పుష్ప2 ఫస్ట్ హాఫ్ కే పిచ్చి ఎక్కింది, దేవిశ్రీ కాన్ఫిడెన్స్

పుష్ప పార్ట్ 1 తో జనాలు అందరూ ఇప్పుడు పార్ట్ 2 ఎప్పుడు వస్తుందా అని వేయి కళ్ళతో ఎదురు చూస్తున్నారు. సినిమాపై ఇప్పటికే భారీ హైప్ ఉండగా ఆలస్యం కావడంతో అది ఇంకా పెరుగుతోంది. అల్లు అర్జున్ కెరీర్ లో ఓ సినిమాకు ఇన్నేళ్ళు తీసుకోవడం ఇదే తొలిసారి. అసలు బాహుబలి సినిమాకు కూడా ఇన్నేళ్ళు పట్టలేదు. పార్ట్ 2 కోసం అల్లు అర్జున్ తో పాటుగా టీం మొత్తం ప్రాణం పెట్టి పని చేస్తున్నారనే విషయం క్లియర్ గా అర్ధమవుతోంది. ఇక సినిమాలో యాక్షన్ సీన్స్ ని షూట్ చేయాల్సి ఉంది.

ఈ తరుణంలో ఈ సినిమాకు సంగీతం అందిస్తోన్న దేవిశ్రీ ప్రసాద్ కీలక వ్యాఖ్యలు చేసాడు. పుష్ప2 ఫస్టాఫ్ స్కిప్ట్ విన్నప్పుడే నేను చంద్రబోస్ చప్పట్లు కొట్టామన్ని చెప్పుకొచ్చాడు. పుష్ప2 సినిమా బ్లాక్ బస్టర్ పక్కా అన్నాడు. సుకుమార్ రైటింగ్ అంతా బాగా రాశారని కొనియాడాడు. బన్నీ అధ్బుతంగా నటించారన్నాడు. ఇక బ్యాక్ గ్రౌండ్ స్కోర్ పరంగా తగ్గేదేలె అని ధీమా వ్యక్తం చేసాడు. పుష్ప 2 వర్క్ షెడ్యూల్ ప్రకారం పూర్తయిపోతోందన్నాడు. వేరే లాగ్వెంజ్ మ్యూజిషన్స్ ను ఫ్యాన్స్ కోరుకోవటంలో తప్పే లేదన్నాడు.

ప్రతి ఒక్కరు మనకు స్పూర్తి ని అందించేవారని, కానీ భాషపై పట్టు సాధించి అవగాహనతో చెస్తే మంచిదన్నాడు. ఓ సినిమా సక్సెస్ అయితే అందరికి క్రెడిట్ దక్కాలి.. తప్పు జరిగినా అందరిదే అని స్పష్టం చేసాడు. తెలుగు సినిమాకు ఆస్కార్ రావటం గర్వకారణమన్నాడు. మేము నాటు నాటు సాంగ్ ప్లే చేసుకుని డాన్స్ వేశాం అని తెలిపాడు. చంద్రబోస్, కీరవాణి గారి ప్రతిభకు తగ్గ పురస్కారం లభించిందని తెలిపాడు. బన్నీ, నేను చిన్నప్పటి నుంచి స్నేహితులం.. మా‌ మాధ్య సెలెబ్రేటింగ్ జర్నీ ఉంది అని గుర్తు చేసుకున్నాడు.

మా‌ ఇద్దరికీ కూడా ఒకేసారి నేషనల్ అవార్డ్ వచ్చిందని తెలిపాడు. ఆ విషయంపై బన్నీ ,అల్లు అరవింద్ గారు కూడా నా గురించి ప్రత్యేకంగా స్పందించారన్నాడు దేవి శ్రీ. హర్ గర్ తిరంగా పాట చేసే నాకు అవకాశం లభించటం.. దానికి మోదీ గారు నుంచి ప్రశంసలు లభించాయని గుర్తు చేసుకున్నాడు. ఓ సంగీత దర్శకుడికి అతని వర్క్ కు వచ్చే అప్లాజ్ ను మించి ఇంకేమి ఎక్కువ ఆనందం ఏముందని చెప్పుకొచ్చాడు. ఇక పుష్ప 2 గురించి దేవి శ్రీ చేసిన కామెంట్స్ తో ఫ్యాన్స్ ఫుల్ జోష్ లో ఉన్నారు. సినిమా ఎప్పుడెప్పుడా అని ఎదురు చూస్తున్న ఫ్యాన్స్ కి మంచి బూస్ట్ ఇచ్చాడు దేవి శ్రీ.