ఇది శోభిత రేంజ్… అక్కినేని కోడలు దుమ్ము రేపిందిగా…

సమంతాకు నాగ చైతన్య డైవర్స్ ఇచ్చి శోభితను చేసుకుంటున్నాడు అనే కోపమో… లేదంటే శోభితతో రిలేషన్ కారణంగా ఆమెను ఇబ్బంది పెట్టాడు అనే గాసిప్స్ కారణమో తెలియదు గాని శోభిత విషయంలో మాత్రం తెలుగు ఆడియన్స్ పిచ్చ కోపంగా ఉంటారు. ఆమె పేరు వింటే ఆడియన్స్ కు మెంటల్ వస్తుంది. ఆమె ఏం అందంగా ఉందని బెంజ్ వదిలి… మారుతీ కార్ ను కొనుక్కున్నాడు అంటూ నాగ చైతన్యను ట్రోల్ చేయడం స్టార్ట్ చేస్తూ ఉంటారు ఆడియన్స్. పెళ్లి వార్త బయటకు వచ్చిన తర్వాత మరింత దారుణంగా ట్రోల్ చేసారు.

కాని ఆమె మన తెలుగులో కంటే బాలీవుడ్ లో మాత్రం యమా ఫేమస్. అక్కడి స్టార్ హీరోలు అందరితో ఆమెకు మంచి పరిచయాలే ఉన్నాయి. తెలుగు సినిమాలు ఆమె చేయడానికి ముందుకు రాదూ అనే టాక్ కూడా ఉంది. అసలు విషయంలోకి వెళ్తే… ఆమె బాలీవుడ్ లో ఓ ఫేమస్ అవార్డ్ కొట్టేస్తుంది ఇప్పుడు. ఈ ఏడాది ఎమ్మీ అవార్డులను ఇంటర్నేషనల్ అకాడమీ ఆఫ్ టెలివిజన్ ఆర్ట్స్ అండ్ సైన్సెస్ అందిస్తుండగా… శోభిత ఈ అవార్డ్ కు నామినేట్ అయింది. మన ఇండియన్ టైం ప్రకారం మంగళవారం తెల్లవారుజామున 3:30 గంటలకు టీవీలో ప్రత్యక్ష ప్రసారం అవుతుంది. 52వ అంతర్జాతీయ ఎమ్మీ అవార్డుల ఈవెంట్‌ యూఎస్‌లోని న్యూయార్క్‌ లో ప్లాన్ చేసారు.

మనకు పెద్దగా పరిచయం లేని ఈ ఈవెంట్‌కు తొలిసారి ఇండియన్‌ కమెడియన్‌, నటుడు వీర్ దాస్ హోస్ట్‌ గా చేస్తున్నారు. ఈ ఏడాది 21 దేశాల నుంచి 56 మంది నామినేషన్స్‌ లో ఉండగా… 14 విభాగాల్లో ఎంపిక చేసి అవార్డులు అనౌన్స్ చేస్తారు. అక్కడికి శోభిత కూడా నామినేట్ అయింది. అనిల్ కపూర్, ఆదిత్య రాయ్ కపూర్, శోభితా ధూళిపాళ్ల నటించిన వెబ్ సిరీస్‌ ‘ది నైట్ మేనేజర్’ ఉత్తమ డ్రామా సిరీస్ విభాగం- 2024 అంతర్జాతీయ ఎమ్మీ అవార్డులకు నామినేట్ అయింది. ఈ సిరీస్ తో… లెస్ గౌట్టెస్ డి డైయు (డ్రాప్స్ ఆఫ్ గాడ్) (ఫ్రాన్స్), ది న్యూస్ రీడర్ – సీజన్ 2 (ఆస్ట్రేలియా), ఐయోసి ఎల్ ఎస్పియా అర్రెపెంటిడో – సీజన్ 2 (అర్జెంటీనా)లు ఈ అవార్డు కోసం పోటీ పడతాయి.

ఇది శోభిత రేంజ్ అంటూ సోషల్ మీడియాలో కామెంట్స్ వస్తున్నాయి. నాగచైతన్య – శోభితా ధూళిపాళ్ల వివాహం డిసెంబర్‌ 4న హైదరాబాద్‌లో 8 గంటల పాటు చేయనున్నారు. ఈ పెళ్ళికి ప్రముఖులు ఎవరిని ఆహ్వానించడం లేదు అని టాక్. అతి తక్కువ మందిని మాత్రమె ఆహ్వానిస్తూ… ఓ ఒటీటీ సంస్థకు లైవ్ రైట్స్ ఇచ్చి పెళ్లి చేస్తున్నారు. కుటుంబసభ్యులు, సన్నిహితులు, సినీ ప్రముఖులు మొత్తం 300 మందిని పిలవాలని అనుకుంటున్నాం అని నాగార్జున కూడా క్లారిటీ ఇచ్చారు.