రౌడీ బాయ్ కు బాలయ్య సపోర్ట్, రీజన్ అదేనా…?

రౌడీ బాయ్ ‘విజయ్ దేవరకొండ’ కెరీర్ ఇప్పుడు యమా కష్టాల్లో ఉంది. అర్జున్ రెడ్డి, గీతా గోవిందం సినిమాల తర్వాత ఈ హీరోకు ఆశించిన హిట్ రావడం లేదు. ఆ రేంజ్ లో ఇప్పటి వరకు హిట్ పడలేదు. దానికి మనోడి అనవసర యాటిట్యూడ్ కూడా కారణం అనే కామెంట్స్ ఉన్నాయి. ఏదో ఊహించుకుని, ఏం లేకపోయినా సరే అతి చేస్తూ ఉంటాడు అనే కామెంట్స్ మనం వింటూనే ఉంటాం. ఇప్పుడు కెరీర్ లో భారీ హిట్ కోసం ఎదురు చూస్తున్నాడు. ఇతర హీరోలు అందరూ మంచి హిట్ లు కొడుతుంటే విజయ్ మాత్రం క్రేజ్ తో నెట్టుకొస్తున్నాడు.

ఇక రష్మిక మందన్న సపోర్ట్ కూడా విజయ్ కు కాస్తో కూస్తో కలిసి వస్తుంది అనే చెప్పాలి. కల్కీ సినిమాలో విజయ్ రోల్ పై కూడా కామెంట్స్ వచ్చాయి. ఇదిలా ఉంటే ప్రస్తుతం ఈ రౌడీ హీరో… గౌతమ్ తిన్ననూరి తెరకెక్కిస్తున్న సినిమా ‘VD 12’ చేస్తున్నాడు. ఈ సినిమాపై చాలానే హోప్స్ ఉన్నాయి. ఈ సినిమాలో యంగ్ బ్యూటీ శ్రీలీల హీరోయిన్ గా చేస్తుండగా… 2025 సమ్మర్‌లో రిలీజ్ చేయడానికి ప్లాన్ చేస్తున్నారు. అందుకే షూట్ కూడా చాలా స్పీడ్ గా జరుగుతోంది. ఈ సినిమాకు హైప్ కోసం మేకర్స్ గట్టిగా ట్రై చేస్తున్నారు.

రీసెంట్ గా రిలీజైన ఓ పోస్టర్‌లో విజయ్ దేవరకొండ లుక్ బాగుంది. కాస్త కొత్తగా కనిపించే ప్రయత్నం చేసాడు విజయ్. ఇక ఇక్కడి నుంచి సినిమాకు హైప్ తీసుకు రావడానికి మూవీ టీం చాలా కష్టపడుతోంది. అందుకే ఇప్పుడు బాలయ్య హెల్ప్ తీసుకోవాలని మేకర్స్ ప్లాన్ చేసారు. ఈ సినిమా టైటిల్ ఇప్పటి వరకు రివీల్ కాలేదు. త్వరలోనే… మేకర్స్ టైటిల్ టీజర్‌ని విడుదల చేయడానికి రెడీ అవుతున్నారు. ఈ టీజర్ తోనే సినిమా హైప్ పెంచేందుకు సిద్ధమయ్యారు. ఈ టీజర్ ను కూడా గ్రాండ్ గా రిలీజ్ చేసేందుకు ఓ ఈవెంట్ ను ప్లాన్ చేస్తున్నారు.

ఇక ఈ టీజర్‌కి గాడ్ ఆఫ్ మాసెస్ బాలకృషని వాయిస్ ఓవర్ ఇచ్చేందుకు టీం అప్రోచ్ కాగా ఆయన వెంటనే ఓకే చేసారు అని టాక్. ఈ విషయం విజయ్ ఫ్యాన్స్ కంటే బాలయ్య ఫ్యాన్స్ కు ఎక్కువగా నచ్చింది. ఇప్పటికే యువ హీరోలు అందరూ బాలకృష్ణ వెంట తిరుగుతున్నారు. విశ్వక్సేన్, సిద్దు జొన్నలగడ్డ బాలయ్యతో ఎక్కువగా స్నేహం చేస్తున్నారు. ఇప్పుడు ఆ గ్యాంగ్ లో విజయ్ కూడా జాయిన్ అయ్యాడు. ఇక రౌడీ బాయ్ ప్లస్ గాడ్ ఆఫ్ మాసెస్ కాంబినేషన్‌లో టీజర్ అంటేనే ఓ రేంజ్ లో ఉంటుంది అని ఫ్యాన్స్ ముందే పండుగ చేసుకుంటున్నారు.