Bandla Ganesh: సంచలన వ్యాఖ్యలు.. రేవంత్‌రెడ్డి బయోపిక్‌.. సీఎం పర్మిషన్ ఇస్తాడా..?

Bandla Ganesh: తెలంగాణ రాష్ట్ర అసెంబ్లీ ఎన్నికలు ఎంత రసవత్తరంగా జరిగాయో అందరూ చూశారు. పదేళ్ళు రాష్ట్రాన్ని పాలించిన కేసీఆర్‌ను ఓడించి, గద్దె దించాలని కంకణం కట్టుకున్న కాంగ్రెస్‌ నేత రేవంత్‌రెడ్డి అనుకున్నది సాధించారు. చాలా సంవత్సరాల తర్వాత తెలంగాణలో కాంగ్రెస్‌ జెండా ఎగిరేలా చేశారు. ఈ విజయానికి కారణమైన రేవంత్‌రెడ్డిని అందరూ ప్రశంసలతో ముంచెత్తుతున్నారు. తాజాగా రాష్ట్ర ముఖ్యమంత్రిగా రేవంత్‌రెడ్డి ప్రమాణ స్వీకారం చేశారు.

Etela Rajender: అసెంబ్లీలో అడుగు పెట్టేందుకు.. ఈటలకు మరో చాన్స్‌!

ఇదిలా ఉంటే.. రేవంత్‌రెడ్డికి వీరాభిమాని అయిన నటుడు, నిర్మాత బండ్ల గణేష్‌ కాంగ్రెస్‌ గెలుపుపై తన సంతోషాన్ని వ్యక్తం చేస్తున్నారు. రేవంత్‌ అంగీకరిస్తే ఆయన కథతో సినిమా తీస్తానని చెబుతున్నాడు గణేష్‌. రేవంత్‌కి ఇక్కడ చాలా మంది విలన్లు వున్నారని.. ఆయన్ని జైల్లో పెట్టి చాలా ఇబ్బంది పెట్టారని అన్నారు గణేష్‌. రేవంత్ రెడ్డి జర్నీ మొత్తాన్ని ఒక మంచి సినిమా తీసేంత స్టఫ్ ఉందని.. అంతేకాక ఈ సినిమా తీస్తే బ్లాక్ బాస్టర్ హిట్టు అవుతుందన్నారు. తెలంగాణలో పది సంవత్సరాల తర్వాత మళ్లీ కాంగ్రెస్‌ ప్రభుత్వం వచ్చింది అంటే దానికి కారణం రేవంత్‌రెడ్డేనని బండ్ల గణేష్‌ అన్నారు. అయితే హైదరాబాద్‌లో కాంగ్రెస్‌కి ఒక్క స్థానం కూడా రాకపోవడం ఎంతో బాధ కలిగించిందని.. వచ్చే ఎన్నికల్లో హైదరాబాద్‌లో తప్పకుండా కాంగ్రెస్‌ జెండా ఎగురుతుందని ఆకాంక్షించారు బండ్ల గణేష్‌.

రేవంత్‌రెడ్డి బయోపిక్‌ తీస్తానని ప్రకటించడం సినీ వర్గాలను షాక్‌కు గురిచేసింది. అయితే ఈ సినిమాలో హీరోగా ఎవరు నటిస్తారనే విషయం బండ్ల గణేష్‌ చెప్పలేదు. ఒకవేళ బయోపిక్‌ తీసేందుకు అన్నీ అనుకూలిస్తే అందులో హీరోగా ఎవరు చేస్తారు అనేది ఈ ప్రాజెక్ట్‌ ఓకే అయితేనే తెలుస్తుంది.