ముసలి హీరోయిన్ తో రెబల్ స్టార్ స్టెప్పులు… మినిమం ఉంటది

ఓవరాల్ గా పాన్ ఇండియా మూవీస్ గురించి మాట్లాడితే రెబల్ స్టార్ ప్రభాస్ సినిమాలకు ఓ రేంజ్ లో క్రేజ్ ఉంటుంది. బాహుబలి తర్వాత ప్రభాస్ రేంజ్ ఎంత పెరిగింది అనేది పక్కన పెడితే కల్కీ సినిమా తర్వాత ప్రభాస్ ఎవరికి అందని ఎత్తులో నిలబడ్డాడు అనేది వాస్తవం. బాలీవుడ్ కు టార్గెట్ ఫిక్స్ చేసి హాలీవుడ్ కు ఎయిమ్ చేసాడు. అందుకే ఇప్పుడు ప్రభాస్ తో సినిమా కోసం డైరెక్టర్ ల కంటే నిర్మాతలు ఎక్కువ పోటీ పడుతున్నారు. సినిమా బడ్జెట్ ఎంత అయినా పర్వాలేదు సినిమా చేద్దాం అంటూ ప్రభాస్ ను ఒప్పిస్తున్నారు.

అందుకే హోంబలే ప్రభాస్ ను మూడేళ్ళు లాక్ చేసింది… ఇప్పుడు ఏకంగా ఏడు సినిమాలకు ప్రభాస్ గ్రీన్ సిగ్నల్ ఇచ్చాడు. ది రాజాసాబ్, ఫౌజీ వచ్చే ఏడాది విడుదలకు సిద్దమవుతున్నాయి. ది రాజాసాబ్ విషయంలో ఫ్యాన్స్ కు హోప్స్ చాలా ఉన్నాయి. ప్రభాస్ ఇమేజ్ కు ఆ సినిమా ఎలా ఉంటుందనే భయం చాలా మందిలో ఉంది. ప్రభాస్ లుక్స్ చూసిన ఫ్యాన్స్ ఫిదా అయినా మారుతీ స్టోరీని ఎలా ప్లాన్ చేసాడు అనేది అర్ధం కాని పరిస్థితి. కల్కీ తర్వాత వచ్చే ఈ సినిమా మార్కెట్ పై ఇప్పటికే భారీ అంచనాలు ఉన్నాయి.

సినిమా రిలీజ్ కాకముందే… ఓటీటీ రైట్స్ ను కూడా హాట్ స్టార్ తీసుకునే ప్రయత్నం చేస్తుందని టాక్. హాలీవుడ్ సినిమాల కంటే ప్రభాస్ సినిమాలకు ఎక్కువగా ఖర్చు చేస్తున్నారు ఓటీటీలో. ఇప్పుడు రాజాసాబ్ కు కూడా అలాగే ఖర్చు చేస్తున్నట్టు టాక్. ఈ సినిమా షూట్ విషయానికి వస్తే దాదాపు 80 పర్సంట్ కంప్లీట్ అయినట్టు టాక్. త్వరలోనే టీజర్ రిలీజ్ కానుంది. ఈ టైం లో మ్యూజిక్ డైరెక్టర్ తమన్ సినిమాపై క్రేజీ న్యూస్ బయటపెట్టాడు. ది రాజా సాబ్‌’లో ఆరు పాటలుంటయని ఓ రీమేక్ సాంగ్ కూడా ఉంటుందని చెప్పాడు.

ప్రాపర్ కమర్షియల్ సినిమాకు ఉన్నట్టే సాంగ్స్ ఉంటాయన్న తమన్… జనవరి నుంచి పాటల అప్డేట్లు ఇవ్వాలని అనుకుంటున్నామన్నాడు. ఇక రీమేక్ సాంగ్ కోసం బాలీవుడ్ హీరోయిన్ మాధురి దీక్షిత్ ను తీసుకున్నట్టు టాక్. ప్రభాస్ సినిమాలోని సాంగ్ నే గ్రాండ్ గా రీమేక్ చేస్తున్నట్టు టాక్. ఇప్పటికే సాంగ్ రీ కంపోజ్ కూడా చేసారు. జనవరిలోనే దీనికి సంబంధించి అప్డేట్ రానుందని టాక్. వచ్చే వేసవిలో కచ్చితంగా రెబల్ స్టార్ ఫ్యాన్స్ కు మాత్రం పండుగ ఓ రేంజ్ లో వచ్చినట్టే.