Krithi Shetty: బేబమ్మ లక్ మారబోతుందా..? కృతి శెట్టి ఆశలన్నీ వంద కోట్ల సినిమాపైనే

Krithi Shetty: ఉప్పెన సినిమాతో టాలీవుడ్‌లోకి ఎంట్రీ ఇచ్చింది కృతి శెట్టి. ఆ సినిమాలో బేబమ్మ క్యారెక్టర్‌లో అద్భుతంగా నటించి పాత్ర పేరునే తన పేరుగా మార్చుకుంది. మరీ ముఖ్యంగా యూత్‌లో పిచ్చ క్రేజ్ తెచ్చుకుంది. నిజానికి ఈ సినిమా అంత పెద్ద హిట్టవ్వడానికి ఒక విధంగా కృతినే కారణం. అయితే, ఈ యంగ్ బ్యూటీకి గత కొంతకాలం నుంచి టైం బాగోలేనట్లుంది. చేసిన సినిమాలన్నీ వరుస ఫ్లాపులుగా నిలుస్తున్నాయి. దీంతో కెరీర్‌ను గాడిలో పెట్టుకునేందుకు తెగ కష్టపడుతుంది.

Dunki VS Salaar: నార్త్ ఇండియాలో సలార్‌కు డంకీతో చుక్కలేనా..?

కృతి శెట్టి కెరీర్ క్లోజ్ అయిందనుకున్న టైంలో ఊహించని విధంగా రూ.100 కోట్ల ప్రాజెక్ట్ పట్టేసి హాట్ టాపిక్‌గా మారింది. కోలీవుడ్ స్టార్ హీరో జయం రవితో కృతి శెట్టి జతకట్టబోతుంది. ఇటీవ‌ల `పొన్నియిన్ సెల్వన్ 2`తో జయం రవి బిగ్గెస్ట్ బ్లాక్ బ‌స్టర్ అందుకున్నారు. త‌న 32వ చిత్రాన్ని అతిపెద్ద తమిళ బ్యానర్ వేల్స్ ప్రొడక్షన్‌లో చేయ‌బోతున్నాడు. భువనేష్ అర్జునన్ దర్శకత్వంలో ‘జీనీ’ పేరుతో ఈ సినిమా రూపొందనుంది. దాదాపు వంద కోట్ల బ‌డ్జెట్‌తో ఈ సినిమా నిర్మించ‌బోతున్నారు. అయితే ఈ చిత్రంలో కృతి శెట్టి హీరోయిన్‌గా ఫిక్స్ అయింది.

జీనీ సినిమాలో ముగ్గురు ముద్దుగుమ్మలు హీరోయిన్స్‌‌గా కనిపించబోతున్నారు. కళ్యాణి ప్రియదర్శన్‌, వామికతో పాటు ఈ సినిమాలో కృతి శెట్టి కూడా కనిపించబోతుంది. ఆమెకు ఈ సినిమా అయినా బూస్ట్ ఇచ్చి ఆఫర్లు తెచ్చి పెడుతుందా.. లేదా అనేది చూడాలి.