దేవర వీళ్లకో పీడకలగా మారిందా… మెగా కజిన్స్ ని కష్టాలు…

దేవర అరవోళ్లకే కాదు, తెలుగు హీరోలకు కూడా మెల్లిగా ఓ పీడకలగా మారేలా ఉంది. పుష్ప 2 కి దేవరతో నిజంగా పెద్ద హెడ్డేకే వచ్చేలా ఉంది. ఆల్రెడీ హిట్టైన సినిమాకు సీక్వెల్ గా వస్తున్న పుష్ప 2 ఈజీగా 1000 కోట్లు రాబడుతుందనుకుంటే, దేవిశ్రీ వల్ల పెద్ద సమస్యే వచ్చేలా ఉంది. బేసిగ్గా ఒకరి తప్పు మరొకరికి పనిష్మెంట్ గా మారినట్టు, భారతీయుడు 2 వల్ల గేమ్ ఛేంజర్ ఫ్యూచర్ డైలామాలో పడింది… తమిళ కంగువా ఫ్లాప్ కాదు డిజాస్టర్ అనేంతగా టాక్ షాక్ ఇవ్వటంతో, అదే పుష్ప2 కి ఎసరు పెట్టేలా ఉంది. అక్కడ శంకర్ చేసిన తప్పు, ఇక్కడ దేవి శ్రీ రెడీ చేసిన ముప్పు.. ఇవే గ్లోబల్ స్టార్, ఐకాన్ స్టార్ సినిమా లకు చుక్కలు చూపిస్తున్నాయి. ఒకవైపు కల్కీ తో పోలిస్తే దేవర సెట్ చేసిన రికార్డే పుష్ప2, గేమ్ ఛేంజర్ లకి చెమటలు పట్టిస్తోంది.. అలాంటి టైంలో, ఇంకో సమస్య ఎదురైతే బాక్సాఫీస్ లో ఎదురీత కష్టమే… ఇంతకి పుష్ప2, గేమ్ ఛేంజర్ కి దేవర తో పాటు ఎదురైన కొత్త కష్టాలేంటి? 

దేవర పాన్ ఇండియా లెవల్లో బ్లాక్ బస్టరైన మాస్ మూవీ. కంగువా పాన్ ఇండియా లెవల్లో దేవర రేంజ్ లో దుమ్ముదులుపుతుందనుకుంటే, డీలా పడిన సినిమా..ఈరెండు ఇప్పుడు ఐకాన్ స్టార్ అల్లు అర్జున్ ని, గ్లోబల్ స్టార్ రామ్ చరణ్ ని కంగారు పడేలా చేస్తున్నాయి

దేవర విషయానికొస్తే, త్రిబుల్ ఆర్ లో కలిసి నటించారు కాబట్టి, దేవర వసూల్లు, దేవర రికార్డులని ఖచ్చితంగా చరణ్ కొత్త మూవీ గేమ్ ఛేంజర్ తో పోలుస్తారు. ఇదే తలనొప్పిరా బాబు అనుకుంటే, గేమ్ ఛేంజర్ ని తీసిన శంకర్ భారతీయుడు 2 తో డిజాస్టర్ ఇచ్చాడు. కాబట్టి గేమ్ ఛేంజర్ కూడా అంతకుమించిన డిజాస్టర్ అయ్యే ఛాన్స్ఉందనే కామెంట్లు పెరిగాయి

ఇది కొత్త విషయం కాదు, కాని ఇప్పుడే ఇది కొత్తగా ఫోకస్ అవటానికి కారనం మెగా కజిన్స్ కి కామన్ గా మారిన రెండు సమస్యలు.. అవే ఒకటి భారతీయుడు 2 , దేవర మూవీలు.. రెండు దేవి శ్రీ ఘనకార్యం వల్ల జరిగిన అనర్ధం..

పుష్ప 2 మూవీ బ్లాక్ బస్టరైన పుష్పకి సీక్వెల్… పాన్ ఇండియా లెవల్లో పుష్పరాజ్ హిట్ మెట్టెక్కాడు కాబట్టి, దాని సీక్వెల్ కూడా సునామీ క్రియేట్ చేసే ఛాన్స్ఉంది. కాని దేవి శ్రీ రీసెంట్ గా కంగువాతో అందరికి షాక్ ఇచ్చాడు. కంగువాలో కథే వీక్ అనుకుంటే, దేవిశ్రీ మ్యూజిక్ మరింత వీక్ గా మారింది. కేవలం వీక్ అయితే ఏమైనా అనుకోవచ్చు, కాని కంగువా బ్యాగ్రౌండ్ మ్యూజిక్ నిజంగా షాక్ ఇచ్చింది

ఏకంగా ఆస్కార్ అచీవర్ సౌండ్ ఇంజనీర్ అయిన రసూల్ పూకొట్టి కూడా కంగువా మీద కామెంట్ చేశాడు. ఇందులో బ్యాగ్రౌండ్ మ్యూజిక్ చాలా లౌడ్ గా ఉందని, భరించలేనంత కంపరంగా ఉందన్నాడు. ఈ స్టేట్ మెంట్ వైరలైంది. దీన్ని బట్టి దేవి శ్రీ పుష్ప 2 కి కూడా సరైన బీజీఎం ఇవ్వలేదనే, తన ప్లేస్ లో తమన్ అండ్ కోని తీసుకున్నారంటున్నారు. అంతా అనుకున్నట్టు జరిగితే ఓకే, లేదంటే, ఈజీగా 1000 కోట్లు రాబట్టే పుష్ప2 కి అన్నీ కలిసొచ్చినా, బీజీఎం సెట్ కాక అసలుకే ఎసరొచ్చే చాన్స్ ఉంది.

ఇక భారతీయుడు2 లాంటి డిజాస్టర్ ఇచ్చిన శంకర్ బ్యాడ్ ఇమేజ్ వల్ల గేమ్ ఛేంజర్ కి ఏమౌతుందో అనే టెన్షన్ ఒకవైపు, దేవర రికార్డులతో ఖచ్చితంగా పోలికలు ఉంటాయి కాబట్టి ఆ రికార్డు పోలిక తో మరో తలనొప్ప ఇంకో వైపు పెరిగిపోతున్నాయి. దీనికి తోడు డాకు మహరాజ్ గా బాలయ్య, సంక్రాంతి కొస్తున్నాడు. సో మొత్తంగా అటు అబ్బాయ్ రికార్డులు, ఇటు బాబాయ్ మాస్ ఎటాకులు గేమ్ ఛేంజర్ ని ముంచేసేలా ఉన్నాయి.