రెబల్ ఫ్యాన్స్ కు బిగ్ గుడ్ న్యూస్… కల్కీ 2 వర్క్ స్టార్ట్

ఇండియన్ సినిమాకు ట్రెండ్ సెట్ చేసిన కల్కీ సినిమా రెండో పార్ట్ కోసం ఫ్యాన్స్ ఓ రేంజ్ లో ఎదురు చూస్తున్నారు. కల్కీ మొదటి పార్ట్ సూపర్ సక్సెస్ కావడంతో రెండో పార్ట్ పై అంచనాలు పీక్స్ లోనే ఉన్నాయి. 1200 కోట్లకు పైగా వసూళ్లు సాధించిన మొదటి పార్ట్ దెబ్బకు బాలీవుడ్ కూసాలు కూడా కదిలాయి. ఇక రెండో పార్ట్ ఎప్పుడు వస్తుందని ఫ్యాన్స్ తో పాటుగా సినిమా పిచ్చోళ్ళు కూడా ఎదురు చూస్తున్నారు. ఓ వైపు ప్రభాస్ చేతిలో నాలుగు ప్రాజెక్ట్ లు ఉన్నాయి. వీటి తర్వాత ఈ సినిమాను చేసే ఛాన్స్ ఉంది.

ఇప్పటికే ప్రభాస్… బిజీ బిజీగా ఉండటం… సందీప్ రెడ్డి వంగాతో సినిమా కోసం తన లుక్ మార్చుకోవడానికి కష్టపడటం అన్నీ కూడా కల్కీ 2 పై అనుమానాలు పెంచాయి. కల్కీ 2 షూటింగ్ లో కొంత పార్ట్ కంప్లీట్ అయిందని కూడా నిర్మాతలు ప్రకటించారు. ఇప్పుడు డైరెక్టర్ నాగ్ అశ్విన్ సంచలన ప్రకటన చేసాడు. ప్రిన్స్ శివకార్తికేయన్ నటించిన మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’ ప్రీ రిలీజ్ వేడుకకు స్పెషల్ గెస్ట్ గా అటెండ్ అయ్యాడు. ఈ సందర్భంగా కల్కీ 2 పై మాట్లాడాడు.

ఆడియన్స్ ఎప్పుడు సపోర్ట్ చేస్తూనే ఉంటారని… వారి సపోర్ట్ వల్లే ‘కల్కి’ ఒక మైల్ స్టోన్ మూవీగా నిలిచిందని కొనియాడాడు. ఈ సందర్భంగా ‘అమరన్’ గురించి మాట్లాడాడు. ఈ విషయానికొస్తే.. రెండు వారాలు ముందు సాయి పల్లవి ఇంట్రో వీడియో చూశానని చెప్పిన నాగ అశ్విన్… అప్పుడే ఈ సినిమా చూడాలని డిసైడ్ అయ్యానని… ఇది చాలా వండర్‌ఫుల్ స్టోరీ అన్నాడు. డైరెక్టర్ క్లియర్ విజన్‌తో ఉన్నారని… ఇలాంటి స్టోరీ చేయాలంటే చాలా ఫ్యాషన్ కావాలి అని తన మార్క్ కామెంట్స్ చేసాడు.

ఒక రియల్ స్టోరీ తీసినప్పుడు చాలా బాధ్యత ఉంటుందని… కొన్నిసార్లు అలాంటి రియల్ స్టోరీ చెప్పడం చాలా అవసరం అన్నాడు. అలాంటి కథలు ప్రేక్షకుల మనసులో చిరస్థాయిగా నిలిచిపోతాయని… కమల్ హాసన్ సార్ ఈ సినిమాని ప్రొడ్యూస్ చేయడం వెరీ గ్రేట్ అంటూ కొనియాడాడు. అనంతరం కల్కి 2’ గురించి మాట్లాడుతూ ఇంకా చాలా టైం ఉందన్నాడు. ప్రస్తుతం స్క్రిప్ట్, ప్రీ ప్రొడక్షన్ పనులు శరవేగంగా జరుగుతున్నాయని… త్వరలోనే ఈ సినిమా షూటింగ్‌కు సంబంధించిన వివరాలను ప్రకటిస్తాం అన్నాడు. ఈ గ్యాప్‌లో వేరే సినిమా చేసే ఛాన్సే లేదని… ఎందుకంటే.. ఈ ఒక్క సినిమా రెండు సినిమాలతో సమానం అన్నాడు.