కృష్ణుడిగా మహేష్, మేనల్లుడి కోసం రిస్క్

టాలీవుడ్ స్టార్ హీరోలు ఈ మధ్య కాలంలో కొన్ని రోల్స్ చేయాలంటే తమ స్టార్ ఇమేజ్ కు ఎక్కడ ఇబ్బంది వస్తుందో అని ఒకటికి పది సార్లు ఆలోచించే పరిస్థితి. ముఖ్యంగా పౌరాణిక పాత్రల విషయంలో స్టార్ హీరోల్లో భయం టన్నుల్లో ఉంది. ఒకప్పుడు ఆ పాత్రల కోసం హీరోలు వెంటపడే వారు. అలాంటి కథలు కావాలని దర్శకులపై ఒత్తిడి చేసిన సందర్భాలు ఉన్నాయి. అందుకే రాముడు, కృష్ణుడు, యముడు అనే పాత్రలకు హీరోలు ఎక్కువగా గుర్తొస్తూ ఉంటారు. ఇప్పటి హీరోలు అసలు ఆ పాత్రలు చేయడానికి ముందుకు రావడం లేదు.

కమర్షియల్ సినిమాల కోసం హీరోలు ఎదురు చూడటం, దర్శకులు కూడా ఎలివేషన్ సన్నివేశాలతో సీన్స్ రాసుకుని డైరెక్ట్ చేయడం వంటివి జరిగాయి. రాజమౌళి లాంటి డైరెక్టర్ కూడా మహా భారతం చేయాలి అనుకుని ఆలోచించిన సందర్భాలు ఉన్నాయి. అయితే టాలీవుడ్ స్టార్ హీరో సూపర్ స్టార్ మహేష్ బాబు మాత్రం కృష్ణుడి పాత్రలో నటించడానికి ముందుకు వచ్చాడు. టాలీవుడ్ లో మాస్ లేదంటే క్లాస్ సినిమాలు మాత్రమే చేసి ఏ మాత్రం రిస్క్ చేయని హీరో మహేష్ బాబు అనే ఒపీనియన్ జనాల్లో ఉంది.

అలాంటి హీరో ఇప్పుడు తన మేనల్లుడి కోసం రిస్క్ చేయడానికి ముందడుగు వేస్తున్నాడు. మహేష్ బాబు మేనల్లుడు అశోక్ గల్లా.. ప్రస్తుతం ‘దేవకి నందన వాసుదేవ’ అనే సినిమాలో నటిస్తున్నాడు. ఈ సినిమాలో కామియో రోల్ లో మహేష్ బాబు నటించే ఛాన్స్ ఉందని టాలీవుడ్ సర్కిల్స్ లో ఓ గాసిప్ చక్కర్లు కొడుతోంది. 100 పర్సంట్ మహేష్ బాబు ఆ రోల్ చేస్తే మాత్రం కచ్చితంగా ఈ సినిమాకు హైప్ ఓ రేంజ్ లో క్రియేట్ అవుతోంది. మహేష్ ను ఇప్పటి వరకు ఫ్యాన్స్ అసలు అలా చూడలేదు. కాని ఇది చేస్తే హిస్టరీ క్రియేట్ చేసినట్టే.

దీనికి సంబంధించిన ఒక ఫోటో కూడా సోషల్ మీడియాలో వైరల్ అవుతోంది. ఇక మహేష్ బాబు ప్రస్తుతం రాజమౌళి డైరెక్షన్ లో ఒక సినిమా చేస్తున్నాడు. ఈ సినిమా రెండేళ్ళలో ప్రేక్షకుల ముందుకు రానుందని టాక్. రెండు పార్ట్ లుగా వచ్చే ఈ సినిమా షూటింగ్ జనవరిలో సంక్రాంతి తర్వాత స్టార్ట్ అయ్యే ఛాన్స్ కనపడుతోంది. మహేష్ బాబు ఈ సినిమా కోసం జుట్టు కూడా భారీగా పెంచాడు. అలాగే హాలీవుడ్ విలన్ లు ఈ సినిమాలో చేసే ఛాన్స్ ఉందనే వార్త ఒకటి షికారు చేస్తోంది.