Prashanth Neel: ఎన్టీఆర్‌ కోసం భారీ ప్లాన్‌ వేసిన ప్రశాంత్‌ నీల్‌.. ఈ సారి కేజీఎఫ్‌ను మించి..
పాన్‌ ఇండియా క్రేజ్‌ పుణ్యమా అని సినిమాల మధ్య లిమిట్స్‌ తగ్గిపోయాయి. భాషతో సంబంధం లేకుండా యాక్టర్స్‌ అందరూ అన్ని సినిమాలు చేయడానికి ఓకే చెప్తున్నారు. ఇక తెలుగు సినిమాలో చాన్స్‌ అంటే ఫస్ట్ ప్రిఫరెన్స్‌ ఇస్తున్నారు. దీంతో హీరో, విలన్ల విషయంలో క్రేజీ కాంబినేషన్లు సెట్‌ చేస్తున్నారు డైరెక్టర్లు.
- Written By: Srikar Creator
- Publish Date - June 8, 2023 / 12:47 PM IST
ప్రస్తుతం సలార్‌ మూవీతో బిజీగా ఉన్న ప్రశాంత్‌ నీల్‌ ఈ సినిమా తరువాత జూనియర్‌ ఎన్టీఆర్‌తో ఓ సినిమా ప్లాన్‌ చేశాడు. ఫస్ట్ లుక్‌తో సినిమా గురించి ఎనౌన్స్‌మెంట్‌ కూడా ఇచ్చాడు. ఈ సినిమా గురించి ఓ గాసిప్‌ ఇప్పుడు సినీ వర్గాలను చుట్టేస్తోంది. ప్రశాంత్‌నీల్‌, తారక్‌ కాంబినేషన్లో వస్తున్న ఎన్టీఆర్‌ 31 సినిమాలో బాలీవుడ్‌ హీరో అమీర్‌ ఖాన్‌ను విలన్‌గా సెలెస్ట్‌ చేశాడట ప్రశాంత్‌ నీల్‌.
ఈ ప్రాజెక్ట్‌కు అమీర్‌ ఖాన్‌ కూడా ఒకే చెప్పినట్టు తెలుస్తోంది. ఇప్పటికే ఈ సినిమాలో ప్రియాంక చోప్రాను హీరోయిన్‌గా ఫైనల్‌ చేసినట్టు గుసగుసలు వినిపిస్తున్నాయి. ఇదే ప్రాజెక్ట్‌లో మరో బాలీవుడ్‌ స్టార్‌ను సెలెక్ట్‌ చేశారనే వార్త ఇప్పుడు తారక్‌ ఫ్యాన్స్‌లో జోష్‌ నింపుతోంది. కానీ ప్రస్తుతం దేవర సినిమాతో ఎన్టీఆర్‌ బిజీగా ఉన్నాడు. అటు ప్రశాంత్‌ నీల్‌ కూడా సలార్‌తో మరోసారి బాక్సాఫీస్‌ను షేక్‌ చేసేందుకు రెడీ అవుతున్నాడు. ఈ ఇద్దరు ప్రజెంట్‌ కమిట్‌ ఐన ప్రాజెక్ట్‌లు కంప్లీట్‌ చేసిన తరువాత ఎన్టీఆర్‌31 షూటింగ్‌ ప్రారంభమౌతుంది. షూటింగ్‌ కూడా ప్రారంభించకుండానే ఇలాంటి క్రేజీ యాక్టర్స్‌ను లైన్‌లో పెడుతూ సినిమా మీద అంచనాలు పెంచేస్తున్నాడు ప్రశాంత్‌ నీల్‌.