పుష్ప 2 కి భన్వర్ సింగ్ షెకావత్ వాటా ఎంత…?

పుష్ప 2 సినిమా ఎప్పుడు విడుదల అవుతుందో గాని జనాల్లో మాత్రం ఈ సినిమాపై అంచనాలు ఓ రేంజ్ లో ఉన్నాయి. ఈ సినిమా విడుదల కోసం అల్లు అర్జున్ ఆర్మీ చాలా ఆశగా ఎదురు చూస్తోంది. ట్రోల్ చేయడానికి మెగా ఫ్యాన్స్ కూడా గట్టిగానే ఎదురు చూస్తున్నారు. వచ్చే ఏడాది ఈ సినిమా విడుదల అని ముందు అనుకున్నా… డిసెంబర్ లోనే కచ్చితంగా విడుదల అవుతుంది అని నిర్మాత బన్నీ వాసు స్పష్టంగా చెప్పేశారు. ఇక సినిమా లేట్ అయినా పర్వాలేదు గాని… పక్కాగా ఉండాలని సుకుమార్ భావిస్తున్నారు.

చాన్నాళ్ళ తర్వాత ఇటీవల ఈ సినిమా షూట్ ప్రారంభమైంది. కాకినాడ పోర్ట్ వద్ద ఈ సినిమా షూట్ ని పూర్తి చేసారు. ఇక్కడ యాక్షన్ సీన్స్ ని షూట్ చేసినట్టు సమాచారం. ఇక ఈ సినిమాలో కొత్త నటులు కూడా ఉండవచ్చు అని టాక్ వస్తోంది. ముఖ్యంగా ఆస్ట్రేలియా క్రికెటర్ డేవిడ్ వార్నర్ ఈ సినిమాలో నటించే అవకాశం ఉందని ఇటీవల వార్తలు వచ్చాయి. దానికి సంబంధించిన లుక్స్ కూడా వైరల్ అయిన సంగతి తెలిసిందే. విదేశాల్లో ఉండే డాన్ గా ఆయన నటించే అవకాశం ఉండవచ్చు అని ప్రచారం బాగానే జరిగింది.

ఇక ఈ సినిమాలో మలయాళ నటుడు ఫాహాద్ ఫాజిల్ విషయంలోనే జనాలకు ఆసక్తి అంతా. ఆయన ఏ పాత్ర చేసినా సరే దానికి ఓ రేంజ్ ఉంటుంది. కచ్చితంగా సినిమా కోసం ప్రాణం పెట్టె నటుడు ఫాఫా. ఇప్పుడు పుష్ప 2 కోసం తన లుక్ ని కూడా పూర్తిగా మార్చుకున్నాడు. ఆ లుక్ తోనే గతంలో సినిమాలు చేసాడు. ఇక ఈ సినిమా కోసం ఆయన భారీగానే తీసుకుంటున్నాడు అంటున్నాయి సినీ వర్గాలు. రజనీ కాంత్ నుంచి మొదలు కీలక హీరోలు అందరి సినిమాల్లో మంచి పాత్రలు చేస్తూ ఉంటాడు ఈ నటుడు.

అలాంటి నటుడు తన రెమ్యునరేషన్ విషయంలో అసలు వెనక్కు తగ్గే ఛాన్స్ ఉండదు అంటున్నారు సినీ జనాలు. పుష్ప మొదటి పార్ట్ లో కాసేపు కనపడినందుకే ఆయన దాదాపు 3 కోట్ల వరకు తీసుకున్నారు. ఇక పుష్ప 2 కోసం ఆయన 8 కోట్ల వరకు తీసుకుంటున్నారు. ఇంకా ఎక్కువే ఉండవచ్చు అని కూడా సమాచారం. కారణం ఆయనకు మలయాళంలో ఫాలోయింగ్ బాగా ఉంది. అది సినిమా మార్కెట్ ను పెంచే అవకాశం ఉండవచ్చు. ఆయన ఇమేజ్ తమిళంలో కూడా కలిసి వచ్చే ఛాన్స్ ఉండటంతో మైత్రీ మూవీ మేకర్స్ ఆయన విషయంలో వెనక్కు తగ్గడం లేదని టాక్.