ఖైదీ 2 క్లైమాక్స్ కు రెబల్ ప్లాన్… రోలెక్స్ అమ్మ మొగుడు

సౌత్ ఇండియా మూవీ డైరెక్టర్స్, ప్రొడ్యూసర్లకు ఇప్పుడు రెబల్ స్టార్ ప్రభాస్… కల్ప వృక్షం. రెబల్ స్టార్ తో సినిమా అంటే హిట్, ఫ్లాప్ తో సంబంధం లేదు. బాక్సాఫీస్ లో ఓ రేంజ్ జాతర పక్కా. ఇప్పుడు ఇదే ట్రెండ్ నడుస్తోంది. అందుకే ప్రభాస్ కు కథలు వినిపించడానికి మన సౌత్ డైరెక్టర్ లు పోటీ పడుతున్నారు. ప్రభాస్ ఇగో మీద బాలీవుడ్ దెబ్బ కొడితే ప్రభాస్ రేంజ్ ను పెంచేలా సౌత్ డైరెక్టర్ లు మూవీస్ ప్లాన్ చేస్తున్నారు. అలా ఉంటేనే ప్రభాస్ ఇప్పుడు సినిమాలు చేస్తున్నాడు. కల్కీ సినిమాతో ఈ విషయం క్లియర్ కట్ గా అర్ధమైంది.

ఇప్పుడు ఏకంగా ప్రభాస్ చేతిలో ఏడు సినిమాలు ఉన్నాయి. ఈ ఏడు సినిమాలతో మూడేళ్ళలో బాక్సాఫీస్ పై మినీ యుద్దమే చేయనున్నాడు ప్రభాస్. వచ్చే ఏడాది రెండు సినిమాలు, ఆ తర్వాత రెండు, 2027 లో మరో రెండు సినిమాలు రిలీజ్ చేయడానికి రెడీ అవుతున్నాడు. ఇక కర్ణాటక దిగ్గజ సినిమా నిర్మాణ సంస్థ హోంబలే ప్రభాస్ తో భారీ ఒప్పందం చేసుకుంది. ఇప్పటి వరకు ఏ ఇండియన్ హీరోతో ఏ నిర్మాణ సంస్థ ఆ రేంజ్ లో ఒప్పందం చేసుకోలేదు అనే చెప్పాలి. ఇక తమిళ డైరెక్టర్ లు ప్రభాస్ వెంటపడటం స్టార్ట్ చేసారు.

ఎల్సీయు తో లోకేష్ కనగారాజ్ పాన్ ఇండియా లెవెల్ లో ఫేమస్ అయ్యాడు. లోకేష్ తో ఇప్పుడు తమిళ స్టార్ హీరోలు అందరూ సినిమాలు ప్లాన్ చేసుకున్నారు. రాబోయే అయిదేళ్ళు అదే సీరీస్ లో భారీ ప్రాజెక్ట్ లు ఉండే ఛాన్స్ ఉందని టాక్. ఇక ఇప్పుడు లోకేష్… ప్రభాస్ తో కూడా ఓ మూవీ ప్లాన్ చేసాడు. ప్రస్తుతం కూలీ, ఖైదీ 2 ప్లాన్ చేస్తున్న లోకేష్… ప్రభాస్ ను కూడా ఎల్సీయులో పార్ట్ చేయాలని రెడీ అయ్యాడు. అందుకనే ప్రభాస్ కు ఓ కథ చెప్పేసాడు. ఇక ప్రభాస్ ను ఎలా ఇన్వాల్వ్ చేయాలని ఆలోచించిన లోకేష్… గ్రాండ్ ప్లాన్ తో రెడీ అయ్యాడు అని టాక్.

వచ్చే ఏడాది ఖైదీ 2 సినిమాను రిలీజ్ చేయడానికి రెడీ అయిన లోకేష్… క్లైమాక్స్ లో ప్రభాస్ ను, సూర్యను ఒకే స్క్రీన్ పై చూపించాలని ప్లాన్ చేసాడు. విక్రమ్ సినిమాలో సూర్య రోల్… రోలెక్స్ ఓ రేంజ్ లో హైలెట్ అయింది. ఇప్పుడు ఖైదీ 2 లో ప్రభాస్ రోల్ ను కూడా అలాగే ప్లాన్ చేసుకున్నాడు ఈ క్రేజీ డైరెక్టర్. అదే జరిగితే మాత్రం బాక్సాఫీస్ బద్దలు కావడం ఖాయం. ఎల్సీయులో తెలుగు హీరో ఎవరూ అని వెయిట్ చేస్తున్న ఫ్యాన్స్ కు ఈ న్యూస్ ఫుల్ జోష్ ఇస్తోంది.