గడ్డం లేనట్టే… స్పిరిట్ లుక్ పై వంగా వర్కౌట్ ఫినిష్

బాలీవుడ్ అయినా టాలీవుడ్ అయినా సందీప్ రెడ్డి వంగా సినిమాలపై జనాలకు ఓ రేంజ్ లో క్లారిటీ ఉంది. తన హీరోని ఎలా చూపించాలో ఆయనకు పిచ్చ క్లారిటీ ఉంటుంది. సినిమాలు చేసింది తక్కువే అయినా… ఇంత షార్ట్ టైం లో ఈ రేంజ్ లో ప్రూవ్ చేసుకుంది వంగా మాత్రమే. హీరో ఎవరు అయినా… కథ ఎలా ఉన్నా సరే తన విజన్ సినిమాపై ఎలా ఉంటుందో… ఆడియన్స్ కు ఓ ఐడియా ఉంటుంది. అర్జున్ రెడ్డి సినిమా చూసిన వాళ్ళు సందీప్ రెడ్డిని తిట్టినా… యానిమల్ చూసిన వాళ్ళు మాత్రం ది డైరెక్టర్ అంటూ ఆకాశానికి ఎత్తేసారు.

ఇప్పుడు ప్రభాస్ లాంటి ఆరు అడుగుల రెబల్ కటౌట్ తో సందీప్ రెడ్డి సినిమా చేస్తున్నాడు. సినిమా ఎలా ఉంటుందో ఇప్పటి నుంచే ఫ్యాన్స్ లెక్కలు వేయడం స్టార్ట్ చేసారు కూడా. సినిమా విషయంలో ప్రభాస్ కష్టపడటం కూడా స్టార్ట్ అయిందని… లుక్ టెస్ట్ కూడా ఫినిష్ చేసారనే టాక్ కూడా వస్తోంది. ముందు చెప్పినట్టే ప్రభాస్ ను ఓ పోలీస్ ఆఫీసర్ రోల్ లో చూపిస్తున్నాడు వంగా. ఇప్పటి వరకు ప్రభాస్ ను ఆ రోల్ లో ఎవరూ చూడలేదు కూడా. దీనితో ఈ లుక్ పై జనాల్లో ఆసక్తి పీక్స్ లో ఉంది.

అయితే లేటెస్ట్ గా వంగా ఫోటో ఒకటి బయటకు వచ్చింది. ఇప్పుడు అదే ప్రభాస్ లుక్ అంటున్నాయి టాలీవుడ్ వర్గాలు. అదేంటి అంటారా… అర్జున్ రెడ్డి టైం లో సందీప్ రెడ్డి… హీరో లుక్ కు తగ్గట్టు గడ్డం పెంచుకున్నాడు. యానిమల్ సినిమా టైం లో కూడా అలాగే గడ్డం పెంచుకున్నాడు. సినిమాలో హీరో లుక్ ఎలా ఉంటుందో తాను అలానే ఉండటం స్టార్ట్ చేసాడు. ఇప్పుడు గడ్డం మొత్తం తీసేసి… మీసాలు తిప్పి కనిపించాడు వంగా. అంటే ఇక ప్రభాస్ ఈ సినిమాలో గడ్డంతో కనిపించడం లేదనే క్లారిటీకి వచ్చేశారు ఫ్యాన్స్.

రీసెంట్ గా ప్రభాస్ ను గడ్డం పెంచుకోమన్నాడు అనే రూమర్స్ ఓ రేంజ్ లో స్ప్రెడ్ అయ్యాయి. కాని ఇప్పుడు అది నిజం కాదని క్లారిటీ వాచ్చేసింది అంటున్నాయి టాలీవుడ్ సర్కిల్స్. ఇక ఈ సినిమాలో ప్రభాస్ సిక్స్ ప్యాక్ కూడా చూపిస్తాడట సందీప్ రెడ్డి. ఏది ఎలా ఉన్నా స్పిరిట్ మాత్రం టాక్ ఆఫ్ ది ఇండియన్ సినిమా అయిపోయింది. యానిమల్ తో బాలీవుడ్ కు తనను తాను చాలా గ్రాండ్ గా పరిచయం చేసుకున్నాడు వంగా. స్పిరిట్ తో పాన్ వరల్డ్ మూవీ తీస్తే మాత్రం ఇక కాలర్ ఎగరేయడమే.