PAWAN KALYAN: పవర్ స్టార్ ఫ్యాన్స్‌కు పూనకాలే.. ‘ఓజీ’లో సరికొత్తగా పవన్..!

PAWAN KALYAN: పవన్ కళ్యాణ్ ఫ్యాన్స్ ‘ఓజీ’ మత్తులో మునిగిపోయారు. ఈ మూవీ అనౌన్స్‌మెంట్ దగ్గర నుంచే ఎక్కడలేని బజ్ నెలకొంది. మరీ ముఖ్యంగా ప్రి లుక్ పోస్టర్‌కు వచ్చిన రెస్పాన్స్ అంతా ఇంతా కాదు. ఒక్క ప్రి లుక్‌ పోస్టర్‌తోనే భారీ అంచనాలు క్రియేట్ చేసిన ఘనత సుజీత్‌కే దక్కింది. పవన్‌ లైనప్‌లో ఎన్ని సినిమాలున్నా.. అభిమానులు మాత్రం కాస్త ఎక్కువ ఎక్స్‌పెక్టేషన్స్‌ పెట్టుకుంది ఓజీ సినిమాపైనే. అర్థం చేసుకోలేక ఫ్లాప్‌ చేశామే కానీ.. సాహో సినిమా రేంజ్‌ వేరన్నది ఎందరో అన్న మాటలు.

Rangasthalam: మెగా పవర్ స్టార్ ర్యాంపేజ్.. 6 ఏళ్లు పూర్తి చేసుకున్న ‘రంగస్థలం’

అలాంటి సుజీత్‌ నుంచి ఐదేళ్ల తర్వాత సినిమా, అది కూడా పవన్‌ కళ్యాణ్‌తో అంటే అంచనాలు ఖచ్చితంగా తారా స్థాయిలోనే ఉంటాయి. దానికి తోడు ఆ మధ్య రిలీజ్ చేసిన గ్లింప్స్ టాలీవుడ్ సహా అన్ని వుడ్‌లను ఊపేసింది. బాగా ఆకలితో ఉన్న వాళ్లకు బిర్యానీ ప్యాకెట్ దొరికితే వాళ్ల సంతోషం ఏలా ఉంటుందో.. ఇప్పుడు పవన్ ఫ్యాన్స్ అంతకంటే ఎక్కువే ఆనందంతో ఉన్నారు. ఇన్నాళ్లు రీమేక్ సినిమాలతో చచ్చుబడిపోయిన నాలుకకు, ఓజీ అంటూ అసలైన ఘాటును అంటించాడు సుజీత్. ఇక రీసెంట్ గా రిలీజైన ఇమ్రాన్ హష్మీ ఫస్ట్ లుక్ పోస్టర్ కూడా ఆడియెన్స్ లో ఎక్కడలేని ఎక్స్‌పెక్టేషన్స్ క్రియేట్ చేసింది. ఈ సినిమాలో పవన్ కళ్యాణ్ గ్యాంగ్ స్టర్ రోల్ చేస్తున్న విషయం ముందు నుంచి లీకైనదే. అప్పుడెప్పుడో పుష్కర కాలం ముందు ‘పంజా’ సినిమాలో అటు ఇటుగా కొంచెం గ్యాంగ్‌స్టర్‌ షేడ్స్‌ ఉన్న పాత్రలో కనిపించాడు. మళ్లీ ఇనేళ్ల తర్వాత గ్యాంగ్‌స్టర్‌ పాత్ర చేస్తుండటంతో సినిమాపై ఎక్కడలేని హైప్‌ క్రియేట్‌ అయింది. కాగా ఒక్క గ్యాంగ్‌స్టర్‌గానే కాకుండా పవన్ ఈ సినిమాలో 3 విభిన్న క్యారెక్టరైజేషన్ లలో కనిపించనున్నాడట.

అదేంటంటే.. ఈ సినిమాలో పవన్ బ్రూటల్ గ్యాంగ్‌స్టర్‌గా, లీడర్‌గా, మార్షల్ ఆర్ట్స్ ట్రైనర్‌గా ఇలా మూడు విభిన్న రోల్స్ లో కనిపించనునున్నాడట. ఇందులో నిజమెతుందో తెలియదు కానీ.. ఈ న్యూస్ విని పవన్ ఫ్యాన్స్ సంతోషం అంతా ఇంతా కాదు. యాక్షన్‌ థ్రిల్లర్‌ నేపథ్యంలో తెరకెక్కుతున్న ఈ సినిమాలో పవన్ కళ్యాణ్ ఓజాస్ గంభీరా అనే పవర్ ఫుల్ క్యారెక్టర్ చేస్తున్నాడు. ‘ఆర్‌ఆర్‌ఆర్‌’ వంటి ఇండస్ట్రీ హిట్‌ను నిర్మించిన దానయ్య ఈ సినిమాకు ప్రొడ్యూసర్‌గా వ్యవహరిస్తున్నాడు. సెప్టెంబర్ 27న ఈ సినిమాను రిలీజ్ చేయాలని మేకర్స్ విశ్వ ప్రయత్నాలు చేస్తున్నారు. ప్రియాంక అరుళ్ మోహన్ హీరోయిన్ గా నటిస్తున్న ఈ సినిమాలో సలార్ బ్యూటీ శ్రియా రెడ్డితో పాటు.. అర్జున్ దాస్ కీలక పాత్రలు పోషిస్తున్నారు.