Pawan Kalyan: హైదరాబాద్‌లో ఓజీ టీం.. యమ స్పీడ్‌ మీదున్న పవర్‌ స్టార్‌..

ఇక నుంచి సెకండ్‌ షెడ్యూల్‌ షూటింగ్‌ హైదరాబాద్‌లో రెగ్యులర్‌గా జరగనుంది. ఈ షెడ్యూల్‌లో పవన్‌ కళ్యాణ్‌కు సినిమాలో కీలక పాత్రలకు మధ్య ఇంపార్టెట్‌ సీన్స్‌ షూట్‌ చేయబోతున్నారట. మొత్తం షూటింగ్‌లో ఇదే చాలా ఇంపార్టెట్‌ షెడ్యూల్‌ అని టాక్‌. ఒరిజినల్‌ గ్యాంగ్‌స్టర్‌ పేరుతో వస్తున్న ఈ సినిమాలో పవన్‌ కళ్యాణ్‌ గ్యాంగ్‌స్టర్‌గా కనిపించబోతున్నాడు. నార్మల్‌గానే పవర్‌స్టార్‌ స్క్రీన్‌ మీద కనిపిస్తే ఫ్యాన్స్‌ అంతా పూనకాలు వచ్చినట్టు చేస్తారు. ఇక ఆయన గ్యాంగ్‌స్టర్‌ రోల్‌లో కనిపిస్తే టాప్‌ లేచిపోవాల్సిందే.

ఇప్పటికే పంజా సినిమాలో ఓసారి పవన్‌ కళ్యాణ్‌ మాఫియా డాన్‌గా కనిపించాడు. బాలు సినిమాలో కూడా అదే రోల్‌ చేశాడు పవన్‌. రెండు సినిమాలు ఫ్లాప్‌ఐనా ఇటు పంజా లుక్‌కు, అటు గని రోల్‌కు ఫ్యాన్స్‌ ఫిదా అయ్యారు. ఇప్పుడు ఈ రెండు సినిమాల తరువాత మరోసారి మాఫియా బ్యాక్‌డ్రాప్‌లో సినిమా తీయబోతున్నాడు పవన్‌. ఇప్పటికే ఈ సినిమా నుంచి వచ్చిన ఫస్ట్‌లుక్‌కు ఫ్యాన్స్‌ నుంచి మంచి రెస్పాన్స్‌ వచ్చింది. రీసెంట్‌గా రిలీజ్‌ చేసిన ఫొటోలో పవన్‌ కల్యాణ్‌ మార్షల్‌ ఆర్ట్స్‌ డ్రెస్‌లో కనిపించాడు.

సరిగ్గా పదేళ్ల ముందు ఖుషీ సినిమాలో కూడా పవన్‌ ఎంట్రీ ఇదే గెటప్‌లో ఉంటుంది. ఇప్పుడు కూడా అదే గెటప్‌లో ఎంట్రీ ఇచ్చి ఫ్యాన్స్‌కు ఖుషీ రోజులను గుర్తు చేశాడు పవన్‌ కళ్యాణ్‌. డీవీవీ దానయ్య నిర్మాతగా వస్తున్న ఈ సినిమాలో పవన్‌ పక్కన ప్రియాంక అరుల్‌ మోహన్‌ హీరోయిన్‌గా నటిస్తోంది. ఫ్యాన్స్‌కు మరోసారి ఐఫీస్ట్‌ చేయబోతున్న ఓజీ సినిమా నుంచి నెక్స్ట్‌ అప్‌డేట్‌ ఏం వస్తుందో చూడాలి.