బుచ్చి స్టార్ట్ చేసాడు, మెగా ఫ్యాన్స్ కు మరో గుడ్ న్యూస్

మెగా పవర్ స్టార్ రామ్ చరణ్ సినిమా కోసం ఫ్యాన్స్ ఓ రేంజ్ లో ఎదురు చూస్తున్నారు. ఏడేళ్ళ తర్వాత రామ్ చరణ్ శంకర్ డైరెక్షన్ లో గేమ్ చేంజర్ సినిమా చేస్తున్నాడు. ఈ సినిమా ఇప్పటికే పలు మార్లు రిలీజ్ వాయిదా పడుతూ వచ్చింది. ఎప్పుడు రిలీజ్ అవుతుందో అని ఫ్యాన్స్ ఎదురు చూస్తుంటే… సంక్రాంతి కానుకగా జనవరి 10 న విడుదల చేస్తామని ప్రకటించారు. సినిమా విషయంలో ఫ్యాన్స్ ఇప్పుడు భయం భయంగా ఉన్నారు. రాజమౌళి సెంటిమెంట్ భయం ఆచార్య సినిమాతో పోయినా ఏదో కంగారు ఉంది.

ప్రభాస్ కు రాజమౌళి తర్వాత మూడు సినిమాలు ఫ్లాప్ అయ్యాయి అని… గతంలో కూడా రామ్ చరణ్ కు రెండు సినిమాలు రాజమౌళి తర్వాత ఫ్లాప్ అయ్యాయని… ఎన్టీఆర్ కూడా యమదొంగ సినిమా తర్వాత ఇబ్బంది పడ్డాడు అని కామెంట్స్ చేస్తున్నారు. దీనితో ఆచార్యతో రాజమౌళి సెంటిమెంట్ కంప్లీట్ కాదు అంటూ భయపడుతున్నారు. దానికి తోడు మెగా ఫ్యాన్స్ లో కొందరికి ఎన్టీఆర్ ఫ్యాన్స్, బన్నీ ఆర్మీతో భయం ఉంది. వాళ్ళు సినిమాను ఏ రేంజ్ లో టార్గెట్ చేస్తారో అనే కంగారులో కూడా ఫ్యాన్స్ ఉన్నారు.

వీటికి తోడు శంకర్ కు ఈ మధ్య కాలంలో సరైన హిట్ దొరకడం లేదు. దీనితో ఫ్యాన్స్ లో ఆందోళన పీక్స్ లో ఉంది. ఇంకా సినిమా షూట్ పూర్తి కాకపోవడం ప్రమోషన్స్ కూడా స్టార్ట్ కాకపోవడం భయపెడుతోంది. దాదాపు 350 కోట్ల బడ్జెట్ తో వస్తోంది ఈ సినిమా. ఎస్జే సూర్య ఈ సినిమాలో విలన్ గా నటిస్తుండగా హీరోయిన్ గా కియారా అద్వాని నటిస్తోంది. ఈ టైం లో ఫ్యాన్స్ కు ఓ గుడ్ న్యూస్ వచ్చింది. ఉప్పెన సినిమాతో మంచి హిట్ కొట్టిన బుచ్చి బాబుతో రామ్ చరణ్ ఓ సినిమా అనౌన్స్ చేసిన సంగతి తెలిసిందే.

ఏఆర్ రహమాన్ ఆ సినిమాకు సంగీత దర్శకుడిగా ఉన్నారు. ఆ సినిమా షూట్ పై క్లారిటీ వచ్చింది. గేమ్ చేంజర్ రిలీజ్ తర్వాత షూట్ స్టార్ట్ అయ్యే ఛాన్స్ ఉందని అందరూ భావించగా… కాదు నవంబర్ 22 నుంచే అని ప్రకటించారు. దీనితో సోషల్ మీడియాలో ఫ్యాన్స్ పండుగ చేసుకుంటున్నారు. ఈ సినిమాలో రామ్ చరణ్ ఓ జాలరిగా కనిపించే ఛాన్స్ ఉంది. ఇది కూడా భారీ బడ్జెట్ తోనే వచ్చే ఛాన్స్ ఉంది. ఈ సినిమాలో హీరోయిన్ గా జాన్వీ కపూర్ నటిస్తుండగా విలన్ గా బాలీవుడ్ స్టార్ బాబీ డియోల్ నటించే అవకాశం ఉందని టాక్.