Spl story రోజుకో లుక్కు ….. వారానికో విగ్గు

మహేశ్‌బాబు లుక్ నిన్న వున్నట్టు ఈరోజు వుండడం లేదు. ఇవాళ కనిపించినట్టు రేపు కనిపిస్తాడా? అంటే డౌటే. అంతే కాదు ఒరిజినల్ గా బాల్డ్ హెడ్ అవడం వల్ల ఎలాంటి విగ్గు కావాలంటే అలాంటి విగ్గు తగిలించేస్తున్నాడు మహేష్.రాజమౌళి కావాలనే.. ప్రిన్స్‌ గెటప్‌తో ఆడుకుంటున్నాడా? మహేశ్‌ లుక్‌ జక్కన్నకు ఒక్క పట్టాన నచ్చడం లేదా? అందుకే మహేశ్‌ గడ్డాన్ని ట్రిమ్‌ చేయించేశాడా? హెయిర్ ని పెంచి ట్రయిల్ కొడుతున్నాడా అని టాలీ వుడ్ లో డిస్కషన్ నడుస్తుంది. రాజమౌళి సినిమా కోసం మహేశ్‌ పూర్తిగా మారిపోతున్నాడు. ఏదో చిన్న చిన్న ఛేంజెస్‌ కాకుండా.. భారీగా మార్చేస్తున్నాడు జక్కన్న. గుంటూరుకారం రిలీజ్ తర్వాత మహేశ్‌ను హ్యాండోవర్‌ చేసుకున్న రాజమౌళి తన హీరోను మేకోవర్‌ చేసే పనిలో వున్నాడు.

మహేశ్‌బాబు ఆమధ్య తెలంగాణ ముఖ్యమంత్రి రేవంత్‌రెడ్డిని కలిసి.. వరద బాధితుల సహాయార్థం ప్రకటించిన రూ.50 లక్షల చెక్కును అందజేశారు. దీనికి సంబంధించిన ఫొటోలు, వీడియో నెట్టింట వైరల్‌గా మారాయి. పొడవాటి జుత్తు, గడ్డంతో మహేశ్‌ న్యూలుక్‌ షాక్‌ ఇచ్చింది. రాజమౌళి భారీ మార్పులుచేసి మహేశ్‌ను మార్చేశాడంటూ కామెంట్స్‌ చేశారు నెటిజన్లు. రాజమౌళి, మహేశ్‌ మూవీ ఎప్పుడు మొదలవుతుందో తెలీకపోయినా.. సూపర్‌స్టార్‌ను తన కథకు తగ్గ హీరో లా మౌల్డ్‌ చేసేస్తున్నాడు దర్శక ధీరుడు.మహేశ్‌ లుక్ టాక్‌ ఆఫ్‌ ది ఇండస్ట్రీగా మారింది. చాలాకాలం తర్వాత లాంగ్‌ హెయిర్‌తో కనిపించాడు.

అతిథి… పోకిరి తర్వాత సర్కారువారిపాట కోసం లైట్‌గా లాంగ్‌ హెయిర్‌తో కనిపించిన మహేశ్‌.. రాజమౌళి మూవీ కోసం.. గతం లో ఎప్పుడూ లేని విధంగా లాంగ్‌ హెయిర్‌ అండ్‌ బియర్డ్‌తో కొత్తగా కనిపించాడు. అయితే ఇంతలోనే గడ్డం ట్రిమ్‌ చేసి కనిపించడం అందరికీ షాక్‌ ఇచ్చింది. కీరవాణి చిన్న కొడుకు మత్తువదలరా ఫేం శ్రీసింహా మురళీమోహన్‌ మనవరాలు రాగతో ఏడడుగులు వేస్తున్నాడు. రీసెంట్‌గా జరిగి ప్రీ వెడ్డింగ్‌ ఈవెంట్‌కు మహేశ్‌ హాజరుకాగా.. లుక్‌పై పెద్ద చర్చే జరుగుతోంది. నిన్నటివరకు గబురు గడ్డంతో కనిపించిన మహేశ్‌ ట్రిమ్‌ లుక్‌తో రావడం షాక్‌ ఇస్తోంది. గడ్డం లుక్ రాజమౌళికి నచ్చక మార్చేశాడా? మహేశ్‌ లుక్‌ ఇంకా ఫైనల్‌ కాలేదని.. ఈలోగా ప్రయోగాలు చేస్తున్నాడని తెలిసింది. గెటప్‌ ఫైనల్‌ అయ్యేలోపు.. మహేశ్‌లో ఇంకెన్ని వేరియేషన్స్‌ చూపిస్తాడో రాజమౌళి. డైరెక్టర్ కి పోయేదేముంది. మహేష్ ది క్లీన్ బాల్డ్ హెడ్ . దానిపై ఎన్ని ప్రయోగాలు అయినా చేయవచ్చు… ఎన్ని విగ్గులయినా పెట్ట వచ్చు అని ఇండస్ట్రీ లో కొందరు సెటైర్స్ వేస్తున్నారు.