Rashmika Mandanna: పుష్ప-2 స‌డ‌న్ స‌ర్‌ప్రైజ్.. శ్రీవ‌ల్లి లుక్ మామూలుగా లేదుగా..

Rashmika Mandanna: ప్రస్తుతం సోష‌ల్ మీడియాలో పుష్ప‌-2 మానియా న‌డుస్తోంది. ఏప్రిల్ 8 అల్లు అర్జున్ బ‌ర్త్ డే సంద‌ర్భంగా టీజ‌ర్ రిలీజ్ చేయ‌డానికి మేక‌ర్స్ ఎరేంజ్‌మెంట్స్ చేయ‌డంతో బ‌న్నీ ఫ్యాన్స్ ఓ రేంజ్‌లో సెల‌బ్రేష‌న్స్ మొద‌లు పెట్టేశారు. ఇంత‌లోనే ఫ్యాన్స్‌కు అనుకోని స‌ర్‌ప్రైజ్ ఇచ్చింది మూవీ టీమ్. ఇవాళ హీరోయిన్ ర‌ష్మిక మంద‌న్న బ‌ర్త్‌డే సంద‌ర్భంగా పుష్ప‌-2 నుంచి బిగ్ అప్‌డేట్ ఇచ్చింది. హీరోయిన్ ర‌ష్మిక మందన్నా లుక్‌ను రివీల్ చేసింది చిత్ర యూటిన్.

Congress Manifesto : జాతీయ కాంగ్రెస్ పార్టీ మేనిఫెస్టో విడుదల.. న్యాయ్‌పత్ర-2024 పేరు మేనిఫెస్టో

దీంతో.. ఫ్యాన్స్ ఆనందానికి అవ‌ధులు లేకుండా పోయాయి. అదిరిపోయే ఆకుప‌చ్చ చీరలో, అంద‌మైన డ్యాన్స్ భంగిమ‌లో ఉన్న శ్రీవ‌ల్లి.. అభిమానుల‌ను విప‌రీతంగా ఆక‌ట్టుకుంటోంది. చేతికి గాజులు, కాటుక క‌ళ్ల‌తో అభిమానుల‌ను క‌ట్టిప‌డేస్తోంది. హ్యాపీ బ‌ర్త్‌డే శ్రీ వ‌ల్లీ అంటూ మూవీ టీం రిలీజ్ చేసిన ఈ పోస్ట‌ర్ సోష‌ల్ మీడియాలో తెగ వైర‌ల్‌గా మారింది. ప్రస్తుతం ఈ పోస్ట‌ర్‌ను అభిమానులు లైక్‌లు చేస్తూ తెగ షేర్ చేస్తున్నారు. పుష్ప సినిమాలో శ్రీవ‌ల్లిని కాస్త డీగ్లామ‌రైజ్‌గా చూపించిన మేక‌ర్స్.. ఈ మూవీలో గ్లామ‌ర‌స్‌గా చూపించారంటూ సంతోషం వ్య‌క్తం చేస్తున్నారు. నేష‌న‌ల్ క్ర‌ష్ అంటే మాట‌లా అంటూ కామెంట్లు పెడుతున్నారు. కాగా.. ఈనెల 8న రిలీజ్ కానున్న పుష్ప-2 టీజ‌ర్ కోసం అభిమానులు ఎంతో ఆసక్తిగా వెయిట్ చేస్తున్నారు.

టీజ‌ర్‌తోనే పుష్పగాడి ఊచ‌కోత ఖాయ‌మంటున్నారు. అభిమానుల అంచ‌నాల‌కు త‌గ్గ‌ట్లుగానే మేక‌ర్స్ టీజ‌ర్‌ను క‌ట్ చేసిన‌ట్లు వార్తలు వినిపిస్తున్నాయి. అంద‌రి ఎక్స్‌పెక్టేష‌న్స్‌కు త‌గ్గట్లుగానే శ్రీవ‌ల్లి పోస్టర్‌ను స‌డ‌న్‌గా బ‌య‌ట‌కు వ‌దిలిన మేక‌ర్స్.. టీజ‌ర్‌పై ఎక్స్‌పెక్టేష‌న్స్‌ను మ‌రింత‌గా పెంచేసారు. ఇప్పుడే ఇలా ఉంటే.. ఏప్రిల్ 8న పుష్పరాజ్ చేయ‌బోయే ర‌చ్చ మామూలుగా ఉండ‌దు అన‌డంలో ఎలాంటి డౌట్స్ లేవంటున్నారు.