కిస్సిక్ సాంగ్ రివ్యూ: సుక్కు దెబ్బలు పడతాయి రాజా

క్రేజీ డైరెక్టర్ సుకుమార్ సినిమాలు అంటే ఐటెం సాంగ్ బాగా ఫేమస్. సినిమాల కోసం ఆడియన్స్ ఎంత ఎదురు చూస్తారో… సాంగ్స్ కోసం కూడా అంతే ఎదురు చూస్తూ ఉంటారు. ఐటెం సాంగ్స్ తో ఓ రేంజ్ ట్రెండ్ సెట్ చేసాడు సుక్కు. పుష్ప పార్ట్ 1 లో ఊ అంటావా మావా ఊఊ అంటావా మావా అనే సాంగ్ ఇండియాను ఊపింది. ఓ సౌత్ సాంగ్ ఆ రేంజ్ లో ఫేమస్ కావడం అదే. ఇప్పుడు పుష్ప 2 తో ఏ సాంగ్ ను తీసుకోస్తాడా అని ఫ్యాన్స్ పిచ్చ పిచ్చగా ఎదురు చూసారు. సినిమా షూట్ లో ఐటెం సాంగ్ మాత్రమే పెండింగ్ ఉందనే న్యూస్ వచ్చింది.

ఓ వైపు సినిమా రిలీజ్ దగ్గర పడుతోంటే… సాంగ్ గురించి క్లారిటీ రాలేదు. కాని సుక్కు మాత్రం ఫ్యాన్స్ కు ఫుల్ జోష్ ఇచ్చాడు. యంగ్ బ్యూటి శ్రీలీలతో ఐటెం సాంగ్ ప్లాన్ చేసాడు. శ్రద్దా కపూర్ అని ఎదురు చూసినా… శ్రీలీలతో సాంగ్ కంప్లీట్ చేసేసాడు. ఇక చెన్నైలో నిర్వహించిన భారీ ఈవెంట్ లో ఈ సాంగ్ ను రిలీజ్ చేసారు మేకర్స్. మరి ఈ సాంగ్ ఎలా ఉంది…? లిరిక్స్ ఊ అంటావా మావాను మించి ఉందా…? అంటే సాంగ్ విని ఇది జస్ట్ ఫైర్… ఊ అంటావా మాత్రం వైల్డ్ ఫైర్ అని తేల్చేసారు. ఆ రేంజ్ లో ఈ సాంగ్ లేదని క్లారిటీ ఇచ్చారు.

సాంగ్ చూస్తే… లిరిక్స్ అంత గొప్పగా ఏం లేకపోయినా బ్యాక్ గ్రౌండ్ స్కోర్ మాత్రం దుమ్ము రేపింది. ఓ పార్టీలో ఫొటోస్ తీస్తూ ఉండే సందర్భాన్ని సాంగ్ గా ప్లాన్ చేసారు. ఫోటో క్యాప్చర్ చేసే టైం లో… కిస్సిక్ అనే వచ్చే సౌండ్ ను బేస్ చేసుకుని రాసిన సాంగ్ ఇది. ఊ అంటావా లిరిక్స్ తో పోలిస్తే ఈ సాంగ్ లిరిక్స్ ఓకే ఓకే… స్టెప్స్ ఎలా ఉన్నాయో సినిమా వరకు ఎదురు చూడాల్సిందే. లాస్ట్ సండే ట్రైలర్ లాంచ్ తో ఇండియాను షేక్ చేసిన పుష్ప… ఇప్పుడు ఈ సాంగ్ తో ఫ్యాన్స్ ను కాస్త నిరాశపరిచిందనే చెప్పాలి.

ఊ అంటావా సాంగ్ కు హస్కీ వాయిస్ హైప్ తెచ్చింది. ఈ సాంగ్ లో అదే మిస్ అయింది. లిరికల్ సాంగ్ లో లిరిక్స్ దమ్ము లేదని కామెంట్స్ వస్తున్నాయి. మరి సాంగ్ స్టెప్స్ తో అయినా ఫేమస్ అవుతుందా అనేది చూడాలి. ఇక డిసెంబర్ 5న సినిమా వరల్డ్ వైడ్ గా రిలీజ్ కానుంది. ఈవెంట్స్ ను కూడా భారీగా ప్లాన్ చేస్తోంది పుష్ప టీం. ఈ వారం పది రోజులు… ఏదోక అప్డేట్ ఇస్తూ సినిమాకు హైప్ తీసుకొచ్చే ప్లాన్ చేస్తున్నారు. త్వరలోనే మరో మేసివ్ అప్డేట్ కూడా వచ్చే ఛాన్స్ ఉందని టాక్.