Director Shankar: పిచ్చి పీక్స్.. డబ్బు ఎక్కైవతే అంతే.. అదో జబ్బు..

డబ్బెక్కువైతే ఐస్ క్రీమ్ కప్పులోనే కూర్చుని ఐస్ క్రీమ్ తినేవాళ్లన్నారు. అలాంటి జబ్బే డైరెక్టర్ శంకర్ కి ఉందా అన్న అనుమానాలు పెరిగాయి. అదేదో మూవీలో ఆస్ట్రేలియాలో బీచ్ సెట్టేద్దాం అన్నట్టు, శంకర్ కూడా భారతీయుడు 2 లో ఒక్క సీన్ కోసం అనవసరంగా కోట్లు ఖర్చు చేయించాడట.

కమల్ హాసన్ తో శంకర్ తీస్తున్న మూవీ భారతీయుడు 2. ఈ సినిమాలో ఏయిర్ పోర్ట్ సీన్ కోసం ఎకంగా చెన్నై ఏయిర్ పోర్ట్ అథారిటీకి కోటిన్నర కట్టాల్సి వచ్చిందట. అసలే 200 కోట్ల బడ్జెట్ ని 350 కోట్లకు తీసుకెళ్లాడని నిర్మాతలు ఈ దర్శకుడి మీద కేసులేయటం, షూటింగ్ ఆగటం, తర్వాత కోర్టు జోక్యంతో షూటింగ్ షురూ అవటం జరిగింది. అలాంటిది మళ్లీ శంకర్ చిన్నా చితకా సీన్స్ కి కోట్లు తగలేయటం నిర్మాతలకు పుండు మీద కారం చల్లినట్టౌతోందట.

భారతీయుడు 2 లో కేవలం ఏయిర్ పోర్ట్ తాలూకు ఒక్క సీన్ కోసం కోటిన్నర కట్టేకంటే గ్రీన్ మ్యాట్ లోనో, సెట్లోనే ఆ సీన్ తీస్తే కనీసం 50 లక్షలు మిగులుతాయికదా అని కామెంట్లు పేలుతున్నాయి. సరే ఒక సారి అలా అయ్యిందంటే పర్లేదు కాని, ఈ మూవీలో ఇలాంటి సీన్లు 12 కి పైనే ఉన్నాయట. వాటికోసం కోట్లు ఖర్చు చేయాల్సి వచ్చిందట. అక్కడే మళ్లీ నిర్మాతలతో శంకర్ కి వాగ్వాదం జరిగినట్టు తెలుస్తోంది. ఫలితంగా భారతీయుడు 2 కొత్త షెడ్యూల్ డైలామాలో పడిందట. ఈ గ్యాప్ లోనే గేమ్ ఛేంజర్ తీస్తే బెటర్ అని పెండింగ్ షూటింగ్ కోసం చరణ్ ని శంకర్ అలర్ట్ చేసినట్టు తెలుస్తోంది.