ఎన్టీఆర్ నీల్ సినిమాలో ముసలి హీరోయిన్ స్టెప్పులు

టాలీవుడ్ లో ఇప్పుడు ప్రశాంత్ నీల్ హవా మొదలయింది. కేజిఎఫ్ సినిమాతో ప్రశాంత్ నీల్ ఇప్పుడు టాలీవుడ్ స్టార్ హీరోలకు కూడా దగ్గరయ్యాడు. ఆ సినిమా సూపర్ హిట్ కావడం దాని తర్వాత చేసిన సలార్ సినిమా సూపర్ హిట్ కావడంతో ఇప్పుడు ప్రశాంత్ నీల్ తెలుగు హీరోలతో వరుసగా సినిమాలు చేస్తున్నాడు. రాబోయే ఆరేళ్ళ పాటు ప్రశాంత్ నీల్ వరుసగా సినిమాలు చేయనున్నాడు తెలుగు హీరోలతోనే. ఇక బాలీవుడ్ హీరోలు అడుగుతున్నా అది సాధ్యం అయ్యేలా కనపడటం లేదు. బాలీవుడ్ సినిమాలు చేసినా అది 2030 తర్వాతనే.

ప్రస్తుతం ఎన్టీఆర్ తో సినిమా చేస్తున్న ప్రశాంత్ నీల్… ఈ సినిమా కోసం గట్టిగానే ప్లాన్ చేస్తున్నట్టు తెలుస్తోంది. ఈ సినిమాను రెండేళ్ళ తర్వాత విడుదల చేయనున్నారు. ఇక సినిమాలో యాక్షన్ సీన్స్ గాని పాటల విషయంలో గాని మ్యూజిక్ డైరెక్టర్ విషయంలో గాని అన్నీ పక్కాగా ప్లాన్ చేస్తున్నాడు. ఇక సినిమాలో కొన్ని కొన్ని సీన్స్ కి సంబంధించి ప్రశాంత్ నీల్… హాలీవుడ్ యాక్షన్ డైరెక్టర్ల సలహాలను తీసుకుంటున్నాడు అని సమాచారం. ఇదిలా ఉంచితే ఈ సినిమాలో ఓ ఐటెం సాంగ్ కూడా గ్రాండ్ గా ప్లాన్ చేస్తున్నాడు.

ఈ ఐటెం సాంగ్ ని బంగ్లాదేశ్ ఇండియా సరిహద్దుల్లో షూట్ చేస్తారట. అయితే ఈ పాట విషయంలో ఇప్పుడు ఓ ముసలి హీరోయిన్ తో చర్చలు జరుపుతున్నాడు ప్రశాంత్ నీల్. బాలీవుడ్ మాజీ హీరోయిన్ శిల్పా శెట్టితో ఈ సినిమాలో ఐటెం సాంగ్ చేయనున్నాడు. దీనికి సంబంధించి ఇప్పటికే ఆమె కూడా గ్రీన్ సిగ్నల్ ఇచ్చినట్టు టాక్. ఎన్టీఆర్ కూడా ఆమెతో డాన్స్ చేయడానికి రెడీగా ఉన్నాడట. వచ్చే ఏడాది జనవరిలో ఈ సినిమా షూటింగ్ లో ఎన్టీఆర్ పాల్గొనే అవకాశం ఉంది. అప్పుడు ముందు ఈ సాంగ్ ని షూట్ చేస్తారట.

దీనికి సంబంధించి ఓ భారీ సెట్ కూడా చిత్ర యూనిట్ వేయనుంది. దీని కోసం దాదాపు 500 పాత కార్లు, టూ వీలర్స్ తీసుకోస్తున్నారట. సాంగ్ షూటింగ్ మొత్తం ఓ ట్రక్ మీద ప్లాన్ చేసారట. దీనికి సంబంధించి వచ్చే నెల సెట్ వర్క్ కూడా స్టార్ట్ అవుతుందని టాక్. ఇక ఈ సినిమాను భారీ బడ్జెట్ తో ప్లాన్ చేస్తున్నారు. ఈ సినిమాలో విలన్ గా బాబీ డియోల్ నటిస్తున్నాడు. అలాగే కన్నడ స్టార్ హీరో ఇందులో కీ రోల్ ప్లే చేస్తాడని టాక్. ఇక హీరోయిన్ కూడా కన్నడ అమ్మాయిని సెలెక్ట్ చేసారు. ప్రస్తుతం ఎన్టీఆర్ వార్ 2 సినిమా షూటింగ్ కోసం ముంబై వెళ్ళే ప్లాన్ లో ఉన్నాడు.