బాక్సాఫీస్ లో ఇక పూనకాలే… పుష్పరాజ్ వెనకాల దేవర దండు…

పుష్ప రాజ్ రెండో సారి బాక్సాఫీస్ బెండు తీసేందుకు రెడీ అయ్యాడు. ది రైజ్, దీ రూల్ అంటూ రెండు భాగాల్లో పుష్ప తగ్గేదిలేదన్నాడు. ఒకటి హిట్టైంది. మరొకటి దారిలో ఉంది..ఇంతలో మూడోది కూడా కన్ఫామ్ అయ్యింది. కాకపోతే ఇది కన్ఫామ్ చేసింది డైరెక్టర్ సుకుమార్ కాదు… ఐకాన్ స్టార్ అల్లు అర్జున్ కాదు… కనీసం నిర్మాతలైనా ఈ పని చేశారా అంటే అదీలేదు… సీన్ లోకి డ్రాగన్ వచ్చింది. మ్యాన్ఆఫ్ మాసెస్ ఎన్టీఆరే పుష్పరాజ్ వెనకాల సపోర్ట్ గా నిలుస్తున్నాడని తెలుస్తోంది. ఇది నిజంగా అటు అల్లు ఆర్మీకి, ఇటు ఎన్టీఆర్ ఫ్యాన్స్ కి కిక్ ఇచ్చే విషయమే.. ఇంతకి పుష్ప కోసం దేవర ఎందుకు సీన్లోకి వస్తున్నాడు… పుష్ప 3 కి మ్యాన్ ఆఫ్ మాసెస్ ఎన్టీఆర్ కి ఉన్న సంబంధం ఏంటి?

పుష్ప 2 డిసెంబర్ 6 న కాకుండా ఒకరోజు ముందు 5న రిలీజ్ కాబోతోంది. సినీ సునామీకి ఇంకా సుమారు నెల రోజులే టైం ఉంది. ఏపీ ఎన్నికల వేల వైసీపీకి బన్నీ సపోర్ట్ చేయటం వల్ల మెగా గ్యాప్ వచ్చిందన్నారు. జనసైనికులు బన్నీని దూరం పెట్టారన్నారు. కాని పవన్ సింగిల్ స్పీచ్ తో ఆ గ్యాప్స్ అన్నీ మటుమాయమయ్యాయి.. ఇదే పుష్ప 2కి కిక్ ఇచ్చే అంశం అనుకుంటే, అంతకుమించి కిక్ ఇస్తున్నాడు మ్యాన్ ఆఫ్ మాసెస్ ఎన్టీఆర్..

పుష్ప 2 కి బ్యాక్ సపోర్ట్ పూర్తిగా ఎన్టీఆర్ నుంచే ఉండబోతోంది. దానికో సాలిడ్ రీజనుంది.. ఆల్రెడీ ఇది కన్పామ్ అయిపోయింది. ఎన్టీఆర్ పుష్ప 2 కోసం తన గొంతు సవరించబోతున్నాడు. అది కూడా పుష్ప 2 కి మాత్రమే కాదు, దాని సీక్వెల్ కోసం కూడా… అక్కడే ఇండస్ట్రీ షాక్ అవుతోంది. బేసిగ్గా ఒక హీరో సినీ సునామీ క్రియేట్ చేస్తే, మరో స్టార్ లో ఎంతో కొంత ప్రొఫేషనల్ రైవలరీ ఉంటుంది

కాని ఇవేం లేకుండా ఎన్టీఆర్ చాలా వరకు బన్నీ కోసం పెద్ద మనసు చేసుకుని ముందడుగు వేస్తున్నాడు. పుష్ప 2 ప్రీ క్లైమాక్స్ తో పాటు క్లైమాక్స్ లో ఎన్టీఆర్ వాయిస్ ఓవర్ వినిపిస్తుందట. అందులోనే పుష్ప మూడో సీక్వెల్ పుష్ప 3 గురించి వాయిస్ ఓవర్ ఉంటుందని తెలుస్తోంది. బేసిగ్గా ఓ హీరో మూవీకి మరో హీరో వాయిస్ ఓవర్ చెప్పటం కొంతవరకు కామనే, కాని ఒక హిట్ మూవీకి మరో సీక్వెల్ ని ఎనౌన్స్ చేసేలా వాయిస్ ఓవర్ చెప్పటం అరుదు..

అలాంటి అరుదైన ఘటన జరగబోతోంది. అసలే దేవర లాంటి పాన్ ఇండియా బ్లాక్ బస్టర్ తో దూసుకెళుతున్న తారక్, వార్ 2 మూవీతో హ్రితిక్ ఫేట్ కూడా మార్చబోతున్నాడు. హిందీలో ఆ హీరోకి పరిచయం కాని, 1000 కోట్ల మార్కెట్ ని పరిచయం చేసే పనిలో ఉన్న తారక్,పుష్ప 3 ఎనౌన్స్ మెంట్ కి కూడా తన గొంతు సవరించబోతున్నాడు. సుకుమార్ తో నాన్నకు ప్రేమతో అంటూ ప్రయోగం చేసిన ఎన్టీఆర్, ఆ పరిచయంకి తోడు బన్నీ తో బావా అంటూ పిలుపులతో ఉన్న రిలేషన్ షిప్ వల్లే, ఇలా సీన్ లోకి వస్తున్నాడు. బన్నీ కోసం పెద్ద మనసు చేసుకుని సెన్సేషనల్ నిర్ణయం తీసుకున్నాడు.

ఐతే పాన్ ఇండియా రేంజ్ లోపుష్పతో దేవర, త్రిబుల్ ఆర్ కంటే ముందే సెన్సేషన్ క్రియేట్ చేసిన బన్నీ, ఇలా దేవర సాయం తీసుకోవటం కొంతవరకు వింతగానే అనిపిస్తోంది. తనకంటూ పాన్ ఇండియా రేంజ్ లో బన్నీకి మార్కెట్, క్రేజ్ ఉన్నా, మాస్ లో ఎన్టీఆర్ కి ఉన్న ఫాలోయింగే వేరు. సౌత్ లోనే కాదు, నార్త్ లో నరాలు తెగేరేంజ్ లో ఎన్టీఆర్ కి ఫ్యాన్ బేస్ క్రియేట్ అయ్యింది. అవిషయం దేవర వసూళ్లతో తేలింది. సౌత్ ని మించే రేంజ్ లో వసూళ్ళు నార్త్ లో వచ్చాయంటేనే ఎన్టీఆర్ క్రేజ్ నార్త్ మాసెస్ లో ఎంతపెరిగిందో చెప్పక్కర్లేదు. అలాంటి స్టార్ పుష్ప 2 క్లైమాక్స్ లో పుష్ప 3 ని వాయిస్ ఓవర్ తో ఎనౌన్స్ చేస్తే ఆ కిక్కే వేరు.. అయితే అదే జరగటం ఖాయమైంది.