గోపీచంద్ బ్యాక్ టూ విలన్.. బుచ్చి – రామ్ చరణ్ మూవీలో నెగటివ్ రోల్…?

ఒకప్పుడు గోపిచంద్ అంటే… విలన్ అనే తెలుగు ఆడియన్స్ ఫిక్స్ అయ్యారు. హీరో అయిన తర్వాత ఆయన ఎన్ని హిట్స్ కొట్టినా విలన్ రోల్ మాత్రమె గోపిచంద్ కు పక్కాగా సూట్ అయింది అంటారు ఆయన ఫ్యాన్స్ కూడా. కాని హీరోగా సక్సెస్ అవ్వాలి అనే పట్టుదలతో అసలు నెగటివ్ రోల్ చేయడానికి గోపిచంద్ ముందుకు రావడం లేదు. సినిమా పరిశ్రమలో మంచి పరిచయాలు ఉన్నా… టాలెంట్ ఉన్నా… మంచి కటౌట్ ఉన్నా సరే గోపిచంద్ మాత్రం విలన్ పాత్రలే ఎక్కువగా చేస్తున్నాడు. ఇది ఆడియన్స్ కు కూడా నచ్చడం లేదు.

ఈ మధ్య కాలంలో గోపిచంద్ మూవీస్ పెద్దగా సక్సెస్ కాలేదు అనే చెప్పాలి. ఎన్ని సినిమాలు చేసినా యావరేజ్ టాక్ తోనే వెళ్తున్నాయి. రీసెంట్ గా వచ్చిన మూవీ కూడా అంత గొప్పగా ఏం ఆడలేదు. దీనితో గోపిచంద్… ఫ్రెండ్స్, ఫ్యామిలీ విలన్ రోల్ చేయాలి అంటూ సలహా ఇచ్చారట. దీనితో గోపిచంద్… ఇప్పుడు విలన్ పాత్రకు రెడీ అవుతున్నాడు. స్టార్ హీరో… పాన్ ఇండియా మూవీలో గోపిచంద్ విలన్ పాత్ర చేయడానికి రెడీ అయ్యాడు. గేమ్ చేంజర్ సినిమా తర్వాత పాన్ ఇండియా లెవెల్ లో బుచ్చిబాబుతో గ్లోబల్ స్టార్ రామ్ చరణ్ మూవీ చేస్తున్నాడు.

ఈ సినిమా షూట్ కర్ణాటకలోని మైసూరులో స్టార్ట్ చేసారు. భారీ బడ్జెట్ తో వస్తున్న ఈ సినిమా షూట్ ను అక్కడే రెండు వారాల పాటు చేయనున్నారు. కన్నడ సూపర్ స్టార్… శివ రాజ్ కుమార్ కూడా ఈ సినిమాలో కీ రోల్ ప్లే చేస్తున్నారు. జాన్వీ కపూర్ తండ్రిగా శివ రాజ్ కుమార్ నటిస్తున్నాడని టాక్. ఇక శివ రాజ్ కుమార్ కొడుకుగా గోపిచంద్ నెగటివ్ రోల్ చేస్తున్నట్టు తెలుస్తోంది. ఈ సినిమా షూట్ మైసూరు తర్వాత… హైదరాబాద్ లో జరగనుంది. అక్కడి నుంచి గోపిచంద్ సెట్స్ కు వెళ్తున్నాడు.

ఇందుకోసం 6 కోట్లు ఆఫర్ చేసారు అని టాక్. ప్రస్తుతం గోపిచంద్ మార్కెట్ తగ్గింది. దీనితో ఆ అమౌంట్ మంచిదే అంటున్నారు సినిమా జనాలు. విలన్ గా గోపిచంద్ చేస్తే మాత్రం కచ్చితంగా మంచి రోల్స్ వచ్చే ఛాన్స్ ఉంది. మన తెలుగులో ఒకప్పటి మాదిరి విలన్ రోల్స్ చేసే నటులు కనపడటం లేదు. విలన్ పాత్రలకు మంచి ఫాలోయింగ్ ఉంటుంది… వెయిట్ ఉంటుంది. అందుకే గోపిచంద్ విలన్ గా చేస్తే కచ్చితంగా సక్సెస్ అవుతాడని ఫ్యాన్స్ కూడా అంటున్నారు.