Bollywood Khans: తారక్‌, చెర్రీని బీట్‌ చేసేందుకు కష్టపడుతున్న ఖాన్లు..

దేశం గర్వించే హీరోలు ఉన్నారని ప్రపంచానికి చాటి చెప్పింది ట్రిపులార్‌ సినిమా. ఇప్పుడు బాలీవుడ్‌ హీరోల టార్గెట్‌ ట్రిపులార్‌ సినిమాను మించిన సినిమా తీయడం. ఇందుకోసం సల్మాన్‌ ఖాన్‌ హీరోగా వస్తున్న టైగర్‌-3 సినిమాను చాలా ప్రెస్టీజియస్‌గా తీసుకున్నారు. ఈ సినిమాలో గెస్ట్‌ రోల్‌లో షారుఖ్‌ కనిపించబోతున్నాడు. వీళ్లద్దరి మధ్య ఉండే చేసింగ్‌ సీన్‌.. సినిమా మొత్తానికి ఐకానిక్‌గా ఉండేలా ప్లాన్‌ చేస్తున్నారట. ఈ సీన్‌ను కంపోజ్‌ చేసేందుకు హాలీవుడ్‌ టెక్నీషియన్స్‌ పని చేస్తున్నారట. ప్రస్తుతం ఈ సీన్‌ కోసం ప్రీ ప్రొడక్షన్‌ వర్క్‌ చేస్తున్నారట. హాలీవుడ్‌ సినిమాకు ఏమాత్రం తగ్గకుండా ఈ ఫైట్‌ సీన్‌ ఉండేలా ప్లాన్‌ చేస్తున్నారట.

ఈ సీన్‌లో సల్మాన్‌, షారుఖ్‌తో పాటు హృతిక్‌ రోషన్‌ కూడా కనిపించబోతున్నట్టు సమాచారం. ఈ ఒక్క సీన్‌ను షూట్‌ చేసేందుకు మేకర్స్‌ ఏకంగా 30 కోట్లు ఖర్చు చేస్తున్నట్టు తెలుస్తోంది. బాలీవుడ్‌లోనే కాకుండా ప్రపంచవ్యాప్తంగా కూడా సల్మాన్‌ ఖాన్‌, షారుఖ్‌ ఖాన్‌లకు మంచి ఫేమ్‌ ఉంది. ఇక ఈ ఇద్దరూ ఒకే స్క్రీన్‌ మీద కనిపిస్తే ఫ్యాన్స్‌కు పూనకాలే. ఇప్పటికే షారుఖ్‌ హీరోగా వచ్చిన పఠాన్‌లో షారుఖ్‌ను సేవ్‌ చేసే రోల్‌లో 10 నిమిషాలు కనిపించాడు సల్మాన్‌. ఇప్పుడు సల్మాన్‌ హీరోగా వస్తున్న టైగర్‌-3లో షారుఖ్‌ కూడా గెస్ట్‌ రోల్‌ చేయబోతున్నాడు. యష్‌రాజ్‌ ఫిలిమ్స్‌ బ్యానర్‌లో వస్తున్న ఈ సినిమాను సౌత్‌లోని అన్ని లాంగ్వేజెస్‌లో డబ్‌ చేస్తున్నారట. ఇక ఈ సినిమాకు దర్శకత్వం వహిస్తున్న మనీష్‌ శర్మ.. ట్రిపులార్‌ను క్రాస్‌ చేసే రేంజ్‌లో అవుట్‌పుట్‌ ఉండేలా ప్లాన్‌ చేస్తున్నారట. ఈ ముగ్గురు హీరోలు కలిసి తారక్‌, చెర్రీని బీట్‌ చేస్తారో లేదో చూడాలి.