ఖైదీ 2 పై క్రీజ్ అప్డేట్… ఎల్సియూ ఫ్యాన్స్ కు పండుగే

ఇండియన్ సినిమా ఫ్యాన్స్ ను ఫిదా చేసిన ఎల్సీయూపై ఇప్పుడు చాలా అంచనాలు ఉన్నాయి. మన తెలుగులో కూడా లోకేష్ సినిమాటిక్ యూనివర్స్ కు ఫ్యాన్స్ భారీగానే ఉన్నారు. ఖైదీ, విక్రమ్ సినిమాలు ఏ రేంజ్ లో ఉన్నాయో చూసాం. వీటికి మించి ఇప్పుడు సినిమాలు ఉండే ఛాన్స్ ఉంది. ఇదే యూనివర్స్ లో నాలుగు సినిమాలు ఇంకా వచ్చే ఛాన్స్ ఉందని ఫ్యాన్స్ లెక్కలు వేస్తున్నారు. విక్రమ్ సీక్వెల్ కచ్చితంగా వస్తుంది. ఖైదీ 2 ఉండే ఛాన్స్ కూడా పక్కాగా ఉందని క్లారిటీ వచ్చేసింది ఆల్రెడీ. దీనిపై కార్తీ కూడా క్లారిటీ ఇచ్చేసాడు.

ఇక డైరెక్టర్ లోకేష్ కనగరాజ్ కూడా కచ్చితంగా ఖైదీ 2 ఉంటుందని, త్వరలోనే స్టార్ట్ అవుతుందని గతంలోనే చెప్పాడు. ఇక విక్రమ్ సినిమాలో హైలెట్ అయిన రోలెక్స్ అనే పాత్రతో సినిమా ఉంటుందని లోకేష్ ఇప్పటికే చెప్పాడు. అసలు రోలెక్స్ డ్రగ్స్ గ్యాంగ్ కు ఎలా లీడర్ అయ్యాడు, అతను ఎలా అంత ఎత్తుకు ఎదిగాడు అనేది సినిమాలో చూపిస్తారు. ఇందులో నెగటివ్ పాత్రతోనే సినిమా ఉంటుంది. విలన్ పాత్రే ఇక్కడ హీరో అయ్యే ఛాన్స్ ఉంది. ఈ సినిమాను వచ్చే ఏడాది లాంచ్ చేసే ఛాన్స్ కనపడుతోంది.

ఈ సినిమాల తర్వాత లోకేష్ నుంచి ఫైనల్ మూవీ రానుంది. ఆ సినిమా కంటే ముందే ఖైదీ సీక్వెల్ ను ప్లాన్ చేస్తున్నారు. తాజాగా దీనిపై లోకేష్ ఎక్స్ లో పోస్ట్ చేసాడు. ఖైదీ సినిమా విడుదలై అయిదేళ్ళు అవుతున్న నేపధ్యంలో ఎక్స్ లో పోస్ట్ చేస్తూ… మొత్తం ఇక్కడి నుంచే మొదలయింది అని ఖైదీ ఫస్ట్ షాట్ ను పోస్ట్ చేసాడు. అసలు ఖైదీ మూవీలో ఏ మాత్రం గ్లామర్ రోల్స్ లేకపోయినా, పాటలు లేకపోయినా సినిమా మొత్తం రాత్రి సమయంలోనే ఉన్నా కూడా సినిమా సూపర్ హిట్ అయింది. ఒక ట్రెండ్ ను సెట్ చేసింది.

ఇప్పుడు కార్తీతో మళ్ళీ ఖైదీ 2 ని లాంచ్ చేస్తున్నాడు. త్వరలోనే దిల్లీతో షూట్ స్టార్ట్ చేస్తా అని చెప్పాడు. దిల్లీ అనేది ఖైదీ సినిమాలో కార్తీ పేరు. ఈ సీక్వెల్ లో కచ్చితంగా బిగ్ ట్విస్ట్ లు ఉండనున్నాయి. ఇందులో సూర్య పాత్ర ఉంటుందా లేదా అనేది క్లారిటీ లేకపోయినా కచ్చితంగా ఓ తెలుగు స్టార్ హీరో రోల్ ని చూపించే ఛాన్స్ కనపడుతోంది. అలాగే విజయ్ సేతుపతి, హరీష్ ఉత్తమన్ పాత్రలు ఈ సినిమాలో హైలెట్ అయ్యే ఛాన్స్ ఉంది.