పుష్ప 2 ట్రైలర్ రివ్యూ: ఫైర్ కాదు వైల్డ్ ఫైర్

స్టార్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్, రష్మిక మందన్న జంటగా వస్తున్న పుష్ప 2 సినిమాపై భారీ అంచనాలున్నాయి. పార్ట్ 1 భారీ విజయం సాధించడంతో ఈ సినిమాపై వరల్డ్ వైడ్‌గా భారీ బజ్ క్రియేట్ అవుతోంది. ఈ అంచనాలను ఏ రేంజ్‌లో ప్రూవ్ చేసుకుంటామో ట్రైలర్ తోనే మేకర్స్ గుండె ఆగిపోయే రేంజ్‌లో క్లారిటీ ఇచ్చారు మేకర్స్. ఇప్పటికే ఈ సినిమా నుంచి వచ్చిన పాటలు, గ్లింప్స్, టీజర్ రిలీజ్ చేసి ఆడియన్స్‌లో అంచనాలను భారీగా పెంచారు. తాజాగా నేడు పుష్ప 2 ట్రైలర్ ను గ్రాండ్‌గా నార్త్ ఇండియాలో రిలీజ్ చేసారు. బీహార్ రాజధాని పాట్నాలో ట్రైలర్ లాంచ్ ఈవెంట్ ని గ్రాండ్ గా నిర్వహించి పుష్ప 2 ట్రైలర్ ను మేకర్స్ రిలీజ్ చేసారు.

ట్రైలర్ చూస్తే స్టార్టింగ్ నుంచి ఎండింగ్ వరకూ ఓ రేంజ్‌లో ఉంది. ట్రైలర్ లో కొన్ని షాట్స్ కు అభిమానులకే కాదు ఆడియన్స్ కు కూడా పూనకాలు వచ్చాయి. బ్యాక్ గ్రౌండ్ మ్యాజిక్ ట్రైలర్ కు హైలెట్ గా నిలిచింది. హెలికాప్టర్ షాట్స్, ట్రైలర్‌లో డైలాగ్స్ అన్నీ కూడా మైండ్ బ్లాక్ అయ్యే రేంజ్‌లో ఉన్నాయనే చెప్పాలి. అల్లు అర్జున్ సినిమా కోసం పడిన కష్టం ట్రైలర్ లో క్లియర్ గా కనపడింది. ట్రైలర్ లో ఓ డైలాగ్ తో రష్మిక మందన రోల్ కు ఎంత వెయిట్ ఉంటుందో క్లారిటీ ఇచ్చేసాడు సుకుమార్. పుష్ప కు భన్వర్ సింగ్ షెకావత్ కు మధ్య వార్ ఎలా ఉంటుందో ట్రైలర్‌తో క్లారిటీ వచ్చేసింది. పుష్ప పార్ట్ 1 మొత్తం అడవిలో, గ్రామాల్లోనే ఉంటుంది దాదాపుగా. కాని పార్ట్ 2 ట్రైలర్ లో మాత్రం సముద్రం సహా అన్నీ చూపించాడు. దీనితో పుష్ప నేషనల్ కాదు ఇంటర్నేషల్ అనే ట్యాగ్ లైన్‌కు క్లూ ఇచ్చేసాడు.

పార్ట్ 1 లో పుష్ప ఫైర్ అయితే పార్ట్ 2లో వైల్డ్ ఫైర్ అంటూ… పిచ్చి ఎక్కించాడు బన్నీ. జగపతి బాబు రోల్ పార్ట్ 2 లో కీలకం కానుందని తెలుస్తోంది. ఓవరాల్‌గా ట్రైలర్ చూసిన వాళ్ళు సినిమా చూసే వరకూ పిచ్చెక్కిపోవడం ఖాయం. ఇక పుష్ప 2 సినిమా డిసెంబర్ 5న గ్రాండ్ గా రిలీజ్ కానుంది. ఓవర్సీస్‌లో ఇప్పటికే ప్రీ బుకింగ్ స్టార్ట్ చేసారు. ట్రైలర్ తో సినిమాపై అంచనాలు పీక్స్ కు తీసుకువెళ్ళారు. నేడు ట్రైలర్ తో ప్రమోషన్స్ ను గ్రాండ్‌గా స్టార్ట్ చేసిన మూవీ యూనిట్ త్వరలో మరో ఆరు నగరాల్లో భారీగా పుష్ప ఈవెంట్స్ ను ప్లాన్ చేస్తోంది. ఈ సినిమాతో అల్లు అర్జున్ 1000 కోట్ల కలెక్షన్స్ లిస్ట్ లోకి ఎంటర్ కావడం పక్కా అనే క్లారిటీ ట్రైలర్ తో వచ్చేసింది. క్రికెటర్స్ ప్రమోషన్స్ తో నార్త్ లో ఈ సినిమాకు పార్ట్ 1 నుంచే ఫుల్ బజ్ క్రియేట్ అయింది. నేడు ట్రైలర్ లాంచ్ ఈవెంట్ తో పుష్పను పాన్ ఇండియా లెవల్లో ఏ రేంజ్ లో రిలీజ్ చేస్తున్నారో మేకర్స్ క్లారిటీ ఇచ్చేసారు. కాగా ఈ సినిమాకు బన్నీ 300 కోట్ల రెమ్యూనరేషన్ తీసుకుంటున్నాడు. ఫాహద్ ఫాజిల్ 8 కోట్లు, రష్మిక 10 కోట్లు తీసుకుంటున్నారు.