2000 కోట్ల పోస్టర్ అది.. కటౌట్ చూసి నమ్మెయ్యొచ్చు డ్యూడ్

రాజా సాబ్ వచ్చేశాడు. దుమ్ముదులిపే లుక్ ని ఫిల్మ్ టీం వదిలింది. రెబల్ స్టార్ బర్త్ డే స్పెషల్ గా టీజర్, లేదంటే సాంగ్ వస్తుందనుకునేలోపు, పోస్టర్ తో బాంబ్ పేల్చింది ఫిల్మ్ టీం. మళ్లీ మిర్చీ, డార్లింగ్ టైం లో ఉన్నట్టు స్టన్నింగ్ లుక్ లో కిక్ ఇచ్చాడు ప్రభాస్. స్లిమ్ గా క్యూట్ గా కూల్ గా కనిపిస్తున్నాడు. నిజానికి ది రాజా సాబ్ తాలూకు గ్లింప్స్ లోకూడా ఈ స్థాయిలో డిటేల్డ్ గా రెబల్ స్టార్ లుక్ రివీల్ కాలేదు. అన్నీ షాట్స్ రూపంలో కట్ చేసి ఎడిట్ చేశారు. ఐతే ఫుల్ లెంథ్ పోస్టర్ తో ది రాజా సాబ్ అసలు లుక్ తో కిక్ ఇచ్చిన ఫిల్మ్ టీం, ఆల్రెడీ ఈ సినిమా 1200 కోట్లకు పైనే ప్రీరిలీజ్ బిజినెస్ చేసిందని తేల్చేసింది. ఐతే ఇది 2 వేల కోట్ల మూవీ అన్న అంచనాలు, హైప్ పెరుగుతున్నాయి. కాని తన ఆల్ టైం హిట్ బాహుబలి 2 నే 1850 కోట్ల తో సరిపెట్టుకుంది. కల్కీతో 1200 కోట్ల వసూళ్ల వరదొచ్చింది. అలాంటిది మరి 2 వేల కోట్ల వసూళ్లంటే ఇండియాలో ఎన్నడూ క్రియేట్ కాని హిస్టరీ… దంగల్ వసూల్లు 2 వేల కోట్లు దాటినా, అందులో 1200 కోట్లు చైనా నుంచి వచ్చినవే… అందుకే ది రాజా సాబ్ 2 వేల కోట్ల పోస్టర్ అంటే, అంతా ఆశ్చర్యపోతున్నారు. కాని ఇలాంటి షాకులెన్నో ఇచ్చిన రెబల్ స్టార్ కి మార్కెట్ లో ఆరేంజ్ మైలేజ్ ఉందని మూడు సార్లు ప్రూవ్ అయ్యింది… మరి నాలుగో సారి, ఏం జరగబోతోంది?

రెబల్ స్టార్ ప్రభాస్ పెద్దగా కష్టపడి నటించాల్సిన పనిలేదు. జస్ట్ ఎక్స్ ప్రెషన్ ఇస్తే చాలు బాక్సాఫీస్ షేక్ అవుతుంది. జనాల్లో తనంటే ఆరేంజ్ లో క్రేజ్ ఉంది. అలాంటి ఈ హీరో సింగిల్ లుక్ తో రాజాసాబ్ గా తన దర్శనమిచ్చాడు. రెబల్ స్టార్ బర్త్ డే సందర్భంగా డైరెక్టర్ మారుతి ది రాజా సాబ్ పోస్టర్ ని వదిలాడు… ఆ కొత్త లుక్ సోషల్ మీడియాలో వైరలైంది.

కల్కీలో లాంగ్ హేయిర్ స్టైల్లో కిక్ ఇచ్చిన రెబల్ స్టార్ ది రాజా సాబ్ లో పూర్తిగా మారకపోయినా, చాలా వరకు తన హేయిర్ స్టైల్లో వేరియేసన్ తో మెస్మరైజ్ చేస్తున్నాడు. అంతేకాదు కల్కీతో పోలిస్తే ది రాజా సాబ్ లో తన లుక్, మల్లీ మిర్చీ మూవీ స్టైల్లో కనిపిస్తోందంటున్నారు

అంటే యాజ్ ఇట్ ఈజ్ అలానే ఉందని కాదు కాని, స్లిమ్ గా మిర్చీ మూవీ స్టైల్లో ఆ వైబ్స్ నీ తీసుకొచ్చాడు రెబల్ స్టార్. ఇక ఆల్రెడీ ఎప్పుడో వచ్చిన ఫస్ట్ గ్లిప్స్ మతిపోగొట్టింది. నిజం చెప్పాలంటే ది రాజా సాబ్ ఫస్ట్ గ్లింప్స్ లోకూడా ప్రభాస్ లుక్ ఈస్థాయిలోరివీల్ కాలేదు. ఆ విషయంలో తన బర్త్ డేకి ముందు పోస్టర్నే ఫిల్మ్ టీం రిలీజ్ చేసినా, ఆ లుక్ సాలిడ్ గా ఉంది… గ్లిప్స్ కంటే కూడాపోస్టర్ కే జనాలు ఫిదా అవుతున్నారు.. ఇక ఫ్యాన్స్ కైతే పూనకాలే..

రెబల్ స్టార్ మూవీ 70శాతం షూటింగ్ పూర్తి చేసుకుంది. కేవలం 40 రోజల షూటింగ్ మాత్రమే పెండింగ్ ఉంది. కల్కీ టైం నుంచే చాలా రోజులు కల్కీ మధ్యమధ్యలో ది రాజా సాబ్ అంటూ షూటింగ్ చేస్తూ వచ్చాడు ప్రబాస్. కల్కీ వచ్చి 1200 కోట్లు రాబట్టింది. ఇప్పుడు ఫౌజీ షూటింగ్ జరుగుతోంది. ఆ సినిమా చేస్తూనే మధ్యమధ్యలో ది రాజాసాబ్ షూటింగ్ చేస్తున్నాడు రెబల్ స్టార్

ఐతే ది రాజా సాబ్ లో సంజయ్ దత్ తాతగా, ప్రభాస్ మనవడిగా కనిపించటమే కాదు, మూడు డిఫరెంట్ గెటప్స్ లో షాక్ ఇస్తాడనే డిస్కర్షన్ జరుగుతోంది. నిజానికి ఇది కథ వల్ల అలా హీరో మూడు లుక్స్ లో కనిపిస్తాడా? లేదంటే ది రాజా సాబ్ కల్కీ, సలార్ టైంలో సెట్స్ పైకెళ్లింది కాబట్టి, అప్పడు వాటి షూటింగ్, ప్యార్ లల్ గా ది రాజా సాబ్ షూటింగ్ చేయటం వల్ల.. ఆ లుక్ ఇంపాక్ట్ ఈ మూవీ మీద పడి ఉండొచ్చు.. అందుకే ది రాజా సాబ్ లో ప్రభాస్ మూడు గెటప్స్ వేయాల్సి వచ్చి ఉండొచ్చనే మాటలు కూడా వినిపిస్తున్నాయి

ఏదేమైనా కథ కత్తిలా ఉంటే, ఆ కత్తి ప్రభాస్ చేతిలో పడితే బాక్సాఫీస్ లో వసూళ్ళ కోతలే… దానికి తోడు తన లుక్స్ లో చాలా మార్పులుంటే, అవి మరింత ప్లస్ అయ్యే అవకాశం ఉంది. కథలో , తను వేసే క్యారెక్టర్ లో ఆఫ్లెక్సిబిలిటీ ఉంది కాబట్టే, ది రాజా సాబ్ మూవీని ఆగుతూ, సాగుతూ తీస్తూ వస్తున్నారు. డిసెంబర్ సెకండ్ వీక్ లోగా ది రాజా సాబ్ టోటల్ షూటింగ్ కి పేకప్ చెప్పబోతున్నారు. అంటే ప్యాచ్ వర్క్ తో సహా డిసెంబర్ 2 వీక్ లోగానే షూటింగ్ పూర్తయ్యేలా ఉంది