రెబల్ స్టార్ లీక్ తో లక్.. ఐకాన్ స్టార్ లీక్ తో షాక్..

రెబల్ స్టార్ ప్రభాస్ గెస్ట్ రోల్ లో కన్నప్ప మూవీలోకనిపించబోతున్నాడు. అందులో తన లుక్ ఎలా ఉంటుందో ఇప్పటి వరకు రివీల్ కాలేదు. టీజర్ లో కేవలం కళ్లని మాత్రమే చూపించారు. కట్ చేస్తే ఇప్పుడు తను ఆ మూవీలో ఎలా కనిపిస్తాడో సింగిల్ ఫోటోతో లీక్ చేశారు. కట్ చేస్తే ఆ లీక్ చేసిన వాడిన పట్టుకుంటే 5 లక్షలన్నాడు మంచు విష్ణు.. విచిత్రం ఏంటంటే బేసిగ్గా ఏ మూవీ తాలూకు కంటెంట్ లీకైనా ఫిల్మ్ టీం కి నష్టమే.. కాని ఇక్కడ మాత్రం లక్ మారినట్టే అనంటున్నారు. దీనికి రివర్స్ లో ఐకాన్ స్టార్ అల్లు అర్జున్ పుష్ప 2 తాలూకు లీకేజి మాత్రం హెడ్డేగ్ గా మారింది. కొండంత సర్ ప్రైజ్ ని ఫిల్మ్ టీం ప్లాన్ చేస్తే, ఆ ఛాన్స్ లేకుండా చేసింది సింగిల్ ఫోటో… ఇక్కడ ఇది డ్యామేజ్ ఐతే, ప్రభాస్ లుక్ లీక్ చేయటం ఎలా మూవీకి మైలేజి ఇస్తోంది…? ఇక తనని ఇలా చేశారేంటనే డౌట్ల వెనకున్న రీజనేంటి..? 

రెబల్ స్టార్ బేసిగ్గా మహమాటస్తుడు.. అందుకే మంచు విష్ణు అడిగాడని వెంటనే తన కన్నప్ప మూవీలో నందీశ్వరుడి పాత్ర వేశాడు. తను అందులో ఉన్నాడని తెలిసే, ప్రపంచ వ్యాప్తంగా ఈ సినిమా వైపు అందరి అటెన్షన్ ఉంది. అది రెబల్ స్టార్ కి ఉన్న క్రేజ్, పాన్ ఇండియా లెవల్లో ఉన్న మార్కెట్ మైలేజ్.

అలాంటి రెబల్ స్టార్ కన్నప్పలో ఓ పాత్ర వేస్తే తన లుక్ ఎలా ఉంటుందా అని అంతా ఎదురుచూశారు. కాని టీజర్ లో కేవలం ప్రభాస్ కళ్లు మాత్రమే చూపించారు. ఇక ట్రైలర్ లో రెబల్ స్టార్ లుక్ రివీల్ అవుతుందనుకున్న వేల్ల, తన కంప్లీట్ క్యారెక్టర్ లుక్ ని లీక్ చేశారు

అయితే ఈ లీకు వల్ల తాము నష్టపోయామని హీరో కమ్ నిర్మాత మంచు విష్ణు స్టేట్ మెంట్ ఇవ్టమే కాదు, ఆలీకు కారకుడిని పట్టుకుంటే 5 లక్షల బహుమతి కూడా ప్రకటించాడు. ఈ మొత్తంఎపిసోడ్ వల్ల పాన్ ఇండియా లెవల్లోనే కాదు, ప్రపంచ వ్యాప్తంగా ప్రభాస్ పాత్ర తాలూకు లుక్ ఎలా ఉంటుందా అని గూగుల్ లో 72 లక్షల మంది వరకు సెర్చ్ చేశారట.

ఇది కదా న్యూస్… నిజానికి కన్నప్ప మూవీ ట్రైలర్ రిలీజైనా అన్ని వ్యూస్ వస్తాయో రావో కాని, కేవలం ప్రభాస్ పాత్ర లుక్ లీకైందనగానే ఎక్కడ లేని ప్రమోషన్ ఈమూవీకి దక్కింది. దీనికి పూర్తి భిన్నం పుష్ప2 తాలూకు లీక్.

ఇందులో శ్రీలీల ఐటమ్ సాంగ్ ఉందని ప్రచారం జరిగింది. శ్రద్ధా కపూర్ నష్టపోతే, శ్రీలీల లాభపడబోతోంది ఈ క్రేజీ ఆఫర్ తో అన్నారు. అంతవరకు బానే ఉంది. పుష్ప2 రిలీజ్ అయ్యాక ఈ పాట తాలూకు సర్ ప్రైజ్ కిక్ ఇచ్చేది. కాని ఇందులో శ్రీలీలే కాదు, పుష్ప ఎలా ఉంటాడోకూడా ఓ ఫోటో పుణ్యమాని లీకైంది. ఇదే పుష్ప2 తాలూకు సర్ ప్రైజ్ ని నీరు కార్చేలా చేస్తోంది…

ఏదేమైనా కన్నప్ప మూవీ లో ప్రభాస్ లుక్ లీక్ అవటంతో కన్నప్ప సినిమాకు ఫుల్ ప్రమోషన్ దక్కినట్టైంది. పుష్ప 2 లీకుతో అందులోని ఐటమ్ సాంగ్ కిస్సిక్ తాలూకు సర్ ప్రైజ్ డైల్యూట్ అయ్యింది. అయితే, ఇక్కడ షాకింగ్ ట్విస్ట్ ఏంటంటే, సలార్ 2 లో ప్రభాస్ లుక్ అంటూ తప్పుగా కొందరు కన్నప్పలోని ప్రభాస్ లుక్ కి ప్రమోట్ చేయటంతో, చాలా మంది కన్ ప్యూజ్ అయ్యారు. సలార్ 2 ఇంకా సెట్స్ పైకెళ్ళకముందే రెబల్ స్టార్ లుక్ ఇది అని ఎక్స్ పెక్ట్ చేయటం వెనక లాజిక్ లేదు.. కాబట్టి ఇలా ఏదోదా ప్రభాస్ తాలూకు వార్త వస్తే చాలు సోషల్ మీడియాలో ఫ్యాన్స్ కి పూనకాలొచ్చేస్తున్నాయి.