గోపిచంద్ విలన్ రోల్ ఫైనల్…? ట్విస్ట్ తో మైండ్ బ్లాక్

టాలీవుడ్ లో సీనియర్ హీరో గోపిచంద్ ను విలన్ గా చూడటానికే ఫ్యాన్స్ ఇష్టపడుతూ ఉంటారు. అందుకే ఆయన హీరోగా చేసిన సినిమాలు పెద్దగా ఆకట్టుకోవడం లేదు. ఎప్పుడో ఒక సినిమా హిట్ అవుతున్నా… ఫ్లాప్ రేషియోనే ఎక్కువగా ఉంది. అందుకే గోపి ని సినిమాల్లో విలన్ గా చేయాలని ఫ్యాన్స్ కోరుతూ ఉంటారు. ఇటీవల వచ్చిన విశ్వం సినిమా అంతగా ఆకట్టుకోలేదు. అలా అని సినిమా ఫ్లాప్ కూడా కాదు. ఇక ఇప్పుడు విలన్ గా ట్రై చేస్తున్నాడు అని టాక్ వస్తోంది. సినిమా కూడా ఫైనల్ అయినట్టు రూమర్స్ షికారు చేస్తున్నాయి.

గోపిచంద్ లో కాస్త నెగటివ్ యాంగిల్స్ ఎక్కువగా ఉంటాయని ఫ్యాన్స్ కూడా అంటూ ఉంటారు. అందుకే ఇక హీరోగా వద్దని విలన్ గా కెరీర్ లో ముందుకు వెళ్ళాలి అని భావిస్తున్నాడు. జగపతి బాబు వంటి సీనియర్ హీరో కూడా విలన్ గానే సెకండ్ ఇన్నింగ్స్ లో సక్సెస్ అయ్యారు. అందుకే ఇప్పుడు గోపీచంద్ కూడా విలన్ రోల్స్ కోసం ట్రై చేస్తున్నాడు. అయితే ట్రై చేయకుండానే సినిమా ఫైనల్ అయినట్టు టాక్. అసలు ఆ సినిమా ఏంటీ అని తెలిస్తే ట్విస్ట్ కే ఫ్యాన్స్ కు మైండ్ బ్లాక్ అవుతుంది. ఎస్ ఐకాన్ స్టార్ సినిమాలో విలన్ రోల్ చేస్తున్నాడు గోపిచంద్.

ఈ మేరకు సోషల్ మీడియాలో కొన్ని పోస్టర్స్ కూడా వైరల్ అవుతున్నాయి. పుష్ప 2 తర్వాత మాటల మాంత్రికుడు త్రివిక్రమ్ శ్రీనివాస్ తో బన్నీ సినిమా చేస్తున్నాడు. ఈ సినిమాను జనవరిలో గ్రాండ్ గా లాంచ్ చేస్తారు. ఆ సినిమాలో విలన్ గా ముందు కన్నడ హీరోని అనుకున్నా కాదని… గోపిచంద్ ను ఫైనల్ చేసాడు త్రివిక్రమ్. దీనికి సంబంధించి త్వరలోనే అఫీషియల్ న్యూస్ కూడా రిలీజ్ చేయనున్నారు. గోపిచంద్ కు కూడా ఆ రోల్ చాలా నచ్చిందని టాక్. ఈ సినిమాలో గోపి రోల్ హీరోతో సమానంగా ఉంటుంది అంటున్నారు.

వెయిట్ ఎక్కడా తగ్గకుండా ప్లాన్ చేసినట్టు టాక్. మళ్ళీ విలన్ గా గోపి కెరీర్ లో బిజీ అవుతాడా లేదా అనేది చూడాలి. ఇదిలా ఉంటే పుష్ప 2 సినిమాను డిసెంబర్ 5 న విడుదల చేయనున్నారు మేకర్స్. ఇప్పటికే దాదాపుగా షూట్ ఫినిష్ అయినా ఐటెం సాంగ్ కారణంగా కాస్త వాయిదా పడుతోంది. ఆ పాటకు గానూ శ్రద్దా కపూర్ ను ఫైనల్ చేసారు. ఇక త్వరలోనే సినిమా గురించి బిగ్ అప్డేట్ ఉండే ఛాన్స్ ఉంది.