ఆర్ఆర్ఆర్ లో మిస్ అయిన యువ హీరో… షూట్ చేసి కూడా

ఇండియన్ సినిమా రేంజ్ ను పెంచడంలో రాజమౌళి లెజెండ్ అనే చెప్పాలి. మల్టీ స్టారర్ సినిమాలను హ్యాండిల్ చేయడంలో తాను దిట్ట అని ఆర్ఆర్ఆర్ సినిమాతో రాజమౌళి ప్రూవ్ చేసుకున్న సంగతి తెలిసిందే. అప్పటి వరకు స్టార్ మల్టీ స్టారర్ అంటే భయపడే పరిస్థితి. కాని మెగా, నందమూరి హీరోలను కలిపి చేసిన ఆర్ఆర్ఆర్ ఓ సెన్సేషన్. ఎవరి మనోభావాలు ఏ విధంగా హర్ట్ అయినా సినిమా మాత్రం ఆస్కార్ వరకు వెళ్ళింది. ఆస్కార్ అవార్డ్ కొట్టి తెలుగు సినిమా రేంజ్ ను పెంచింది అనడంలో ఏ సందేహం లేదు.

ఇక రాజమౌళి ప్రాజెక్ట్ లు అంటే స్టార్ హీరోలకు ఓ రకంగా భయం. సినిమా ఆఫర్ వస్తే వదలకూడదు… అలా అని పట్టుకుంటే 5 ఏళ్ళు ఇక సినిమా కోసం కిల్ చేసేయడమే అనే భయం మన హీరోల్లో ఉంటుంది. ప్రభాస్ అయితే బాహుబలి కోసం దాదాపు 5 ఏళ్ళ పాటు కష్టపడిన పరిస్థితి. ఇక పార్ట్ 2 విషయంలో రెండేళ్ళకు పైగానే కష్టపడ్డాడు కూడా. సినిమా బ్లాక్ బస్టర్ కాబట్టి ఫ్యాన్స్ సైలెంట్ అంతే. ఇక రాజమౌళి ఇప్పుడు మహేష్ బాబు సినిమా చేస్తున్నాడు. ఈ సినిమా కూడా మల్టీ స్టారర్ అనే టాక్ వస్తుంది.

ఆర్ఆర్ఆర్ విషయంలో మల్టీ స్టారర్ ను హ్యాండిల్ చేయడంలో తాను ఏంటీ అనేది పక్కా లెక్కతో ప్రూవ్ చేసిన జక్కన్నపై నమ్మకంతో మహేష్… మల్టీ స్టారర్ కు గ్రీన్ సిగ్నల్ ఇచ్చినట్టు ప్రచారం కూడా జరుగుతోంది. ఇదిలా ఉంటే… ఆర్ఆర్ఆర్ లో మరో హీరో మిస్ అయ్యాడట. ఆ హీరోనే సత్యదేవ్… ఈ విషయాన్ని సత్యదేవ్ స్వయంగా బయటపెట్టాడు. ప్రస్తుతం సత్యదేవ్ మల్టీ సరార్ సినిమా చేస్తున్నాడు. సత్యదేవ్, కన్నడ స్టార్ డాలీ ధనంజయ కాంబినేషన్‌లో రూపుదిద్దుకుంటోన్న మోస్ట్ ఎవైటెడ్ మల్టీ-స్టారర్ చిత్రం ‘జీబ్రా’.

ఈ సినిమా ప్రమోషన్స్ లో సత్యదేవ్ కీలక వ్యాఖ్యలు చేసాడు. ఆర్‌ఆర్‌ఆర్’ సినిమాలో నేను యాక్ట్ చేశాను అని తెలిపాడు సత్యదేవ్. 16 రోజులు షూటింగ్ లో కూడా పాల్గొన్నాను అని సంచలన విషయం చెప్పాడు. అయితే ఆ సన్నివేశాలు సినిమాలో ఫిట్ కాకపోవడంతో తీసేశారని వెల్లడించాడు. సినిమా టీమ్ పై ఉన్న గౌరవంతో ఇన్ని రోజులు ఈ విషయం బయట చెప్పలేదని పేర్కొన్నాడు. ప్రస్తుతం సత్యదేవ్ జిబ్రా సినిమా ప్రమోషన్స్ తో బిజీగా ఉన్నాడు. ఆర్ఆర్ఆర్ సినిమాలో ఈ హీరో ఉంటే బాగుండేది అంటున్నారు ఫ్యాన్స్.