prabhas : ‘కల్కీ’ కంటే ముందుగా థియేటర్ల లోకి ప్రభాస్ మరో సినిమా

మాములుగా రీ రిలీజ్ అంటే బ్లాక్ బస్టర్ సినిమాలో… లేదంటే మంచి హిట్టయిన సినిమాలో దింపుతారు. కొన్ని సార్లు మాత్రం థియేటర్ లో ఫ్లాప్ అయిన, ఆడియెన్స్ రీచ్ బాగా ఉన్న సినిమాలను రీ-రిలీజ్ చేస్తుంటారు. అయితే ప్రభాస్ ఫ్యాన్స్ సైతం కలలో కూడా గుర్తుకురావొద్దు అనుకునే అల్ట్రా డిజాస్టర్ సినిమా రీ-రిలీజ్ కు రెడీ అవుతుంది. ఆ కలాఖండం పేరు ‘చక్రం’. సినిమా రిలీజై పందొమ్మిదేళ్లయినా.. ఇంకా ఈ సినిమా తాలూకూ చేదు జ్ఞాపకాలు డార్లింగ్ అభిమానులను వెంటాడుతూనే ఉన్నాయి.

అసలు ప్రభాస్ ఈ సినిమాను ఎలా చేశాడురా బాబు… అనుకుని నెత్తి కొట్టుకుని అభిమాని ఉండడంటే అతిశయోక్తి కాదు. కృష్ణవంశీ దర్వకత్వంలో వచ్చిన ఈ సినిమా ప్రభాస్ ఫ్యాన్స్ కు ఒక నైట్ మేర్. కాగా ఇప్పుడు ఈ సినిమా రీ-రిలీజ్ కాబోతుంది. మాములుగా హిట్టయిన సినిమాను రీ-రిలీజ్ చేస్తే ఒక అర్థం ఉంటుంది. కానీ ఇలా అట్టర్ ఫ్లాప్ అయిన సినిమాను రిలీజ్ చేసి ఏం సాధించాలనకుంటున్నారో.. రిలీజ్ చేసే వాళ్లకే తెలియాలి. నిజానికి ఈ సినిమాను రిలీజ్ చేస్తే.. మరోసారి ప్రభాస్ ట్రోలింగ్ కు గురవడం తప్ప ఏమి ఉండదు.

పైగా ప్రభాస్ క్రేజ్ ఇప్పుడు ఖండంతరాలు దాటేసింది. అలాంటి టైమ్ లో ఇలాంటి ఫ్లాప్ సినిమా రిలీజ్ చేయడం ఆయన ఇమేజ్ కు నెగెటీవ్ అనే చెప్పాలి. ఈ సినిమా జూన్ 8న రీ-రిలీజ్ కాబోతుంది. హాసిన్, చార్మీ కౌర్ హీరోయిన్ లుగా నటించిన ఈ సినిమాలో ప్రకాష్ రాజ్ కీలక రోల్ ప్లే చేశాడు. అప్పట్లో ఈ సినిమా రూ.5 కోట్ల వరకు వసూళ్లు రాబట్టింది. ఇక ప్రస్తుతం ప్రభాస్ నటించిన కల్కీ రిలీజ్ కు రెడీ గా ఉంది. నాగ్ అశ్విన్ దర్శకత్వం వహించిన ఈ సినిమాను జూన్ 27న పాన్ వరల్డ్ లెవల్లో రిలీజ్ చేయబోతున్నారు.