బాహుబలికి బల్లాల దేవుడి వాయిస్ ఓవర్… ఫౌజీ సెట్స్ కు రానా

బాహుబలి సినిమా అంటే… మూడు పాత్రలే మన కళ్ళ ముందు ఉంటాయి. బాహుబలి, బల్లాల దేవుడు… మరొకటి కట్టప్ప… ఈ మూడు పాత్రలతోనే ఆ సినిమా నడిచింది. అనుష్క, రమ్య కృష్ణల పాత్ర పవర్ ఫుల్ గా ఉన్నా సరే వెయిట్ మాత్రం ఆ మూడు రోల్స్ కే ఉంది. ఆ సినిమా కోసం ఆ ముగ్గురు దాదాపు అయిదేళ్ళు కష్టపడ్డారు. ఇప్పటికీ… మీడియాలో వారి గురించి ఏ న్యూస్ వచ్చినా సరే జనాల్లో పిచ్చ క్రేజ్ ఉంటుంది. ముఖ్యంగా ప్రభాస్, రానా గురించి ఏ న్యూస్ వచ్చినా సరే ఏదో తెలియని పిచ్చి ఉంటుంది ఫ్యాన్స్ లో.

అలాంటిది మళ్ళీ ఇద్దరూ కలిసి వర్క్ చేస్తే…? ఎస్ ఇది మళ్ళీ జరుగుతోంది. కాని ఇద్దరూ ఒకే స్క్రీన్ పై కనపడరు. అసలు విషయంలోకి వెళ్తే… ప్రభాస్ చేతిలో ఇప్పుడు ఏడు సినిమాలు ఉంటే… మూడు సినిమాల షూటింగ్ లైన్ లో ఉంది. త్వరలోనే స్పిరిట్ షూట్ కూడా స్టార్ట్ అవుతుంది. ది రాజాసాబ్, ఫౌజీ, సలార్ 2 షూట్ స్టార్ట్ అయ్యాయి. ది రాజాసాబ్ షూట్ ఆల్మోస్ట్ ఫినిష్ అయింది. ప్రభాస్ పార్ట్ ని ఫినిష్ చేసినట్టు టాక్. ఈ టైం లో… ఫౌజీపై ప్రభాస్ ఫోకస్ చేసాడు. ఫౌజీ షూట్ త్వరగా ఫినిష్ చేసేసి… తర్వాత స్పిరిట్, సలార్ 2 పై ఫోకస్ చేస్తాడు.

మిగిలిన సినిమాలకు ఉన్న బజ్… ఫౌజీకి కనపడటం లేదనే టాక్ జనాల్లో ఉంది. అసలు ఆ సినిమా ఉందా లేదా అనే డౌట్ కూడా ఉంది. దీనితో… డైరెక్టర్ హను రాఘవపూడి కాస్త క్రేజీగా ఆలోచించాడు. సినిమాకు వాయిస్ ఓవర్ తీసుకోవాలని ప్లాన్ చేసాడు. ఇందుకోసం రానాతో మాట్లాడి ఓకే చేయించాడు హను. సినిమాలో రానా వాయిస్ ఓవర్ కు మంచి వెయిట్ ఉండేలా ప్లాన్ చేసాడు. ప్రస్తుతం రానా సినిమాలను పక్కన పెట్టి వేరే వర్క్స్ తో బిజీగా ఉన్నాడు. అసలు ఎప్పుడు సినిమా చేస్తాడో లేదో కూడా క్లారిటీ లేదు.

కాని ఇప్పుడు మాత్రం… ఫౌజీకి వాయిస్ ఓవర్ ఇవ్వడానికి రెడీ అయ్యాడు. త్వరలోనే దీనిపై అఫీషియల్ అనౌన్సుమెంటు ఉండనుంది. బాహుబలి తర్వాత ఈ ఇద్దరూ మళ్ళీ కలిసి వర్క్ చేయడం అంటే… ఫ్యాన్స్ కు పిచ్చి ఎక్కినట్టే. ఇప్పటికే రానా… ఫౌజీ సెట్స్ కు కూడా వెళ్ళాడు. మరి ఇది ఎంత వరకు వర్కౌట్ అవుతుందో చూడాలి. ఇక ప్రభాస్ తో కలిసి… హోంబలే ఫిలిమ్స్ బ్యానర్ లో వచ్చే సినిమాలో రానా కలిసి నటించే ఛాన్స్ ఉందనే టాక్ కూడా వస్తోంది. కల్కీ 2 లో కూడా రానాకు మంచి రోల్ ఇస్తున్నట్టు టాక్.