బోయపాటి ఊర మాస్, అఖండ సీక్వెల్ విలన్ గా బాలీవుడ్ స్టార్

నట సింహం నందమూరి బాలకృష్ణ, మాస్ డైరెక్టర్ బోయపాటి కాంబినేషన్ లో సినిమా అనగానే అంచనాలు ఓ రేంజ్ లో ఉంటాయి. సినిమాపై జనాల్లో ఓ రేంజ్ బజ్ క్రియేట్ అవుతుంది. సినిమా కోసం ఫ్యాన్స్ అయితే వేయి కళ్ళతో ఒత్తులు వేసుకుని ఎదురు చూస్తూ ఉంటారు. టాలీవుడ్ లో ఏ కాంబినేషన్ కి లేని క్రేజ్ ఈ కాంబినేషన్ కు ఉంటుంది. గతంలో వచ్చిన మూడు సినిమాలు సూపర్ హిట్ అయ్యాయి. సింహ, లెజెండ్, అఖండ సినిమాలు సూపర్ హిట్ అయ్యాయి. ఆ సినిమాలు బాలయ్య కెరీర్ కు కూడా హెల్ప్ అయ్యాయి అంటారు కొందరు.

హిట్ లేని సమయంలో ఆ సినిమాలతో బాలయ్య మళ్ళీ ఫాం లోకి వచ్చారు. అఖండ సినిమా బాలయ్య కు పిచ్చ ఫ్యాన్ ఫాలోయింగ్ పెంచింది. ఆ తర్వాత వచ్చిన సినిమాలకు కూడా అది హెల్ప్ అయింది అనే చెప్పాలి. ఇక ఇప్పుడు అఖండ సీక్వెల్ తో వస్తున్నారు బాలయ్య. దసరా సందర్భంగా దీనిపై అధికారిక ప్రకటన వచ్చింది. బాలయ్య, బోయపాటి కాంబినేషన్ లో నాలుగవ సినిమా అంటూ ప్రకటించారు. ఇది కచ్చితంగా అఖండ సీక్వెల్ అనేది ఫ్యాన్స్ నమ్మకం. టైటిల్ ఏంటీ అనేది ఇంకా ప్రకటన రాలేదు.

ఇక ఈ సినిమా విషయంలో బాలకృష్ణ, బోయపాటి పక్కా ప్లానింగ్ తో ఉన్నారని టాలీవుడ్ వర్గాలు అంటున్నాయి. అఖండ సినిమాకు బాలీవుడ్ లో మంచి క్రేజ్ వచ్చిన సంగతి తెలిసిందే. అందుకే అఖండ సీక్వెల్ ను కూడా బాలీవుడ్ లో బాగా మార్కెటింగ్ చేయాలని ప్లాన్ చేస్తున్నారు. ఇందుకోసం బాలీవుడ్ నటులను సంప్రదించడం మొదలుపెట్టారు. హీరోయిన్ గా ఇప్పటికే ఐశ్వర్య రాయ్ ని ఫైనల్ చేసింది చిత్ర యూనిట్. ఆమె కూడా అందుకు గ్రీన్ సిగ్నల్ ఇచ్చారు. ఇందుకోసం దాదాపుగా 8 కోట్ల వరకు ఆమె డిమాండ్ చేసింది అని టాక్.

ఇక ఇప్పుడు విలన్ గా కూడా బాలీవుడ్ స్టార్ ని తీసుకోవాలని ప్లాన్ చేస్తోంది చిత్ర యూనిట్. యానిమల్ సినిమాతో విలన్ గా ఫేమస్ అయిన బాబి డియోల్ తో బోయపాటి చర్చలు జరుపుతున్నారని టాక్ నడుస్తోంది. ఇప్పుడు సౌత్ లో కూడా సినిమాలు చేయడానికి బాబి ఆసక్తి చూపిస్తున్నాడు. అటు తమిళం, కన్నడ భాషల్లో కూడా బాబీ సినిమాలకు సైన్ చేసిన సంగతి తెలిసిందే. ఇప్పుడు ఈ సినిమాలో బాబీని విలన్ గా తీసుకుంటే బాగుంటుంది అనే భావనలో ఉంది చిత్ర యూనిట్. ఒకవేళ ఆయన ఎక్కువ డిమాండ్ చేసినా ఇవ్వడానికి సిద్దంగా ఉన్నారట. మరి ఈ సినిమా షూట్ ఎప్పుడు ప్రారంభావమవుతోందో చూడాలి.