నార్త్ లో పుష్పనే నెంబర్ 1, ఇదే ప్రూఫ్, బాలీవుడ్ కు బాంబ్ లగా దేంగే

ఐకాన్ స్టార్ అల్లు అర్జున్ హీరోగా వస్తున్న పుష్ప సినిమా రిలీజ్ దగ్గర పడుతున్న కొద్దీ ఫ్యాన్స్ లో ఎక్సైట్మెంట్ పెరిగిపోతోంది. మూడేళ్ళ నుంచి సినిమా కోసం యూనిట్ ఓ రేంజ్ లో వర్క్ చేసింది. ఫస్ట్ పార్ట్ కు రిలీజ్ తర్వాత డిజాస్టర్ టాక్ వచ్చినా తర్వాత మాత్రం మౌత్ పబ్లిసిటీతో హైప్ అందుకుంది. పుష్ప 2 విషయంలో మాత్రం అలా జరగకుండా డే 1 నుంచే జాగ్రత్త పడాలని సుకుమార్ స్కెచ్ గీసాడు. అందుకే పార్ట్ 1 టైం లో షూట్ చేసిన కొన్ని సీన్స్ ను పార్ట్ 2 లో వాడాలని చూసినా వద్దని రీ షూట్ చేసారు.

ఇక కొన్ని సీన్స్ ను రెండు మూడు సార్లు రీ షూట్ చేసారు. బడ్జెట్ పెరిగినా సినిమాకున్న హైప్ తో నిర్మాతలు కూడా సైలెంట్ గా ఉన్నారు. వరల్డ్ వైడ్ గా సినిమాపై అంచనాలు కూడా భారీగా ఉన్నాయి. ఆస్ట్రేలియా, అమెరికాలో సినిమా ప్రీ బుకింగ్ మార్కెట్ పీక్స్ లో ఉండవచ్చని టాక్. ఆస్ట్రేలియా క్రికెటర్ డేవిడ్ వార్నర్ కూడా ఈ సినిమాలో ఓ రోల్ చేస్తున్నాడనే టాక్ తో అక్కడి ఫ్యాన్స్ సినిమా కోసం ఎదురు చూస్తున్నారు. పుష్ప సినిమాను వరల్డ్ వైడ్ గా ప్రమోట్ చేయడంలో డేవిడ్ వార్నర్ కీ రోల్ ప్లే చేసాడు.

సోషల్ మీడియా హ్యాండిల్స్ లో అతను పోస్ట్ చేసిన రీల్స్ కు మంచి రెస్పాన్స్ వచ్చింది. ఇప్పుడు ప్రమోషన్స్ కూడా ఇండియా వైడ్ గా ప్లాన్ చేయాలని పుష్ప టీం వర్క్ అవుట్ చేస్తోంది. అమెరికా, ఆస్ట్రేలియా లో కూడా భారీగా ఈవెంట్స్ ప్లాన్ చేసినట్టు వార్తలు వస్తున్నాయి. ఇండియా వైడ్ గా అన్ని నార్త్ స్టేట్స్ లో సినిమాను ప్రమోట్ చేసేందుకు వర్క్ జరుగుతోంది. పాట్నాలో టీజర్ లేదా ట్రైలర్ ను లేదంటే ఓ పాటను రిలీజ్ చేయాలని ఆ తర్వాత గుజరాత్ లోని గాంధీ నగర్ లో కూడా సినిమాపై ఓ క్రేజీ అప్డేట్ ఇవ్వాలని ప్లాన్ చేస్తున్నారు.

ఇదిలా ఉంచితే సినిమా అభిమానుల్లో సినిమాపై ఏ రేంజ్ వెయిటింగ్ ఉందో తాజాగా మేకర్స్ ఓ ప్రకటన చేసారు. ఈ ఏడాది ఐఎమ్ డీబీలో సినిమా కోసం ఎక్కువ మంది ఎదురు చూస్తున్నారని… 2024 లో మోస్ట్ వేయిటేడ్ మూవీగా పుష్ప 2 నెంబర్ 1 గా నిలిచిందని ప్రకటించారు. దీని బట్టి చూస్తే నార్త్ లో కూడా వందల కోట్ల వసూళ్లు సాధించే ఛాన్స్ ఉందని అర్ధమైపోతుంది. అదే జరిగితే బాలీవుడ్ లో సౌత్ కు ఇక తిరుగు ఉండదు. కాగా ఈ సినిమాలో హీరోయిన్ గా రష్మిక మందన విలన్ గా ఫాహద్ ఫాజిల్ నటిస్తున్నారు.