బాలీవుడ్ రష్మిక మరో ప్రాజెక్ట్, నక్క తోక తొక్కింది

సౌత్ లో స్టార్ హీరోలతో వరుస ప్రాజెక్ట్ లతో ఒకప్పుడు బిజీగా గడిపిన స్టార్ హీరోయిన్ రష్మిక మందన ఇప్పుడు బాలీవుడ్ లో కూడా బిజీ అవుతోంది. గత ఏడాది యానిమల్ సినిమాతో బాలీవుడ్ కు ఏం కావాలో చేసి చూపించిన రష్మిక ఇప్పుడు తెలుగు కంటే బాలీవుడ్ కు ఎక్కువ ప్రయారిటీ ఇస్తోంది. ఆమెకు నటన కూడా ప్లస్ కావడంతో బాలీవుడ్ డైరెక్టర్లు, నిర్మాతలు ఆమెతో సినిమాలు చేసేందుకు రెడీ అవుతున్నారు. యానిమల్ సినిమాలో ఆమె గ్లామర్ తో పాటుగా యాక్షన్ కూడా సినిమాకు మంచి ప్లస్ అయింది.

త్వరలోనే ఆమె నటించే పుష్ప 2 సినిమా విడుదల కానుంది. ఈ సినిమా కోసం ఆమె గట్టిగానే కష్టపడింది కూడా. ఈ సినిమాలో ఆమె డాన్స్ కు ప్రత్యేకంగా ఫ్యాన్స్ కూడా ఉన్నారు. పుష్ప 2 లో ఆమె రోల్ ఏ రేంజ్ లో ఉంటుంది అనే దానిపై జనాల్లో ఆసక్తి ఉంది. ఆమెకు కూడా సుకుమార్ మంచి వెయిట్ ఇచ్చాడని, అందుకు రష్మిక న్యాయం చేసిందని అంటున్నారు. పుష్ప 2 సక్సెస్ అయితే మాత్రం రష్మిక కచ్చితంగా బిజీ కావడం ఖాయంగా చెప్పవచ్చు. సుకుమార్ తన తర్వాతి ప్రాజెక్ట్ లో కూడా ఆమెను తీసుకుంటారని టాక్.

వచ్చే ఏడాది రష్మిక నటించే మూడు సినిమాలు విడుదల కానున్నాయి. సందీప్ రెడ్డి వంగా, ఎన్టీఆర్ సినిమాలో కూడా ఆమెను తీసుకునే ఛాన్స్ ఉందనే ప్రచారం కూడా జరుగుతోంది. యానిమల్ సినిమా కోసం సందీప్ రెడ్డితో కలిసి వర్క్ చేసింది. ఆమెకు కన్నడలో మంచి ఫాలోయింగ్ ఉండటంతో అల్లు అర్జున్ ఇప్పుడు రష్మికను… త్రివిక్రమ్ తో చేసే సినిమాలో తీసుకునే ఆలోచనలో ఉన్నాడని అంటున్నారు. ఎన్టీఆర్ తర్వాత కన్నడలో మంచి మార్కెట్ ఉన్న హీరో అల్లు అర్జున్. అందుకు రష్మిక తోడు అయితే ప్లస్ అయ్యే ఛాన్స్ ఉంది.

ఇక్కడ ఇంత బిజీగా ఉంటూ కూడా ఆమె బాలీవుడ్ లో మరో భారీ ప్రాజెక్ట్ కు సైన్ చేసింది. ఆయుష్మాన్ ఖురానాతో కలిసి ఆమె థమా అనే సినిమాలో నటిస్తోంది. వచ్చే ఏడాది దీపావళి కానుకగా ఈ సినిమాను రిలీజ్ చేస్తామని మేకర్స్ ప్రకటించారు. హారర్ లవ్ స్టోరీ అయిన థామ చిత్రానికి ముంజ్యా ఫేమ్ ఆదిత్య సర్పోత్దార్ దర్శకత్వం వహించనున్నారు. నవాజుద్దీన్ సిద్ధిఖీ, పరేష్ రావల్ కీలక పాత్రల్లో నటిస్తున్నారు. ప్రస్తుతం రష్మిక పుష్ప 2 ని బాలీవుడ్ లో కూడా ప్రమోట్ చేసే ప్లాన్ లో ఉంది.