భక్త కన్నప్ప ప్రభాస్ లుక్ ఇదే, మంచు ప్లానింగ్ అదిరింది

ఇండియన్ సినిమాలో రెబల్ స్టార్ ప్రభాస్ కు ఉన్న డిమాండ్ గురించి ప్రత్యేకంగా చెప్పడానికి ఏం లేదు. తన సినిమాలతో బాలీవుడ్ కు కూడా కంటి మీద కునుకు లేకుండా చేసాడు ప్రభాస్. ఇప్పుడు ప్రభాస్ చేతిలో ఏకంగా ఏడు సినిమాలు ఉన్నాయి. మారుతీ డైరెక్షన్ లో రాజా సాబ్ అనే సినిమా చేస్తున్నాడు. ఈ సినిమా వచ్చే ఏడాది వేసవిలో విడుదల కానుంది. ఈ సినిమా తర్వాత హను రాఘవపూడి డైరెక్షన్ లో ఫౌజీ అనే సినిమా చేస్తాడు. ఈ సినిమా వచ్చే ఏడాది చివర్లో విడుదలకు ప్లాన్ చేస్తున్నారు మేకర్స్.

ఈ సినిమా తర్వాత సందీప్ రెడ్డి వంగా డైరెక్షన్ లో స్పిరిట్ అనే సినిమా లైన్ లో పెట్టేసాడు. ఈ సినిమా తర్వాత కల్కీ 2, సలార్ 2 వస్తాయి. సలార్ 2 ఇప్పటికే 2026 లో రిలీజ్ అవుతుందని మేకర్స్ ప్రకటన చేసిన సంగతి తెలిసిందే. ఇక వీటి తర్వాత ప్రశాంత్ వర్మ సినిమాటిక్ యూనివర్స్ లో ఒక సినిమా చేస్తాడు. ప్రశాంత్ డ్రీం ప్రాజెక్ట్ అది. ఆ సినిమా తర్వాత లోకేష్ సినిమాటిక్ యూనివర్స్ లో ఒక సినిమా చేయనున్నాడు. ఇప్పటికే ఈ రెండు కథలు ప్రభాస్ వినేసాడు. వీటిని దాదాపుగా హోంబలే సంస్థ నిర్మిస్తోంది.

దీనితో పాటుగా మంచు విష్ణు నిర్మిస్తున్న భక్త కన్నప్ప సినిమాలో ప్రభాస్ ఓ రోల్ చేస్తాడు. ఈ రోల్ లో ప్రభాస్ దాదాపు పది నిమిషాలు కనపడే ఛాన్స్ ఉందట. ఇక మంచు విష్ణు పరిస్థితి తెలిసి… హెల్ప్ చేయడానికి ఈ సినిమా చేస్తున్నాడు. ఈ సినిమా కోసం ప్రభాస్ అసలు రెమ్యునరేషన్ కూడా తీసుకోవడం లేదని టాక్. ఈ సినిమాలో ప్రభాస్ శివుడి పాత్రలో కనిపించనున్నారు. ముఖేష్ కుమార్ సింగ్ దర్శకత్వం వహిస్తున్న ఈ సినిమాను న్యూజిలాండ్ లో కూడా షూట్ చేసారు. సినిమాపై భారీ హోప్స్ పెట్టుకున్నాడు మంచు విష్ణు.

ఇక తాజాగా ప్రభాస్ లుక్ ఒకటి సోషల్ మీడియాలో వైరల్ అవుతోంది. దీనితో రెబల్ ఫ్యాన్స్ పండుగ చేసుకుంటున్నారు. సినిమా విషయంలో ప్రభాస్ ప్రమోషన్స్ కు కూడా హెల్ప్ చేస్తాడని టాక్. వచ్చే ఏడాది వేసవిలో ఈ సినిమా రానుంది. ఓ వైపు వరుస సినిమాలతో ప్రభాస్ బిజీగా ఉన్నా… ఈ సినిమా కోసం కష్టపడ్డాడు. ఇక భక్త కన్నప్పలో మోహన్ లాల్ తో పాటుగా మమ్ముట్టి, కమల్ హాసన్ కూడా కీలక పాత్రల్లో నటిస్తున్నారు.