పుష్ప 2లో నా మొగుడు విశ్వరూపం చూపిస్తాడు, భన్వర్ సింగ్ షెకావత్ వైఫ్

ఇండియన్ సినిమాలో ఏ మూవీకి లేని క్రేజ్ పుష్ప 2 కు క్రియేట్ అయింది. ఇండియా వైడ్ గా మూవీ ఫ్యాన్స్ ఈ సినిమా కోసం ఓ రేంజ్ లో ఎదురు చూస్తున్నారు. చిన్న అప్డేట్ వచ్చినా ఫ్యాన్స్ తో పాటు ఆడియన్స్ కూడా ఊగిపోతున్నారు. సినిమాపై ఉన్న అంచనాలు ఏ రేంజ్ లో ఉన్నాయో నార్త్ లో జరిగిన ఈవెంట్ క్లారిటీ ఇచ్చేసింది. బీహార్ లాంటి స్టేట్ లో సౌత్ హీరోకు వచ్చిన జనం చూసి బాలీవుడ్ కూడా షాక్ అయింది. సినిమా కోసం అక్కడి జనాలు కూడా పిచ్చి పిచ్చిగా ఎదురు చూస్తున్నారు అనడానికి ఇదే క్లారిటీ.

ఇక ఈ సినిమాలో కొందరి రోల్స్ ఎలా ఉంటాయో అని ఆడియన్స్ కు హార్ట్ బీట్ పెరిగిపోతుంది. ముఖ్యంగా విలన్ రోల్ చేస్తున్న ఫాహాద్ ఫాజిల్ గురించి బాలీవుడ్ సర్కిల్స్ కూడా వెయిట్ చేస్తున్నాయి. తన రోల్ ఎలా ఉన్నా ఈ మలయాళం హీరో… దుమ్ము రేపుతాడు. అందుకే అతనికి ఇచ్చే రోల్స్ అన్నీ కూడా వెయిట్ ఉన్నవే ఇస్తూ ఉంటారు డైరెక్టర్స్. పుష్ప పార్ట్ 1 లో అతను కనపడిన పది నిమిషాలే సినిమాకు హైలెట్ అయింది. క్లైమాక్స్ జనాలకు ఆ రేంజ్ లో నచ్చింది అంటే ఫాహాద్ కారణం అంటారు ఆడియన్స్. ఇప్పటికీ సినిమా చూసే వాళ్ళు క్లైమాక్స్ ఎక్కువగా చూస్తూ ఉంటారు.

ఇక పార్ట్ 2 లో అతని రోల్ హైలెట్ కానుంది. పుష్ప వర్సెస్ భన్వర్ సింగ్ షెకావత్ వార్ కోసం ఫ్యాన్స్ పిచ్చ పిచ్చగా ఎదురు చూస్తున్నారు. ఈ టైం లో ఫాహద్ వైఫ్, మలయాళం హీరోయిన్ నజరియా నజీం కీలక వ్యాఖ్యలు చేసింది. ఒక అభిమానిగా… తనకు చాలా నమ్మకం ఉందని… తన భర్త… ఏ పాత్ర చేసినా ఆడియన్స్ ను మైమరిపిస్తాడు అంటూ కామెంట్స్ చేసింది. అలాగే ఫాహద్ కు పుష్ప 2 లో ఎక్కువ వెయిట్ ఉంటుందని, స్క్రీన్ టైం కూడా ఎక్కువగా ఇచ్చారని చ్చేప్పింది. పార్ట్ 1 లో అతని రోల్ చాలా తక్కువ అయినా వెయిట్ ఉందని చెప్తూ ఆసక్తికర కామెంట్స్ చేసింది.

ఇది కచ్చితంగా ఫాఫా షో అంటూ కాన్పిడెంట్ గా చెప్పింది ఈ అమ్మడు. పార్ట్ 1 లో అతన్ని కేవలం పరిచయం మాత్రమె చేసారు అని… పార్ట్ 2 లో మాత్రం అసలు తన విశ్వరూపం ఏంటో జనాలకు చూపిస్తాడని, అతని వైలెన్స్ ను ఫ్యాన్స్ కు, ఆడియన్స్ కు అర్ధమవుతుందని చెప్పుకొచ్చింది. కాగా ఈ సినిమా డిసెంబర్ 5న విడుదల కానుంది. ఓవర్సీస్ లో నాలుగునే విడుదల కానున్న ఈ సినిమాకు ఇప్పటికే ప్రీ బుకింగ్ కూడా స్టార్ట్ అయింది.