రాజాసాబ్ మోషన్ పోస్టర్ రివ్యూ, హూ ఈజ్ బాహుబలి…?

రెబల్ స్టార్ ప్రభాస్ బర్త్ డే గిఫ్ట్ ను ఊర మాస్ గా ప్రెజెంట్ చేసింది రాజా సాబ్ టీం. దర్శకుడు మారుతి డైరెక్షన్ లో భారీ అంచనాలతో వస్తున్న ‘ది రాజాసాబ్‌’ సినిమాపై ఫ్యాన్స్ లో ఇప్పటికే అంచనాలు ఓ రేంజ్ లో ఉన్నాయి. ఈ సినిమాలో మాళవికా మోహనన్‌, నిధి అగర్వాల్‌, రిద్థి కుమార్‌ ముగ్గురు హీరోయిన్లు నటించడంతో జనాల్లో సినిమాపై అంచనాలు పీక్స్ లో ఉన్నాయి. హారర్‌, కామెడీ బ్యాక్ డ్రాప్ లో వస్తున్న ఈ సినిమా గురించి మూవీ మేకర్స్ క్రేజి అప్డేట్ తో ఫ్యాన్స్ లో జోష్ నింపారు. మోషన్ పోస్టర్‌తో పాటుగా రిలీజ్ డేట్ కూడా అనౌన్స్ చేయడంతో ఫ్యాన్స్ పండుగ చేసుకుంటున్నారు.

వచ్చే ఏడాది వేసవిలో ది రాజాసాబ్ థియేటర్లలో సందడి చేయనున్నాడు. వచ్చే ఏడాది ఏప్రిల్ 10న రిలీజ్ చేస్తామని మోషన్ పోస్టర్ తో క్లారిటీ ఇచ్చారు. కల్కీ తో జోష్ మీదున్న ఫ్యాన్స్ కు ఈ సినిమా అప్డేట్ మరింత ఊపునిస్తోంది. పోస్టర్ చూసిన ఫ్యాన్స్… ప్రభాస్ లుక్ కు ఫిదా అవుతున్నారు. ఈ పోస్టర్ లో ప్రభాస్ సిగార్ తాగుతూ… ఓ రాజు మహాల్ లో కుర్చీలో కూర్చుని ఉండటం, అలాగే ప్రభాస్ మాస్ లుక్ లో ఉండటంతో ఓ రేంజ్ లో వైరల్ అవుతోంది. సినిమాను భారీ బడ్జెట్ తో ప్లాన్ చేయడంతో డైరెక్టర్ మారుతీ తన విజన్ లో రాజీ పడటం లేదు.

పీపుల్ మీడియా ఫ్యాక్టరీ ఈ సినిమాను నిర్మిస్తుండగా… పాన్ ఇండియా సినిమాగా వస్తోంది. తెలుగుతో పాటు తమిళ, మలయాళ, కన్నడ, హిందీలో ఈ మూవీని రిలీజ్ చేయనుంది చిత్ర యూనిట్. షూటింగ్ ఇప్పుడు ఫైనల్ స్టేజ్ లో ఉండగా దీపావళి లేదా న్యూ ఇయర్ కి సినిమా టీజర్ తో పాటుగా ఒక పాటను కూడా విడుదల చేయనున్నారు. మోషన్ పోస్టర్ లోనే గ్రాఫిక్స్ ఓ రేంజ్ లో చూపించారు. ప్రభాస్ ఓ నదిలో చెప్పులు లేకుండా నడవడం, అలాగే ఓ నిర్మానుష్య ప్రాంతంలో మ్యూజిక్ ఇన్స్త్రుమెంట్ ఉండటం సినిమాపై అంచనాలను పెంచేస్తుంది.

రిలీజ్ అయిన కాసేపటికే ఓ రేంజ్ లో పోస్టర్ వైరల్ అయింది. జుట్టు పెంచుకుని ప్రభాస్ ఉండటంతో ఏ రేంజ్ లో ఉంటుందా సినిమా అంటూ జనాలు ఎదురు చూస్తున్నారు. ముఖ్యంగా ఈ మోషన్ పోస్టర్ చూస్తే బాలీవుడ్ షేక్ కావడం పక్కా. ఓ హారర్ మూవీని హాలీవుడ్ రేంజ్ లో ప్లాన్ చేయడం చూస్తుంటే ఈసారి బాక్సాఫీస్ పై దండ యాత్ర ఖాయం అంటున్నారు జనాలు. ఇక ప్రభాస్ తర్వాత భారీ ప్రాజెక్ట్ లతో రెడీగా ఉన్నాడు. సలార్‌ 2, రాజాసాబ్‌, కల్కి 2, స్పిరిట్‌, హను రాఘవపూడితో ఫౌజీ సినిమా రెడీగా ఉన్నాయి.