు. ఆ దర్శకుల అద్రుష్టాన్ని ఆవిరిచేయలేకపోయారు. ఇన్ని జరిగినా, ఇంత తెలిసినా, ప్రభాస్ తో స్పిరిట్ మూవీ ప్లాన్ చేసిన డైరెక్టర్ ని కూడా టార్గెట్ చేసింది బాలీవుడ్ బ్యాచ్. విచిత్రం ఏంటంటే హిందీ లిరిసిస్ట్ లివింగ్ లెజెండ్ జావెద్ అక్తర్ మరోసారి సందీప్ రెడ్డి మీద విమర్శల దాడి చేశాడు. గతంలో ఇలా జరిగితేనే, సందీప్ రెడ్డి విరుచుకుపడ్డాడు.తను మిగతా దర్శకుల్లా కాదు.. తను డైరెక్టర్స్ లో అర్జున్ రెడ్డి లాంటోడనంటారు… తన సినిమాను విమర్శిస్తే తనలోని యానిమల్ బయటికొస్తాడనంటారు.. ఇప్పుడు అదే జరుగుతోందా? 

రెబల్ స్టార్ ప్రభాస్ ది రాజా సాబ్, ఫౌజీ తర్వాత చేయబోయే సినిమా స్పిరిట్. ఈ మూవీ తో సందీప్ రెడ్డి పాన్ ఇండియా మీద భారీ ఎటాక్ కి సిద్ధమయ్యాడు. అసలే అర్జున్ రెడ్డి, యానిమల్ మూవీలతో ట్రెండ్ సెట్ చేయటమే కాదు, కామెంట్లకు కౌంటర్లు… కౌంటర్లకు ఎన్ కౌంటర్లు చేసే దర్శకుడు సందీప్ రెడ్డి.. అలాంటి తన మీద ఎవరు కామెంట్లు చేసిన, ట్రోలింగ్ చేసినా విరుచుకుపడటం తన స్టైల్

అలాంటి తన మీద బాలీవుడ్ లివింగ్ లెజెండ్, పాటల రచయిత జావెద్ అక్తర్ రెండోసారి కామంట్ల దాడి చేశాడు.. గతంలోనే విషపూరితమైన రచన, విమెన్ ని కించపరిచే మేకింగ్ అంటూ తను కామెంట్ చేస్తే, సందీప్ రెడ్డి ఘాటూగా స్పందించాడు

జావెద్ తన కొడుకు ఫర్హాన్ అక్తర్ నిర్మాతగా వచ్చిన మీర్జా పూర్ లో బూతులు చూసి, తన సినిమా మీద కామెంట్ చేయాలంటూ ఎటాక్ చేశాడు సందీప్. కట్ చేస్తే అప్పడు జావెద్ అక్తర్ నుంచి సౌండ్ లేదు..

మధ్యలో కలగచేసుకున్న ఆమిర్ ఖాన్ ఎక్స్ వైఫ్ కిరణ్ రావు మీద కూడా, అమీర్ ఖాన్ మూవీ లో ఓ సీన్ రెఫర్ చేసి, అది చూసి తన సినిమా మీద కామెంట్ చేయాలన్నాడు. ఇలాకామెంట్లకు ఎదురుదాడినే ఎంచుకున్న సందీప్ రెడ్డి కి మళ్లీ పని పడినట్టుంది.

ఎందుకుంటే జావెద్ అక్తర్ ఈసారి మరింత ఘాటుగా కామెంట్ చేశాడు. 140 కోట్ల ప్రజల్లో ఓ 15 మంది వక్రబుద్ధి లేదా విపరీతమైన ధోరణి ఉన్నవారు ఉన్నా ఎలాంటి ఇబ్బంది లేదు కాని, అలాంటి సినిమాలను 140 కోట్ల మంది ఉన్న సమాజం హిట్ చేయటం ప్రమాధకరం అన్నాడు. అంటే పరోక్షంగా సందీప్ రెడ్డి అండ్ కోది వక్రబుద్ది అని అన్నట్టే అనేది అసలు వివాదం. మరి దీనికి సందీప్ కౌంటర్ ఇస్తాడా? స్పిరిట్ మొదలయ్యాక కూడా ఇలాంటి వివాదాలు కామన్ గానే ఎదురొస్తాయా? వీ హావ్ టూ సీ