సమంతా తెలుగు రీ ఎంట్రీ గ్రాండ్ గా…? మూవీ ఫైనల్ అయినట్టే…?

తెలుగులో సమంతాకు ఉన్న క్రేజ్ గురించి స్పెషల్ ఇంట్రో అవసరం లేదు. కుర్ర కారుకు ఇప్పటికీ సమంతా డ్రీం గర్ల్. ఆమె సినిమాలు, నటన కంటే కూడా వ్యక్తిత్వం అభిమానులకు చాలా నచ్చుతుంది. ఈ మధ్య కాలంలో ఏ హీరోయిన్ కూడా అన్ని సమస్యలు ఎదుర్కున్నది లేదు అనే చెప్పాలి. సోషల్ మీడియాలో ఆమెను టార్గెట్ చేసినట్టు మరో హీరోయిన్ ను చేయలేదు కూడా. అయినా సరే సమంతా తట్టుకుని నిలబడి ఇప్పుడు జనాలకు తాను ఏంటీ అనేది ప్రూవ్ చేసుకుంది. బాలీవుడ్ లో వరుస ఆఫర్లు ఫైనల్ చేస్తుంది సమంతా.

వెబ్ సీరీస్ లలో కూడా నటిస్తూ బిజీ అయిపోయింది ఈ అమ్మడు. అయితే సమంతా కెరీర్ ఇక బాలీవుడ్ కు పరిమితం అయిపోయిందనే కామెంట్స్ వచ్చాయి. సమంతా తెలుగు సినిమాలకు దూరంగా ఉండటం పట్ల చాలా కామెంట్స్ ఉన్నాయి. అక్కినేని కుటుంబం కారణంగానే ఆమె తెలుగు సినిమాలకు దూరంగా ఉందని ప్రచారం జరిగింది. కాని ఇప్పుడు మళ్ళీ సమంతా తెలుగులో అడుగు పెట్టె ప్రయత్నం చేస్తున్నారని, హీరోయిన్ గా బిజీ అయ్యే ప్రయత్నం చేస్తున్నారని సోషల్ మీడియాలో గాసిప్స్ షికారు చేస్తున్నాయి.

సమంతాకు ఉన్న క్రేజ్ ఇప్పుడున్న స్టార్ హీరోయిన్స్ లో ఎవరికీ లేదనే చెప్పాలి. అందుకే ఇక్కడి డైరెక్టర్ లు కూడా సమంతాను టాలీవుడ్ లో చేయాలని అడుగుతున్నారు. ఇటీవల త్రివిక్రమ్ శ్రీనివాస్ కూడా సమంతా తెలుగులో చేయాలని అడిగారు. ఆమె చేస్తా అంటే కచ్చితంగా కథలు రాస్తామని అడిగారు. అయితే సమంతాకు ఒక టాప్ డైరెక్టర్ నుంచి కాల్ వెళ్ళడంతో ఆమె గ్రీన్ సిగ్నల్ ఇచ్చారని టాక్. స్టార్ హీరోలకు సమంతా ఇప్పటికి కూడా ఫస్ట్ ఆప్షన్ గా ఉంటారు. అందుకే ఓ సినిమా ఫైనల్ అయిపోయింది.

సుకుమార్, రామ్ చరణ్ కాంబినేషన్ లో మైత్రీ మూవీ మేకర్స్ బ్యానర్ పై ఓ సినిమా ఫైనల్ అయింది. ఈ సినిమా షూట్ ఎప్పుడు అనేది క్లారిటీ లేకపోయినా, రామ్ చరణ్, బుచ్చి బాబు మూవీ కంప్లీట్ అయిన తర్వాత అనే రూమర్స్ వస్తున్నాయి. ఈ సినిమాలో సమంతా నటించాలని సుకుమార్ స్వయంగా ఆమెకు కాల్ చేసి అడిగారట. అందుకు ఆమె కూడా ఓకే చెప్పారని టాక్. సమంతా, రామ్ చరణ్ కాంబినేషన్ లో రంగస్థలం సినిమా రాగా సూపర్ హిట్ అయింది. ఈ జోడీకి కూడా ఫ్యాన్స్ మంచి మార్కులు వేసారు. అందుకే సుకుమార్ ఇప్పుడు సమంతా కోసం ట్రై చేస్తున్నారని టాక్.