Bigg Boss Telugu 7: బిగ్‌బాస్‌-7 ప్రారంభం.. కంటెస్టెంట్లు వీళ్లే..

Bigg Boss Telugu 7: కొన్ని గంటలు.. ఇంకొన్ని గంటలు అంతే బిగ్‌బాస్‌ సీజన్‌ 7 స్టార్ట్ కాబోతోంది. ఇప్పటివరకు ఒక లెక్క.. ఇకపై ఒక లెక్క అనే రేంజ్‌లో ఈసారి సీజన్ ఉండబోతోంది. అందుకే కంటెస్టెంట్‌ల నుంచి టాస్క్‌ల వరకు ప్రత్యేక జాగ్రత్తలు తీసుకుంది మా టీవీ యాజమాన్యం. ఐతే బిగ్‌బాస్‌ హౌస్‌లోకి ఈసారి ఎవరు అడుగుపెట్టబోతున్నారన్న దానిపై.. గత కొన్ని రోజులుగా రకరకాల పేర్లు వినిపించాయి. ఆ పేర్లలో కొన్ని నిజమే అయినా.. లాస్ట్ మినిట్‌లో అదిరిపోయే ట్విస్ట్ ఇచ్చారు షో నిర్వాహకులు.

బిగ్‌బాస్‌ లాంచింగ్ ఎపిసోడ్‌ ఇప్పటికే షూటింగ్ అయిపోయింది. దీంతో కంటెస్టెంట్ల వివరాలన్ని బయటకు వచ్చాయ్. 19మంది హౌస్‌లోకి అడుగుపెట్టారు. ఒకప్పటి హీరో.. ఇప్పుడు రాజకీయాలపై ఆసక్తి చూపిస్తున్న శివాజీ కూడా హౌజ్‌లోకి అడుగు పెట్టారు. ఆయనతో పాటు హీరోయిన్ ఫర్జానా, సింగర్ దామిని, నటి షకీలా కూడా బిగ్‌బాస్ కంటెస్టెంట్లుగా ఉన్నారు. డ్యాన్స్ మాస్టర్‌ సందీప్‌, మ్యూజిక్ డైరెక్టర్ కమ్ సింగర్ భోలే శావలి, జబర్దస్త్ ఫేమ్ బుల్లెట్‌ భాస్కర్‌.. నటుడు అమర్‌దీప్‌ బిగ్‌బాస్‌ హౌస్‌లోకి అడుగుపెట్టారు. సీరియల్ హీరో అర్జున్‌.. ఫీమేల్ లీడ్ చేసే ప్రియాంక, అంజలి, శోభ, పూజా, శుభశ్రీ కూడా బిగ్‌బాస్‌ 7లో ఎంటర్‌టైన్ చేయబోతున్నారు. సోషల్‌ మీడియా కేటగిరి నుంచి రైతు బిడ్డ ప్రశాంత్‌, టేస్టీ తేజ కూడా ఈసారి బిగ్‌బాస్ హౌజ్‌లో కనిపించబోతున్నారు.

ఇక మోడలింగ్‌ ఫీల్డ్ నుంచి ఫేమస్ మోడల్ యావర్‌ కూడా బిగ్‌బాస్‌ హౌస్‌లోకి అడుగు పెట్టాడు. మిగతా భాషల్లో బిగ్‌బాస్‌లో ఆకట్టుకున్న యాక్టర్లను కూడా ఈసారి తెలుగు సీజన్‌లో ఎంట్రీ ఇస్తారనే చర్చ జరుగుతోంది. ఏమైనా ఇంకొన్ని గంటలు ఆగితే.. అసలు సంబరం స్టార్ట్‌ కావడం ఖాయం.