రాసిపెట్టుకొండి, గేమ్ చేంజర్ బ్లాక్ బస్టర్ బొమ్మ… ఇదే ప్రూఫ్

మెగా ఫ్యాన్స్ పుష్ప 2 కంటే ఎక్కువ ఎదురు చూసే సినిమా… గేమ్ చేంజర్. ఈ సినిమా కోసం దాదాపు రెండేళ్ల నుంచి ఫ్యాన్స్ కళ్ళల్లో ఒత్తులు వేసుకుని ఎదురు చూస్తున్నారు. రంగస్థలం సినిమా తర్వాత రామ్ చరణ్ సోలోగా వస్తున్న సినిమా ఇదే కావడంతో ఫ్యాన్స్ వెయిటింగ్ పీక్స్ లో ఉంది. సినిమాపై అంచనాలు కూడా భారీగా ఉన్నాయి. తమిళ స్టార్ డైరెక్టర్ శంకర్ డైరెక్షన్ లో వస్తున్న ఈ సినిమా కోసం అటు తమిళ జనాలు కూడా ఎదురు చూస్తున్నారు. ఇప్పటికే టీజర్ లాంచ్ తో ప్రమోషన్స్ ను చాలా గ్రాండ్ గా స్టార్ట్ చేసాడు రామ్ చరణ్.

టీజర్ లాంచ్ కు నార్త్ లో మంచి రెస్పాన్స్ వచ్చింది. త్వరలోనే ట్రైలర్ కూడా రిలీజ్ అయ్యే ఛాన్స్ ఉంది. మరో సాంగ్ ను కూడా ఓ భారీ ఈవెంట్ తో గ్రాండ్ గా రిలీజ్ చేయాలని మేకర్స్ భావిస్తున్నారు. ఈ ఈవెంట్ ను ఎక్కడ నిర్వహిస్తారు ఆనేది క్లారిటీ రావడం లేదు. చెన్నైలో నిర్వహించే ఛాన్స్ ఉందనే వార్తలు వస్తున్నాయి. ఇక హైదరాబాద్ లో కూడా భారీ ఈవెంట్ ను మేకర్స్ ప్లాన్ చేస్తున్నట్టు వార్తలు వస్తున్నాయి. దాదాపుగా సినిమా షూటింగ్ ఫైనల్ స్టేజ్ లో ఉంది. ఓ సాంగ్ ను కూడా షూట్ చేయాల్సి ఉంది.

ఎస్జే సూర్యతో ఓ చేజింగ్ సీన్ ను షూట్ చేయడానికి ప్లాన్ చేసారు. కాకినాడ లేదా వైజాగ్ లో ఈ సీన్ ను షూట్ చేసే ఛాన్స్ ఉందని వార్తలు వస్తున్నాయి. ఇది ఇలా ఉంచితే… ఇప్పుడు మెగా ఫ్యాన్స్ లో సినిమాపై ఓ కాన్ఫిడెన్స్ వచ్చింది. అదేంటి అంటే… 12 ఏళ్ళ క్రితం… అంటే మగధీర సినిమా రిలీజ్ టైం లో రామ్ చరణ్ కడప దర్గాను సందర్శించాడు. ఆ సినిమా రామ్ చరణ్ కెరీర్ లో బిగ్గెస్ట్ హిట్ అయింది. అప్పట్లోనే వంద కోట్లు వసూలు చేసి బాలీవుడ్ కు చాలెంజ్ చేసింది. ఆ సినిమా తర్వాతనే రామ్ చరణ్ కు స్టార్ ఇమేజ్ వచ్చింది.

ఇప్పుడు మళ్ళీ… గేమ్ చేంజర్ సినిమా రిలీజ్ కు ముందు రామ్ చరణ్ కడప వెళ్ళాడు. దీనితో ఫ్యాన్స్ ధీమాగా ఉన్నారు. సినిమా పక్కా హిట్ అంటూ… బాలీవుడ్ రికార్డులను బ్రేక్ చేస్తుందని ధీమాగా ఉన్నారు. ఇక సినిమాలో ఎవరూ ఊహించని ట్విస్ట్ కూడా ఉంటుందని టాక్. ఓ స్టార్ యాక్టర్ తో క్లైమాక్స్ ప్లాన్ చేసాడు అని అంటున్నాయి టాలీవుడ్ సర్కిల్స్. రామ్ చరణ్ కు ఈ సినిమా చాలా ఇంపార్టెంట్… సోలోగా పాన్ ఇండియా స్టార్ కావడానికి రామ్ చరణ్ కు ఇదే గుడ్ టైం అంటున్నారు ఆడియన్స్.