స్టార్ హీరోయిన్ కూతుర్ని లైన్ లో పెట్టిన బాలయ్య వారసుడు

టాలీవుడ్ లో మరో స్టార్ వారసుడు గ్రాండ్ ఎంట్రీ ఇస్తున్నాడు. నాలుగేళ్ల నుంచి ఆ వారసుడి ఎంట్రీ కోసం అభిమానులు ఎంతగానో ఎదురు చూస్తున్నారు. ఓ భారీ సినిమాతో గ్రాండ్ ఎంట్రీ ఇస్తాడని అందరూ భావించినట్టే… ఎంట్రీని సూపర్ గ్రాండ్ గా ప్లాన్ చేసుకున్నాడు ఆ స్టార్ వారసుడు. ఇంతకు ఎవరో అర్ధమయ్యే ఉంటుంది కదా…? అతనే నందమూరి నటన సింహం బాలకృష్ణ కుమారుడు మోక్షజ్ఞ. మొక్షు ఎంట్రీ కోసం బాలయ్య ఎప్పటి నుంచి ప్రయత్నం చేస్తూ చివరికి ప్రశాంత్ వర్మ డైరెక్షన్ లో ఓ సినిమాను ఫైనల్ చేసారు.

ఈ సినిమా లుక్ ను కూడా విడుదల చేసిన సంగతి తెలిసిందే. నవంబర్ ఎండింగ్ నుంచి ఈ సినిమా షూట్ రెగ్యులర్ గా స్టార్ట్ కానుంది. ఈ సినిమాలో బాలయ్య కూడా సూపర్ హీరోగా నటించే ఛాన్స్ ఉందనే వార్తలు వస్తున్నాయి. హనుమాన్ సినిమాతో సూపర్ హిట్ కొట్టిన ప్రశాంత్ వర్మ ఈ సినిమాతో రికార్డులు బ్రేక్ చేయాలని ప్లాన్ చేస్తున్నాడు. ఇక నటన పరంగా… తనకు ఏం కావాలో మోక్షజ్ఞకు ఇప్పటికే చెప్పాడు ప్రశాంత్ వర్మ. ఇక సినిమాను భారీగా మార్కెట్ చేసుకునే విధంగానే ప్లాన్ చేస్తున్నారు.

పాన్ ఇండియా లెవెల్ లో సినిమాను రిలీజ్ చేయనున్నారు. అందుకే నటులను అన్ని భాషల నుంచి తీసుకునే ఛాన్స్ ఉందని వార్తలు వస్తున్నాయి. కన్నడ నుంచి శివ రాజ్ కుమార్ ను ఈ సినిమాలో కీ రోల్ కోసం తీసుకునే ఛాన్స్ ఉందని, ఓ తమిళ స్టార్ హీరోని కూడా ఈ సినిమా కోసం తీసుకోవచ్చని అంచనా వేస్తున్నారు. ఇదిలా ఉంచితే ఇప్పుడు ఈ సినిమా గురించి వచ్చిన ఒక అప్డేట్ నందమూరి ఫ్యాన్స్ మైండ్ బ్లాక్ చేస్తోంది. హీరోయిన్ ను ప్రశాంత్ వర్మ ఆల్మోస్ట్ ఫైనల్ చేసినట్టుగా టాలీవుడ్ సర్కిల్స్ లో ఓ న్యూస్ వైరల్ అవుతోంది.

అసలు ఎవరు ఆ హీరోయిన్ అంటే… బాలీవుడ్ మాజీ హీరోయిన్ రవీనా టాండన్ కుమార్తె రాశా టాండన్ ను ఈ సినిమాకు ఫైనల్ చేసారు. సినిమా షూట్ స్టార్ట్ అయినప్పటి నుంచి ఆమె కూడా షూట్ లో పాల్గొంటారు. ఇక రవీనా కూడా ఈ సినిమాలో హీరోయిన్ కు తల్లిగా లేదంటే హీరోకు తల్లిగా ఓ పవర్ ఫుల్ రోల్ లో నటించే ఛాన్స్ ఉందని అంటున్నారు. ఏది ఎలా ఉన్నా ఇప్పుడు మోక్షజ్ఞ ఎంట్రీ కోసం బాలయ్య ప్లానింగ్ మాత్రం పీక్స్ లో ఉంది.